الصرفه كيف ؟؟؟

[مصطفى هاتريك]

شفتي كيف ؟؟؟؟؟؟؟؟؟؟؟؟؟؟؟
لما البحر ... يلقالو قيف........
شفتيهو كيف
بجري وبقالد ضفتو
بلهفه زي قلبي الرهيف.....
و إنتي
إنتي الحرف جوه الجرف
بنيه بس بتبيني طيف
و أنا
أنا البحر يا السمحه كاتلني الولف
شوفتيهو كيف ؟
فتح مسامي على السما
زي شق الأرض
فاتح مسامو على الخريف
راجي الخريف
ياااااااا يا الله الصبر
يااااااا يا الله المطر
إنهد حيل القدره هد
يا حلوه فطانا المطر
فطانا جد
وبكيت معاك
أصلي زيك يا بحر
لا قادر أفارق الضفه لا
و برضو ما قادر أقيف
الصرفه كيف ؟؟؟؟

زيي زيك يا بحر
موجي البكاء.. موجك نزيف
بيني بينك ضفتك
و الرمله والطير و الرصيف
والنخله التتاوق للسماء
والعزه و القلب النضيف
والغنوه ماتت في الحلق
والكلمه و اللحن الشفيف
و شوقي زيك للضفاف
إلا بس
الصرفه كيف
الصرفه كيف
الصرفه كيف

[انور النور محمد]

الحبيب هاتريك
كلمات بتهبش اوتار النغم وترقص القلب العنيد
وبيني بين حرفك ولف لا الضفه تقدر تحتويه
لا بقدر الموج والرصيف
جمممممممممميل
لك مودتي

[محمد الجزولى]

شفتي كيف ؟؟؟؟؟؟؟؟؟؟؟؟؟؟؟
لما البحر ... يلقالو قيف........
شفتيهو كيف
بجري وبقالد ضفتو
بلهفه زي قلبي الرهيف.....
و إنتي
إنتي الحرف جوه الجرف
بنيه بس بتبيني طيف

الجميل هاتريك
سيد الحروف الشايلة من الليل سكون
والطالعة زي موج البحر
تهدر تكون زى ما تكون
ما اجمل كلماتك المرهف مصطفى هاتريك
لا تملك إلا ان تلتهمها حرف حرف
تحياتي الجميل هاتريك

[mahagoub]

هاترك
كم انت رائع
بضفافك ونيلك وموجك
والقلب الحزين يرسا فى الجرف الحنين

هوبه:
افتح ليك ترعه

[مصطفى هاتريك]

الحبيب هاتريك
كلمات بتهبش اوتار النغم وترقص القلب العنيد
وبيني بين حرفك ولف لا الضفه تقدر تحتويه
لا بقدر الموج والرصيف
جمممممممممميل
لك مودتي

بيني ... بين حرفك ولف
لا الضفه تقدر تحتوي
لا يقدر الموج لا الرصيف

أيه الروعه دي يا أنور

[مصطفى هاتريك]

الجميل هاتريك
سيد الحروف الشايلة من الليل سكون
والطالعة زي موج البحر
تهدر تكون زى ما تكون
ما اجمل كلماتك المرهف مصطفى هاتريك
لا تملك إلا ان تلتهمها حرف حرف
تحياتي الجميل هاتريك

سيد الحروف الشايله من الليل سكون

إنت بتجيب الكلام الرائع ده من وين يا الجزولي

[مصطفى هاتريك]

هاترك
كم انت رائع
بضفافك ونيلك وموجك
والقلب الحزين يرسا فى الجرف الحنين

هوبه:
افتح ليك ترعه

يا محجوب

نعمل شنو

ما نحن ما بنختار نريد

ولا بالعدد نحسب نقول الريد يزيد

[ابو عبد الرحمن]

شفتي كيف ؟؟؟؟؟؟؟؟؟؟؟؟؟؟؟
لما البحر ... يلقالو قيف........
شفتيهو كيف
بجري وبقالد ضفتو
بلهفه زي قلبي الرهيف.....
و إنتي
إنتي الحرف جوه الجرف
بنيه بس بتبيني طيف
و أنا
أنا البحر يا السمحه كاتلني الولف
شوفتيهو كيف ؟
فتح مسامي على السما
زي شق الأرض
فاتح مسامو على الخريف
راجي الخريف
ياااااااا يا الله الصبر
يااااااا يا الله المطر
إنهد حيل القدره هد
يا حلوه فطانا المطر
فطانا جد
وبكيت معاك
أصلي زيك يا بحر
لا قادر أفارق الضفه لا
و برضو ما قادر أقيف
الصرفه كيف ؟؟؟؟

