نداء لإضراب النواعم وجميع جكس المنتدى -

[مايسة]

نواعم المنتدى

نـــــــــداء لكن

نظرا لكل هذه البوستات

http://wadmadani.com/vb/showthread.php?39869-إستفتاء-النواعم-(-تكونن-أو-لا-تكونن-)

http://wadmadani.com/vb/showthread.php?39833-رساله-لمشرف-النفاج

http://wadmadani.com/vb/showthread.php?39933-الخطر-يداهم-الجكس-والحنان

http://wadmadani.com/vb/showthread.php?39876-الحرب-على-النواعم!!!

http://wadmadani.com/vb/showthread.php?39853-الله-يصبرنا-عليهن

http://wadmadani.com/vb/showthread.php?39852-سري-جداً-وعاجل


وللإهانة التي تعرضنا لها جميعنا بدون فرز - من الأغلبية
وإهدار كرامتنا ومسح وجوهنا بكلمات جارحة أسالت ماء وجهنا وخلتو جاف عديل كدا

والصيف براهو داخل - عايزين نحافظ على بشرتنا وكدا -

عايزين نجيبا ليهم من الآخر ونحفظ ما تبقى لنا من سوائل وماء

طلب ورجاء منكن ان نقوم بإضراب -

يوم - يومين البريحكم بس - لحد المرتزقة والحكومة المتمثلة في الجنس الخشن الما عندو دم ولا إحساس يعرفو قيمة النواعم - ويكتبو لينا بوست اعتزار بدمهم (آآآي بدمهم ولو حكمت لكل واحدة بوست براها )

اها كإقتراح بسيط باليوم

15-03-2011

نبدأ - ولا واحدة فينا ما تخش - والخلاص الشمار حارقة وحنت للمنتدى تخش زائرة وتكشف من ورا توبه وتتخارج من بعيد لبعيد (اوكي)



اها رائكن شنو ؟
- لو موافقات تجن هنا توقعن وتطلعن لحد التاريخ المذكور - لأنو اي واحدة نشوفها في التاريخ المحدد دا حايمة بهنا - سنقوم بنفيها نهائيا من المنتدى كلو مش النفاج بس وسيطبع على جبينها (خائنة)




التوقيع : ثوار النفاج (بين قوسين النواعم)

[بت مارنجان]

بت مارنجان

[مدناوية]

مدنــــــــــــــــــــــــاوية ..

[آلاء عبد الرحمن]

بت عبد الرحمن ^_^
اايد وبشده

[همسات]

وده توقيعي

همسات

[فدوى الحسن]

فدوى الحسن

[ام ساره]

جاهزيين جاهزييين ام ساره

[ام رغد]

يمين لا بفكو صوم ولا صلاة معاااااااااااكن
ام رغد

[مايسة]

مايــــسة

- عايزين شوية همة يا ناعسات الطرف

[ودسمير]

يا مايسه جمعه مباركه ...
اتمنى ان لا تكونى :

مايسه وللمشاكل كايسه !!

الجنس الناعم هو ملح الحياة ولولا بنات حواء لما استطعنا ان نعيش على كوكب الارض .
وباختصار الجنس الخشن دائما (بدوركم ) عشان تردو وتتكلمو وتجيبو اخركم وده من باب الحب الخفى .
يعنى ما تزعلو وروقو المنقه (الايام دى المنقه رخيصه ) .. ولو انتو اضربتو من المنتدى سنطلبكم فى بيت الطاعه آسف بيت المنتدى .

دمتم لنا اخوات عزيزات وزوجات طائعات وقبل ذلك امهات بطعم الشهد .

