$$ النفاج هذا الصباح $$

[بحيرى]

أأأأى شمارات وكده
الواحد من الصباح اشوف الجديد
علماً نحن عندنا مصادر شمارات خطره (wso) منظمة الشمار الدوليه
من الملاحظ انو فى ظاهره بتاعت شمارات فى المنتدى وخصوصاً فى النفاج
والله النفاجين ديل !!!!
(فلان سرق توقيع وعلان سوه زى فلان وناس قريعتى راحت وفلتكان سرق ليهو صوره واعملوا لى كشف وشئ مجانين وناس العرس )
فضحتونا
حورجتونا (من احراج) مع باقى المنتديات
الناس تقول علينا شنو؟
فقلنا نعمل لينا بوست نلم فيهو الفضائح دى
الستره والفضيحه متباريات زى ما بقولوا
ونعين ناس للشمارات دى ونعمل لينا محكمه لفض النزاعات القائمه بين المنتديين (من منتدى)
انا اي كلمه اقعد اشرحها ليكم ولا شنو!!
وناس نق نق نق نق ديل عارفنهم ولا اقول !!!
واحد ثقيل قال لى قول
جارى للفضائح بس
نسيت اقول ليكم انو التجربه دى تجربه بلقاريه
واثبتت نجاح فى شرق ووسط افريقيا
ما تنططوا لي عيونكم نحن اى حاجه بنعملها بى دراسه
فى زول عندو سؤال ؟
اى سؤال !!
على بركة الله

[ود المطامير]

أنا عندى سؤال

بلقاريا دى هى دولة جنوب السودان الجديده مُش ؟

والله أحسن حاجه تلمنا هنى علشان لو جا ضيف

أو زول كبير طوالى نغطى المكان دا بخيش

[mahagoub]

انت بتبيع فجل
تغطيه بخيش

وانت يا بياع الشمارات
الكيلو بكم اليوم

[بحيرى]

أنا عندى سؤال

بلقاريا دى هى دولة جنوب السودان الجديده مُش ؟

والله أحسن حاجه تلمنا هنى علشان لو جا ضيف

أو زول كبير طوالى نغطى المكان دا بخيش

بلقارى دى من دول العالم الرابع يعنى مجموعة السودان الجديد والقديم واللسه ما معروف
وكلامك بتاع الخيش
والله فكره سليمه وهو المقصود نلم الناس وننستر

[بحيرى]

انت بتبيع فجل
تغطيه بخيش

وانت يا بياع الشمارات
الكيلو بكم اليوم

يا حاج
اريت الخيش يكفى
بعدين القال ليك الشمارات ببيعوها بالكيلو منو
يا سيدى الشمارات بقت بالقيقه بيات وكده
انت وين يا حاج قاعد !!

[تغريدا]

نفسى فى فووووووول بزيت سمسم بلقاه يابحيرى

[بحيرى]

نفسى فى فووووووول بزيت سمسم بلقاه يابحيرى

ما صعبتيها شويه يا تغريد
هسه فول السعه 12 نلقاهو ليك وين
قول الفول لقيناهو زيت السمسم ده نلقاهو وين
اطلبى ليك حاجه ممكنه
مثلاً
مندى حليب
شيش طاوووووووووووووووووووووق ابل
كوارع فراخ
سلطة سمك فرايد
جبنه معقده
اى حاجه متوفره !!

[بت أم درمان]

ما صعبتيها شويه يا تغريد
هسه فول السعه 12 نلقاهو ليك وين
قول الفول لقيناهو زيت السمسم ده نلقاهو وين
اطلبى ليك حاجه ممكنه
مثلاً
مندى حليب
شيش طاوووووووووووووووووووووق ابل
كوارع فراخ
سلطة سمك فرايد
جبنه معقده
اى حاجه متوفره !!

حسي دا كوووووول متوفر يعني
شيش طاوق ابل دا اول مرة اسمع بيهو
كوارع فراخ دي تتاكل كيفن ياي
مندي حليب يعني شنو؟
جبنة معقدة يعني مضفورة تقصد؟

كان كدا قوم امشي العام
تم لينا يوميات رجل المستحيل
من الشحتفة الانت عاملا لينا دي

[بت أم درمان]

نفسى فى فووووووول بزيت سمسم بلقاه يابحيرى

نففففس النفس صدقي
اصلو الجوع كافر
يخليك اي شي قدامك تشوفيهو صحن فول مظبط

[تغريدا]

نففففس النفس صدقي
اصلو الجوع كافر
يخليك اي شي قدامك تشوفيهو صحن فول مظبط

أى والله ياالدرة اسوى سواة صاحبنا المفلس ونفسه فى شية قام أشترى ليه رغيفة وجا قعد جمب بتاع الشية وبقى يقطع قطعة رغيف ويخم من دخان الشية وياكل فأنا يعنى لو قدامى مندى يابحيرى بعتبره فول وآآآآآآآآآآآآآآآآكل على كده

[بت أم درمان]

