سلامات محمد النور الجاتك في عربيتك الجديدة سامحتك

[محمد عبد الله عبدالقادر]

تعرض اخونا محمد النور الى فاجعه في سيارته الجديدة ( يارس) الاشتراها جديييده
يوم الامطار والهواء في جدة وقف عربيتو قدام المكتب وتحت الشجرة عشان الشمس ودخل مطمئن انو العربيه في امان من حرارة الشمس واداها مسحه بالكرفته بتاعتو ولف حولينها تلاته مرات يعاين ليها.
اها قومي يا المطرة والهواء وقعي ليك فرع كبير من الشجره وفي العربيه الجديدة طوالي وكسرت القزاز الوراء وطفقت الشنطه اها اخونا ود النور جاء طالع لقى المنظر قرب يغمى عليهو الا ناس المكتب لحقوه بمويه باااارده
وهسي هو بين الدفاع المدني والشرطه وشركه تويوتا شركة التأمين لافي سورو
سليمه يا ابو زي يزن والبجي في الريش بقشيش

ده كلو عشان اكل علينا كرامه العربيه والسمايه بتاعت يزن كمان..

كفاره يا ريس

[ahmed algam]

كفاااااااااااااااااااااارة

ابو زي يزن

والجاتك في عربيتك سامحتك

والف الف الف سلامة

[mohd saeed magazoub]

الف سلامة عليك اخونا محمد النور

[محمد حسين (المميز)]

الهديد بتأوض ويتسلّح يابوذي يزززززززززن



والكرامه والسمايه بررررررردو بتتأوض وتتأمل من تاني

ولا كيف يا ابّـكر أقصد ياودعبــدالله عبدالقادر

انشالله نص خروف مندي عالبحــر

[ابو لوزة]

ابو زي يزن الف سلامة زي ما فالو ا الشباب
الجاتك في مالك سامحتك
والحمد لله انت كنت مافيها
لكن اقول حاجة محمد عبدالله والمميز ديل
احسن تكف عينهم عشان ما يجيبوها كبيرة

[همسات]

الف الف سلامه
والجاتك في عربتك سامحك
كرم ليها يااخوي

[مايسة]

الف الف سلامة يا ود النور ياخ
والبركة الجات في الحديدة

[ود المطامير]

الف الف سلامة يا ود النور ياخ
والبركة الجات في الحديدة

[مدنيّة]

والله وجعتني يامحمد
ربنا يعوض عليك يارب

لكن البجي في الحديد كله هين وبتعوض

[أبوريلان]

الجاتك في مالك سامحتك يا ود النور
وكلوا يهون لما تصبح علي زى يزن.

[تغريدا]

ربنا قدر ولطف ربنا يخلف عليك صحة وعافية وألف ألف سلامة

[الجندي المجهول]

الف سلامة عليك اخونا محمد النور







الف سلامة عليك اخونا محمد النور




انا بقترح عليك تسوق الناس (محمد ومحمد ومحمد ومعتز وابو عمرو) ديل (الكرنتينة)
اقاشي وتشتري راسك ............... اها رايك في الفكرة شنو

[محمد الجزولى]

كفاره وسلامات الحبيب محمد النور

[روبش]

والله عشان عندنا وطنية بنقول الف سلامة عليك والحمد لله جات في العربية
اقول :: بالامس القريب فقدت عمتنا عربيتها .. واليوم محمد نور الحاصل شنو
الصهاينة ديل لازم فيهم حاجة

[محمد الواثق]

سلامات يا ابوحميد
ان شاء الله ما تشوف شر ياخ
الف الف سلامة
وان شاء الله الشر راح
وربنا بأذن الله يعوضك ان شاء الله

[moh_alnour]