زيي زيك يا بحر
موجي البكاء.. موجك نزيف
بيني بينك ضفتك
و الرمله والطير و الرصيف
والنخله التتاوق للسماء
والعزه و القلب النضيف
والغنوه ماتت في الحلق
والكلمه و اللحن الشفيف
و شوقي زيك للضفاف
إلا بس
الصرفه كيف
الصرفه كيف
الصرفه كيف

ما اروعك الجميل مصطفي هاترتك وأنت تتغني
للمحبوب ، تبدع وما لنا الا نقف على كلماتك سطر
سطر . نحلق وننتشي بها طرباَ . والشوق عندك
مراتب ورائع جداً ، دائما ما تتجلي فيه .........
كلمات رائعات اخي مصطفي ................

[تغريدا]

لا قادر أفارق الضفه لا
و برضو ما قادر أقيف
الصرفه كيف ؟؟؟؟

زيي زيك يا بحر
موجي البكاء.. موجك نزيف
بيني بينك ضفتك
و الرمله والطير و الرصيف
والنخله التتاوق للسماء
والعزه و القلب النضيف
والغنوه ماتت في الحلق
والكلمه و اللحن الشفيف
و شوقي زيك للضفاف
إلا بس
الصرفه كيف
الصرفه كيف
الصرفه كيف

ما أقسى العذاب عندما تكون بين أمرين أحلاهما مررررررررر وماتعرف كيف الصرفه؟
استاذنا المبدع مصطفى هاتريك كلماتك تهز الوجدان تأخذ فى الدخول إلى النفس كما النسيم العليل كما الضوء اللامع فى ليلة حالكة لتأخذ مكانها متربعة تارة ومتكئه تارة أخرى
لك ودى وأحترامى دوماً وأتمنى المزيد من الأبداع والأمتاع

[بت أم درمان]

معاك ... أضيع
من غيرك ... أشتاق لك إلى أن أضيع

تخيل !!!
أبدا مافي صرفة
دائما الانتظار أحلا من اللقيا

[ياسر عمر الامين]

الحبيب هاتريك

كلما قرأت لك قصيدة تذكرت كلمات الناقد المصرى الراحل رجاء النقاش عن الشاعر العربى الكبير نزار قبانى "ان أى انسان يستمع الى شعر نزار قبانى وكلماته البسيطة السهلة يظن ان بإمكانه ان يكتب قصيدة ولكن اذا منح شهورا لما استطاع ان يكتب بيتا واحدا"

شكرا للمتعة والامتعاع فى سهلك الممتنع

[ساريه]

شيدت في جواي صوامع للفرح
وفتحت في دنياي مسارح للمرح
وبقيت لي سكه وعيون
لا قدرت اطولك شان أجيك
لا قدرت من غيرك اكون
وانا بيك ماليني الكلام

[مصطفى هاتريك]

ما اروعك الجميل مصطفي هاترتك وأنت تتغني
للمحبوب ، تبدع وما لنا الا نقف على كلماتك سطر
سطر . نحلق وننتشي بها طرباَ . والشوق عندك
مراتب ورائع جداً ، دائما ما تتجلي فيه .........
كلمات رائعات اخي مصطفي ................

مشكور كتير أخوي أبوعبدالرحمن

ومرورك الكريم ببهج حروفي و بفرحها

[مصطفى هاتريك]

ما أقسى العذاب عندما تكون بين أمرين أحلاهما مررررررررر وماتعرف كيف الصرفه؟
استاذنا المبدع مصطفى هاتريك كلماتك تهز الوجدان تأخذ فى الدخول إلى النفس كما النسيم العليل كما الضوء اللامع فى ليلة حالكة لتأخذ مكانها متربعة تارة ومتكئه تارة أخرى
لك ودى وأحترامى دوماً وأتمنى المزيد من الأبداع والأمتاع

سعيد أنا دوما بمروك يا تغريد

وشاكر كتير عذب الكلام القلتي في حرفي الشفيف

[مصطفى هاتريك]

معاك ... أضيع
من غيرك ... أشتاق لك إلى أن أضيع

تخيل !!!
أبدا مافي صرفة
دائما الانتظار أحلا من اللقيا

وتلك هي أزلية العلاقه بين الموج والضفه

لا الموج بيثبت للضفاف

ولا الضفه ممكن تبقى موج

مشكورة بت أم درمان

[مصطفى هاتريك]

