فكيني منك
سيبيني لي دنيا العذاب
خليني لي حضن الشجن
حضن الصراعات والسراب
فكيني منك دون اذن
من غير كلام من غير عتاب
بس حرريني
سيبيني من دربك امش
ما عدت بتحدى الصعاب
اصلى من ريدك شقيت
ودعت من عمر الشباب
واصبحت زي طاير جريح
ما راعو احساسو الذئاب
وانا كل يوم داكي الفطور
بتعشى فول
مات فيني احساس بالكباب
كوركت ليك بي جوع عواطف
يا عواطف .. يا حباب
لكن قسيتي
وكم نسيتي
وقفلت من الريدة باب
وبرضو ما انقطع العشم
جواي بقول اديني من ريدك صحن
كسرة هواك
والويكة في اجمل زمن
ورحلت منك وانطويت
ودخلت لي داك السجن
احساس غريب
وانا ما غريب
محبوس في ارضك يا وطن
لكن تأكدى ما جنيت
وغير دروبك ما مشيت
ما ضقت لي غيرك طعم
رد مع اقتباس
المفضلات