للفاطرين فقط . . .

[علي النعيم محمد نور]

لان الأطباء يربطون تناول (الجرعات)الكبيرة والخطيرة بضرورة تناول وجبة الإفطار( أو الفطور حقا"). . . لذلك حرصا" مني علي سلامتكم أرجو أن تكون قد تناولتم وجبة الإفطار قبل القراءه. . . وإن كنت متصفحا" ليلا" أو عصرا" أو أي توقيت يتضارب مع التحذير (فالعفش داخل البص علي مسؤلية صاحبة). . .
الموضوع ياسادتي بدون تفاصيل الدورة المدرسية . . .
ــــ أين متبقي ال36 مليار التي إستلمتها حكومة الجنوب لتجهيزات الدورة ؟
ــــ ولماذا الإصرار علي قيام الدورة بقرار إرتجالي غير مدروس ونحن في (عز) العام الدراسي وتبقي لنهاية العام الدراسي شهران؟
ــــ وطالما أن الدورة المدرسية يمكن أن تقوم (بين يوم وليلة) لماذا الإستعدادت والميزانيات والصرف (الصحي) ده أقصد البزخي ده؟
ــــ أطفالنا وأبناءنا في عز البرد وسؤ التنظيم من المسؤل عنهم . . وهل الخرطوم آمنه لوجودهم في مثل (هذه الأيام)؟
ــــ لم نسمع عن أي( إجراء) حيال إصدار السيد / باقان أموم قرار إلغاء الدورة . . .؟ وطالما الكل يصدر ولا أحد يحاسب ها أنا أصدر قرارا" بإلغاء الدورة المدرسية 22 وتحويل باقي (قروش ) د.عبدالرحمن الخضر لصالح مواطني الجزيرة الذين يجاورهم النيل ويعانون العطش! ! ! يعني باقان أحسن من منو فينا . . . ؟

[ابو لوزة]

نحن الان في بلد لانستطيع ان تسال فيها عن شي وحتي ان سالت لن تجد من يجيب علي
اي سؤال وان يفيدك باي افاده ومنذ زمن ليس بقصير صرنا نسمع فقط ولا يحق لنا ان نسال
والمواطن السوداني اصبح انسان معايش همه الاكبر كيف له ان يؤمن رقيف الخبر لاسرة لهذا
اليوم . اما خلاف ذلك ليس ذو اهمية بالنسبة له .
واليوم لو جينا نسال هنالك اشياء كثيرة الواحد عائز يسال منها ولكن ليس هنالك من يجيب
وربنا يكون في عون المواطن الغلبان

[التيمان]

انا هسي قايلو محل تمباك جديد
لو ما فاطر ماتخاطر

[mahagoub]

يا التيمان ختوا السفه وتعالوا بجاى
انتو تسفوا سفه وناس تسف مليارات
اموال شعب ما لاقى ياكل
لو ادوا كل طالب مفروض يشارك
500 جنيه ويلغوا الدوره ويسفوا الباقى
كان بقت مبلوعه

[التيمان]

ادونى الفين بس واخلى المنتدى زاتو

[بحيرى]

يا سبحان الله
اللهم لا نسالك رد القضاء ولكن نسألك اللطف فيه !!!!

[علي النعيم محمد نور]

نحن الان في بلد لانستطيع ان تسال فيها عن شي وحتي ان سالت لن تجد من يجيب علي
اي سؤال وان يفيدك باي افاده ومنذ زمن ليس بقصير صرنا نسمع فقط ولا يحق لنا ان نسال
والمواطن السوداني اصبح انسان معايش همه الاكبر كيف له ان يؤمن رقيف الخبر لاسرة لهذا
اليوم . اما خلاف ذلك ليس ذو اهمية بالنسبة له .
واليوم لو جينا نسال هنالك اشياء كثيرة الواحد عائز يسال منها ولكن ليس هنالك من يجيب
وربنا يكون في عون المواطن الغلبان

لكن بعديييييين نقول لي ناس (لوزة ) شنو ؟ غايتو مااااااا أظن بغفروا لينا اللت والعجن دة .
بوسه كبييييييره للأموره لوزة.

[علي النعيم محمد نور]

انا هسي قايلو محل تمباك جديد
لو ما فاطر ماتخاطر

آخر تعليق قريتو عن الما بسمي ده واح كاتب في دكانو ( سفة كل ست ساعات )

[علي النعيم محمد نور]

يا التيمان ختوا السفه وتعالوا بجاى
انتو تسفوا سفه وناس تسف مليارات
اموال شعب ما لاقى ياكل
لو ادوا كل طالب مفروض يشارك
500 جنيه ويلغوا الدوره ويسفوا الباقى
كان بقت مبلوعه

والله يا محجوب يا أخوي الباقي ذاتو كبير ماااا( بتبلع ) .

[علي النعيم محمد نور]

ادونى الفين بس واخلى المنتدى زاتو

ألفين شنو ؟ مش تجونا بعدين تقولو ألفين بالجديد وبالقديم . . . حددو.

[علي النعيم محمد نور]

يا سبحان الله
اللهم لا نسالك رد القضاء ولكن نسألك اللطف فيه !!!!

يابحيري ياأخوي. . . ياحليل زمن مأمون بحيري وحليل حليل .

[خالد أحمد الصول]

تابعت جزءا من فعاليات هذه الدورة 22 و أستغربت حتي منشط كرة القدم الذي يحبة السودانين جدا تجد الفرق تلعب بدون جمهور و بدون روح و بدن نفس ... تتنافس و كانها من الماضي ... لم يظهر من الفرق المنافسة ما ينفع أن يكون لاعب درجة رابعة ... و كذلك منشط كرة السلة و الطائرة و بقية المناشط ... فطايس يجرجرون أرجلهم خجلا و أرهاقا ... ثم المسرح الذي كانت أمسياته تجلل البلد و يحرص علي حضور فعالياته الادباء و الفنانين و النقاد و الزواقة و محبي المسرح و تلاميذ المدارس وفيكون كيوم الحشر لا تجد نفسا ولا مساحة فارغة ... أما الدورة 22 فالمسارح فارغة تشكوا الغبار في كراسيها و المسرحيات باهته جدا مبتورة أعتقد أنهم في عجالة من أمرهم بتروا كل ما كان يتحدث عن جنوب السودان بطريقة شوهت كل العروض ... ما برز ممثل قدير ولا مسرحية متميزة ... و حتي الغناء الذي صار أسهل شي في بلادي يمتهنه من لا مهنه له ... حتي الغناء لم تفلح الدورة المدرسية هاذي في تقديم فنان أو فنانة مميزة للسودان ... أعتبر أن هذه الدورة خصما علي الدورات الفائتة و أنها الطيش في كل شي

[ود الجعلي]

الكمدان على النعيم اول حاجة مشتاقين تاني حاجة
السؤال الاهم متى ترحل الانقاذ وتريح البلاد والعباد والشجر والحجر من شرورها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