شيدت في جواي صوامع للفرح
وفتحت في دنياي مسارح للمرح
وبقيت لي سكه وعيون
لا قدرت اطولك شان أجيك
لا قدرت من غيرك اكون
وانا بيك ماليني الكلام

ويواصل عماد الدين إبراهيم في وصف هذه التضادية الغريبه

لا مقدور أسيبك و لا عايش معاك
لا معدود حبيبك ولا عاشق سواك

[مصطفى هاتريك]

الحبيب هاتريك

كلما قرأت لك قصيدة تذكرت كلمات الناقد المصرى الراحل رجاء النقاش عن الشاعر العربى الكبير نزار قبانى "ان أى انسان يستمع الى شعر نزار قبانى وكلماته البسيطة السهلة يظن ان بإمكانه ان يكتب قصيدة ولكن اذا منح شهورا لما استطاع ان يكتب بيتا واحدا"

شكرا للمتعة والامتعاع فى سهلك الممتنع

الرائع ياسر

هذا إطراء فوق طاقة إحتمالي

شكرا على الروعه

[عمرالماحي]

شفتي كيف ؟؟؟؟؟؟؟؟؟؟؟؟؟؟؟
لما البحر ... يلقالو قيف........
شفتيهو كيف
بجري وبقالد ضفتو
بلهفه زي قلبي الرهيف.....
و إنتي
إنتي الحرف جوه الجرف
بنيه بس بتبيني طيف
و أنا
أنا البحر يا السمحه كاتلني الولف
شوفتيهو كيف ؟
فتح مسامي على السما
زي شق الأرض
فاتح مسامو على الخريف
راجي الخريف
ياااااااا يا الله الصبر
يااااااا يا الله المطر
إنهد حيل القدره هد
يا حلوه فطانا المطر
فطانا جد
وبكيت معاك
أصلي زيك يا بحر
لا قادر أفارق الضفه لا
و برضو ما قادر أقيف
الصرفه كيف ؟؟؟؟

زيي زيك يا بحر
موجي البكاء.. موجك نزيف
بيني بينك ضفتك
و الرمله والطير و الرصيف
والنخله التتاوق للسماء
والعزه و القلب النضيف
والغنوه ماتت في الحلق
والكلمه و اللحن الشفيف
و شوقي زيك للضفاف
إلا بس
الصرفه كيف
الصرفه كيف
الصرفه كيف

استاذنا هاترك
لك التحيه ياأروع الرائعين
لك الود وانت تهدينا اجمل الكلمه من شعرك تهدينا
شعرا رائع الاحساس .
بل تهدينا مملكه الشعر بحالها وجمالها المياسي

[مصطفى هاتريك]

استاذنا هاترك
لك التحيه ياأروع الرائعين
لك الود وانت تهدينا اجمل الكلمه من شعرك تهدينا
شعرا رائع الاحساس .
بل تهدينا مملكه الشعر بحالها وجمالها المياسي

بل أنا من يشكر الله كثيرا أن جعل في هذا

المنتدى رجال في قامتك يا رائد التواصل و التزاور

وصاحب الفيتامينات ( ود الماحي )

[عمرالماحي]

بل أنا من يشكر الله كثيرا أن جعل في هذا

المنتدى رجال في قامتك يا رائد التواصل و التزاور

وصاحب الفيتامينات ( ود الماحي )

انا ماقلتليك انت اروع الرائعين
(تسلم يازول يا زوق)

[همسات]

تيار موجة الهوي الماجف
يعاند فيها زي ماتقول
بقول للضفه ذيدي الشوق
واصبري علي الموجه
التهاتي عليك وبتناديك
مصيرك بكره تلقاها
وتقالد الضفاف موجها

الجميل مصطفي
تحياتي علي هذا المنظومه
الرائعه من ماتحمل من صور
معبره عن صدق احاسيس ودواخل
تحمل كل الشفافيه ..........
أشكرك علي هذه الروعه

[مصطفى هاتريك]

تيار موجة الهوي الماجف
يعاند فيها زي ماتقول
بقول للضفه ذيدي الشوق
واصبري علي الموجه
التهاتي عليك وبتناديك
مصيرك بكره تلقاها
وتقالد الضفاف موجها

الجميل مصطفي
تحياتي علي هذا المنظومه
الرائعه من ماتحمل من صور
معبره عن صدق احاسيس ودواخل
تحمل كل الشفافيه ..........
أشكرك علي هذه الروعه

الرائعه همسات

تحياتي و تقديري

أقول هو الصراع صراع الممكن و المستحيل

زي

النخله وسط الريح تلاوي و تنكفي