اللهم صلي على سيدنا محمد صلاة تُنجينا بها من جميع الآهوال و الآفات و تقضي لنا بها جميع الحاجات
و تبلغُنا بها أقصى الغايات من جميع الخيرات في الحياة و قبل الممات
الحمد لله على ما أراد الله و الحمد لله أن كان ذلك في السيارة و لم يكن في زوجتي و إبني و نفسي
شكرا ً للجميع بدون فرز على هذه المشاعر الصادقة ولا أراكم الله مكروه في عزيز لديكم
و يا روبش ما نجاملك في شينة لكن الفيكم إتعرفت و الوطنية بتاعتكم أخير عدما يا صهاينة يا صفراب

تعرض

اخونا محمد النور الى فاجعه في سيارته الجديدة ( يارس) الاشتراها جديييده

يوم الامطار والهواء في جدة وقف عربيتو قدام المكتب وتحت الشجرة عشان الشمس ودخل مطمئن انو العربيه في امان من حرارة الشمس واداها مسحه بالكرفته بتاعتو ولف حولينها تلاته مرات يعاين ليها.

اها قومي يا المطرة والهواء وقعي ليك فرع كبير من الشجره وفي العربيه الجديدة طوالي وكسرت القزاز الوراء وطفقت الشنطه اها اخونا ود النور جاء طالع لقى المنظر قرب يغمى عليهو الا ناس المكتب لحقوه بمويه باااارده

وهسي هو بين الدفاع المدني والشرطه وشركه تويوتا شركة التأمين لافي سورو

سليمه يا ابو زي يزن والبجي في الريش بقشيش

ده كلو عشان اكل علينا كرامه العربيه والسمايه بتاعت يزن كمان..

كفاره يا ريس

على قول أخوانا السوريين ( يطعمك الحجة و الناس راجعة ) ياخ الحادث دا من يوم الخميس الفات
الويكيليكس عندك يا حبيب بس ما ظبط معاك لأنو السيارة ما جديدة خاااالص لأنو إستلمتها يوم 31/7/2010م
بعدين يا شامة الهجامة منو القال ليك ( طفقت الشنطة ) كانت طفقة صغيرة في سقف السيارة
أفووووو يا محمد ياخ أنا مسيطر على الوضع تماما ً معقول بس أنهار من موقف زي دا يا مهروش
بس حلوة حكاية مسحا بالكرفتا و لفا حولينا تلاتة لفات دي ضحكتني شديد
ثم ثانيا ً سماية ( ذي يزن ) ضبحنا ليهو خروفين في السودان وسط الأهل و الأحباب و حقكم محفوظ
بس و الله إتغظت من الإجراءات الطوووويلة و أنا أصلا ً مزنوق مع شغل نهاية العام
أمشي صور السيارة و جيب لينا الصور وما تحرك السيارة من مكانا و جيب صورة من كيت و كيت و كيت
و الله عديت 4 يوم و أنا جاري ما بين الدفاع المدني وسط جدة قريب برج دلة و ما بين رئاسة الدفاع المدني في الشرفية
و من مكتب لي مكتب و من ضابط لي ضابط و لحدي ما أدوني تقرير بالحادثة
لأنو المرور قالوا دا ما من إختصاصم لأنو دا ما حادث مروري و بعد ما جبتا التقرير
جيت لي شركة تايوتا قالوا لي أمشي المرور جيب لينا إذن إصلاح و بعد المرور جيت شركة تايوتا في شارع قريش
من الصباح ما طلعتا منهم إلا بعد الضهر ودا كلوووو بس عشان يستلموا السيارة و رغم إنو السيارة مؤمنة تأمين شامل
إلا إنهم قالوا لي تدفع ( 700 ) ريال لأنو مافي طرف تالت و قلنا الحمد لله طالما ح يكون القزاز أصلي و بي معرفتم
و في الأخر نقول الحمد لله على ما أراد الله ولا راد لقضاء الله
تفحيطة باليارس : ما عندك لينا سيارة تأجير منتهي بالتسليف لحدي ما سيارتي تطلع من الورشة ؟

ابو زي يزن الف سلامة زي ما قالوا الشباب الجاتك في مالك سامحتك و الحمد لله انت كنت ما فيها
لكن أقول حاجة محمد عبد الله و المميز ديل أحسن تكف عينهم عشان ما يجيبوها كبيرة