أى والله ياالدرة اسوى سواة صاحبنا المفلس ونفسه فى شية قام أشترى ليه رغيفة وجا قعد جمب بتاع الشية وبقى يقطع قطعة رغيف ويخم من دخان الشية وياكل فأنا يعنى لو قدامى مندى يابحيرى بعتبره فول وآآآآآآآآآآآآآآآآكل على كده

ههههههههه
يعني انا حسي اتخيل الفول
لكن من وييييييييين اجيب العيش
رسلي لي معاك عيشة
ناكل سوا

[بت أم درمان]

شمااااااار
الجوع في البرد
حاااااااااااااار
زي جوع رمضان
عدييييل كدا

[بحيرى]

حسي دا كوووووول متوفر يعني
شيش طاوق ابل دا اول مرة اسمع بيهو
كوارع فراخ دي تتاكل كيفن ياي
مندي حليب يعني شنو؟
جبنة معقدة يعني مضفورة تقصد؟

كان كدا قوم امشي العام
تم لينا يوميات رجل المستحيل
من الشحتفة الانت عاملا لينا دي

الله على الحنكشه
مارقه منك حنكوشات حنكوشات
لكن بى امانه يا بت امدر
ده وكت فول
الناس فى شنو وتغريد فى شنو
هسه نقول شنو لناس لبرنامج الامم المتحده الانمائى
نقول ليهم تغريد دايره فول بزيت سمسم كمان
نودى وشنا وين

[بحيرى]

أى والله ياالدرة اسوى سواة صاحبنا المفلس ونفسه فى شية قام أشترى ليه رغيفة وجا قعد جمب بتاع الشية وبقى يقطع قطعة رغيف ويخم من دخان الشية وياكل فأنا يعنى لو قدامى مندى يابحيرى بعتبره فول وآآآآآآآآآآآآآآآآكل على كده

زى الزول الجاتو ليلة القدر
قال داير ابقى زى ادريس صلاح ونسى اقول صلاح ادريس
هسه انتى جمبك المندى تقولى دايره فول
والله لو سمعوك الهنود اطالبو طوالى بالانفصال فى جنوب الهند وحق تقرير المصير
وحق المواصلات !!

[بحيرى]

شمااااااار
الجوع في البرد
حاااااااااااااار
زي جوع رمضان
عدييييل كدا

الكلام ده لى وليك
لكن ناس ود المطامير ديل ما بعرفوا الكلام ده
اصلو رمضان عندهم اوف
لكن بينى وبينك
فى الشتاء الواحد لو ما اتعشى تمام
ما بقدر انوم !!

[بحيرى]

اخر الشمارات:-
1/ ود المطامير فقد الثقه فى نفسو
2/ عم محجوب شقال جرد وتقفيل ميزانيه (تحت تحت قالوا فارقه)
3/ بت ام درمان قالوا جايه مدنى عندها موضوع ساكاهو
4/ احمد علقم داير اتلب لى فى بيتنا
5/ همسات الايام دى جايها عريس ما فاضيا لينا
6/ التيمان اعتقلوهم ناس البلمبجى اقصد البمبى
7/ محمد عبد القادر اولادو مافيشين قاعد عزابى
8/ مدنيه متهمه باختلاسات فى الذهب
9/ ابو النور عندو مشكله (ما عارف اروس وين)
10/ مايسه الايام دى بطنها مستطمه من المنتدى
11/ عمدتنا ود الطاهر داير اعمل انقلاب فى المنتدى
12/ مرام معصوره فى الكرسى الساخن
13/ مدناويه دايره تعمل نيو لك جديد
14/ رغد حاميه ام رغد من المنتدى
15/ تغريد نفسها فى فول مصلح وزيت سمسم
16/ ياسر 123 الايام دى روحو محرقاهو وما لاقى ليهو صوره تشبهو
17/ محمد النور مشغول بالمولود الجديد

[مايسة]

هناية خطبوها
وهناية ديك مااااشة الجامعة
وهنااي عايز يعرس
وهنااي دااك برضو عندو نية كدا - بس لسى ما بااانت

اها الاخبار دي كيف معاكم

[mahagoub]

يا حاج
اريت الخيش يكفى
بعدين القال ليك الشمارات ببيعوها بالكيلو منو
يا سيدى الشمارات بقت بالقيقه بيات وكده
انت وين يا حاج قاعد !!

قاعد فى حلقة الخدار

[mahagoub]

فعلاً لقينا فروقات
انت ست ودع ؟؟

[بت أم درمان]

شنو اخر الشمارات

[mahagoub]

بحيرى قالو خطب

[mahagoub]

معليش اقصد بكسر فى الحطب

[ميادة]

معليش اقصد بكسر فى الحطب

انا غايتو جايه اتشمشر موش جايبه شمارات

[mahagoub]

انا غايتو جايه اتشمشر موش جايبه شمارات

الداخل لازم يجيب معاه شمار
الفول ناكله حب

[بحيرى]

شنو اخر الشمارات

انتى الشمار ليك شنو ؟
انحنا هسه بنتشمر عليك
انتى رايك شنو
قالوا وقالوا وقالوا
ولا بوريك !!!
شوفى عمك محجوب

!!