ثلاثة عبارات اشتقت لأن اسمعها خاصة في الأعراس والزواجات

[الجندي المجهول]

1/ البمبان سلاح نسوان
2/ يا بوليس ماهيتك كم رطل السكر بقى بي كم
3/ رقم (3) تموها خيال

تخريمة : هذه العبارات في زمنا كانت تقال في الزواجات والمناسبات وكل زول حر في (زمنو)

[محمد عبد الله عبدالقادر]

البعرفو العبارات دي بتتقال في المظاهرات
لكن في الاعراس يطرشني

[الجندي المجهول]

البعرفو العبارات دي بتتقال في المظاهرات
لكن في الاعراس يطرشني

حبيبنا الغالي
هسع عليك الله في زول جاب سيرة مظاهرات ،،،،
اخر مظاهرات حقيقة كانت ايام الاحزاب وتغيرت الاجيال وتبدلت
انت تتحدث عن شخص الان في الجامعة بالتأكيد هو من مواليد التسعينات او نهاية الثمانيانت ( لو عاد سنة او اتين)
ولا اعتقد ان هذه الاجيال الجديدة ( ناس طرادة ) ديل بيطلعوا مظاهرات ...

تخريمة : هسع المميز دا كان قرر يطلع مظاهرات ودنقر شال حجر وفكاهو في ( كندورة) وناس كندورة رجعوا ليهو ( البمبان) وهو اصلا عندو جيوب انفية ...... باقي ليك بنخليهو يمشي تاني السودان

مع اللفة : المظاهرات دي حقتك انت يا فردة ( وهاشم عمي دفعتك ) وحكي لي لما البوليس فك فيكم البمبان وانت صبيتها ورجعتها تاني وبنات ( مدرسة الليثي ) زغردن ليك ....
كان نسيت برسل ليك تلفون عمي يذكرك ( يا بتاع المظاهرات ) الغريبة انت الوداك بي هناك شنو سنة 1988م

اتمنى ان يطلع المميز على هذا الجزء من الرد وهذه الجزئية تحديداً ،،،،،،

[mahagoub]

انا بأيد محمد
شغل مظاهرات
وانت كنت فى نصها
انا شفتك والسوارى ساكنك
وكان ليك راى تانى قولو

[الجندي المجهول]

انا بأيد محمد
شغل مظاهرات
وانت كنت فى نصها
انا شفتك والسوارى ساكنك
وكان ليك راى تانى قولو

عمنا محجوب حبابك الف
عمنا للعلم يعني ممكن تشرح كلمة (السواري ) عشان
مرام ، بت امدرمان ، ميادة ، مودي بالانجليزي ، مدناوية ، المميز (ديل ما بكونوا بعرفوا السواري)

تنبيه : ما تشرح لي بت مارنجان

[محمد حسين (المميز)]

تخريمة : هسع المميز دا كان قرر يطلع مظاهرات ودنقر شال حجر وفكاهو في ( كندورة) وناس كندورة رجعوا ليهو ( البمبان) وهو اصلا عندو جيوب انفية ...... باقي ليك بنخليهو يمشي تاني السودان



اتمنى ان يطلع المميز على هذا الجزء من الرد وهذه الجزئية تحديداً ،،،،،،

ياخ المميـّــز تطيـر عيشتـه

ايوي يوي يووووووووي

للنفـّـــــــــــــاج تــويــــــــــــل

[مدناوية]

عمنا محجوب حبابك الف
عمنا للعلم يعني ممكن تشرح كلمة (السواري ) عشان
مرام ، بت امدرمان ، ميادة ، مودي بالانجليزي ، مدناوية ، المميز (ديل ما بكونوا بعرفوا السواري)

تنبيه : ما تشرح لي بت مارنجان

الجندي المجهول ..

إنت قايلني كديسة لندن .. )هسي ود المطاريش (كتال الكدايس) يجيب نبلتو ويجينا طاير(..

كيفن يعني ما بعرف السواري ؟؟

إنت قايلني ما عندي حبوبة .. ولا ما عندي حبووووبة ...

حررررة ما عندي حبوبة .. أسأل منها مودي مشاكل كمان ...

[مايسة]

كيور بث

البوست دا كان في العام الجابو النفاج شنو

[mahagoub]

كيور بث

البوست دا كان في العام الجابو النفاج شنو

جابوه ناس السوارى