تسلم يا أبو لوزة فكما قال الإمام الشافعي ( و أرض الله واسعة و لكن إذا نزل القضاء ضاق الفضاء )

أنا بقترح عليك تسوق الناس ( محمد و محمد و محمد و معتز و أبوعمرو ) ديل ( الكرنتينة ) أقاشي و تشتري رأسك

أجي يا بُري ! ما كُنا متواعدين نمشي كُلنا مطعم الشية الفي شارع التمنين و أعتذرتوا و قمنا مشينا
أنا و محمد عبد الله أبو زيد و مبارك أخو الأدمن و ود الكريبة عمر و معاهم صاحبم و أبو مازن بعد ما جا
إعتذر و قال عندو مشوار لي حي السلامة ، بس ما مشكلة يا حبيب نحن حاضرين للشية و أم فتفت و الأقشي

[moh_alnour]

الهديد بتأوض ويتسلّح يابوذي يزززززززززن
والكرامه والسمايه بررررررردو بتتأوض وتتأمل من تاني ولا كيف يا ابّـكر

( أليك دينك يا مميز جنس الهديد دا ما ببكي )
تفحيطة : ما تنسى يا مميز تمسك لي الكشف و تلم لي الشيرينغ من الجماعة في جلسة اليوم

[مدناوية]

الجاتك في ياريسك سامحتك ..

بركة الجات في الحديد .. الباقي كلو هين ...

[سروية]

الف سلاااامة والله
يانثيبي سابقاً طبعا خلاس رفعنا طوبتنا من ولدك قبلنا علي مدنية
وانا اقووووووووووول مختفي كدا وييين اتاريك كنتة في العناية المكثفة

[الجندي المجهول]

اجيك من الاخر كدا .............
أبشرك .. جلسة انا ما جيت فيها (يعني ما حاضرها) ما تحسبني فيها ساكت ,,, والبعدني يعدو في النار

[moh_alnour]

و إنت ِ الصادقة يا سروية كُنتا مزنوق مع شغل نهاية العام المالي
كسرة : إشارتك خضرا و قشة ما تعتر ليك أنا زاااااتي ولدي ما بعرس ليهو شايقية

أجيك من الأخر كدا
أبشرك .. جلسة أنا ما جيت فيها ( يعني ما حاضرها ) ما تحسبني فيها ساكت

إنتو ما مهروشين و اليوم داك ما أخدتو الإذن من الحكومة عشان كدا ما جيتوا بس برضو نحن حاضرين
لكن أبو زيد لأنو مسيطر على الوضع تماما ً جا هو و مبارك محمد المبارك و صاحبو و عمر ود الكريبة
و أبو مازن بعد ما وصل المطعم رجع لأنو المدام أتصلت عليهو و قالت ليهو تجي حسسسسسسي

[مدنيّة]

الف سلاااامة والله
يانثيبي سابقاً طبعا خلاس رفعنا طوبتنا من ولدك قبلنا علي مدنية

يديك العافية ياحبيبة ههههههههههههههههههه

----------
لكن شفتي ود الجاك!!
كمان عايز يتكلم في الشوايقة!!
عليك الله ما ببالغ!! هههههههههههههههههههههههه

[mahagoub]

كدى خلوا القبايل فى حالها
كفاره وسلامتك
وانت كنت وين ؟؟
قلتا لى الكشف عن منو ؟؟

[سروية]

نثيبتي الجديدة كيفنك ومشتاقين

يامدون ما عشااااان كلامو دة فكيناااهو عكث الهواااا
اي اي عليك الله شوفيهو التقول ماعارفة هدية ورضية وامها ثروية
وكمان ماها المابيهة ريتي ومو ياها المسيخي

[صلاح ودالطاهر]

الف الف سلامة يا ود النور ياخ
والبركة الجات في الحديدة

ياشفاف بتشف من مايسه مالك

سلامات يا حبيبنا ودالنور