الاختيار الصعب ...

[ودسمير]

عاد وا اسفاى يا يمه ..
مرادى الدايرو ما تمه
ده سفرا ما نفع ضمه ..
اخير نرجع تلمينا وعليك يا يمه نتلمه
جوابك جانى وحفظتو ذى عمه ..
كل الفيهو فلان عرس وانجمه ..
وفلان ولد الجنه وسمه ..
وفلالن حشه التمر لمه
وفلان سافر بعد سفرك ..
رجع شايل الورق حزمه ..
بنى وخت البيوت حيشان وادى الخاله والعمه
ده كلو قريتو ..
بس دايرانى اعرس كيف وانا العزيل محيرنى ..
ديك ضعيفه بعد ضلعه ..
وديل من الشحم وارمه
وديك لا دخلت الكتاب ورمادا ما فاهما
وديك قرايتا الجامعه وما اظن على بتتلما
وديك لجلاجه ذى المكرفون خشما ..
وديك لا قالو ولا قلنا لا بتنضم تقول بكما

عاد منو البمشيلا ... وا سجما

(من حروف الشوايقه )

[الجندي المجهول]

الحبيب تحياتي ،،،،

كلامي شايقي واضح خاصة في كسرة الياء (التي اجد ) فيها كل الحنان والرقة مع اني ما شايقي

تسلم حبيبنا ،،
تخريمة : لكن انتهى من وصف البنات لا عاجبوا العجب لا الصيام في رجب ،،،