حسب الدراسة ما عارف سواها منو قال أنو مرض المصران العصبي أو القولون العصبي يصيب (40%) من سكان العالم ، وطبعاً أكيد في حوالي (10%) ما عارفين عندهم المرض ده ، وبحسبة بسيطة كده يعني نص سكان الأرض عندهم المصران العصبي .
من تعاليق مرضى المصران قيل ( بأن مرضى المصران أنهم مجانين لكن راقيين ) أمكن عشان كده لغاية هسه ما سمعت لي بجمعية لهم لأن الظاهر كلما يجو يجتمعو بطلع واحد مجنون منهم بس ما راقي يفرتقها ليهم .
أما أسخف تعليق سمعته من دكتور ( قال على مرضى المصران أن يحتسبوا الأجر والثواب عند الله ) وهو قاصد يحتسبوا الآلام وغيرها من أعراض المرض ، بالله شوفوا زي الدكتور ده ( ده بدل ما يمشي يحاول يكتشف ليهو علاج للمرض ده ) يعني لا مهنة وحتى إيمان بالله ( لأن قيل بأن الله ما خلق مرض إلا جعله له دواء ) أكيد الدكتور ده خريج . . . . . . .
مرات بقولو ليك ناس المصران ديل عندهم نفسيات مزمنة ونفسياتهم دي في الواطة وفي حياتهم ما بختو إلا أسوء الإحتمالات وحكاية تفاؤل دي معدومة نهائياً وما عندها أي مكان في دواخلهم ( والله صحي . . . . ) .
مفكر أعمل جمعية لمرضى المصران العصبي بس ما عارف الناس دي يتصرفوا معاهم كيف !!!!
رد مع اقتباس
المشاركة الأصلية كتبت بواسطة مايسة
المفضلات