[الملكة اسماء ( ام محمد )]

الملكة أسماء ( ام محمد )

[أحمد عمر ( MOODY )]

يا جماعة الخير .. تلاحظ في الأونة الأخيرة
ظهور بعض الدعاوي و الإنفلاتات الأمنية الخطيرة
والتي ترجع لبعض الأفراد الذين يجتمعون على عدد من القواسم المشتركة
وهذه القواسم يمكن تلخيصها في الآتي :

1- هؤلاء الأفراد لهم صحائف سوابق .. و فيش و تشبيه في معتقل غوانتنامو
2- وجود صفات مشتركة مع رموز الدكتاتوريات المتهاوية أخيراً ولو من باب الشبه
3- العزلة الدولية المفروضة من كل مؤسسات المجتمع المدني على هؤلاء الشرذمة
4- الرفض التام لدعاويهم على جميع المستويات و إنحصارها فيما بينهما

أخيراً .. و ليس آخراً





ود المطامير و المسافر .. عليكم الله أطلعوا لينا برّة

[آلاء عبد الرحمن]

اييييييييييييييييييييييييييييي

[مايسة]

برضو بتاعت مشاكل - يا ود سمير - !!

غايتو - يعني هم يبقو شنو طيب - !!

وبعدين ياخ ديل شغالين فينا - ما خلو لينا جنبه نرقد عليها - وأطلقو علينا القاب كمان -
وبعد دا كلو تقول دا من باب الحب الخفي !! - يا اخوي ما عايزنو خفي - لو كان واضح كان قتلونا معناتو

ومع هذا لن نتراجع


بس كدا بس كدا بس

[مايسة]

فيك الخير يا احمد عمر :d

[مايسة]

بت مارنجان
مدناوية
همسات
فدوى الحسن
الآء
ام سارة
ام رغد
الملكة اسماء (ام محمد)

ما قصرتن صراحة - وياها الحاجة المتوقعه منكن -

في إنتظار بقية النواعم

[ابو عبد الرحمن]

بت مارنجان
مدناوية
همسات
فدوى الحسن
الآء
ام سارة
ام رغد
الملكة اسماء (ام محمد)

ما قصرتن صراحة - وياها الحاجة المتوقعه منكن -

في إنتظار بقية النواعم

أنا أخوي النواعم عادي اصوت اوقع صاااح
وده توقـــــــــــــــــــــــــــــــــــــــــــــــ ـــــــــــــــــــــــــيعي
أبو عبد الرحمن
أخوي النواعم وبما إني اخو النواعم يعني محرم اخش وادخل (توشق )
الرحيل عز العرب واجب وطني ....................

[المسافر]

والله كلام لكن

إنتن عارفات لو ما مشيتن عديل برسل ليكم ناس الأمن
يقرصوكم ويشعموطوكم ويرصعوكم بالسفنجات
ويقعدوكم في أوضة مليانة كدايس وضببة وفيران
وفيها ريحة مجاري وبشغلوا فنان الثورة قيقم

[مدناوية]

والله كلام لكن

إنتن عارفات لو ما مشيتن عديل برسل ليكم ناس الأمن
يقرصوكم ويشعموطوكم ويرصعوكم بالسفنجات
ويقعدوكم في أوضة مليانة كدايس وضببة وفيران
وفيها ريحة مجاري وبشغلوا فنان الثورة قيقم

مجرم حررررب

[مايسة]

والله كلام لكن

إنتن عارفات لو ما مشيتن عديل برسل ليكم ناس الأمن
يقرصوكم ويشعموطوكم ويرصعوكم بالسفنجات
ويقعدوكم في أوضة مليانة كدايس وضببة وفيران
وفيها ريحة مجاري وبشغلوا فنان الثورة قيقم

هسه دا كلام مشرف -
اطالب بالاطاحة وتعيين مشرف بديل في اقصى سرعة - ان شاء الله لمدة ستة شهور (حكومة انتقالية بس)

[مايسة]

أنا أخوي النواعم عادي اصوت اوقع صاااح
وده توقـــــــــــــــــــــــــــــــــــــــــــــــ ـــــــــــــــــــــــــيعي
أبو عبد الرحمن
أخوي النواعم وبما إني اخو النواعم يعني محرم اخش وادخل (توشق )
الرحيل عز العرب واجب وطني ....................

اهااااا

سمـح لكن

[مايسة]

يومان فقط على الإضراب

[ود المطامير]

يومان فقط على الإضراب

والله كتيرات كتره ؟ حولااااااااا

[ود المطامير]

أبوعبدالرحمن ومودى

بنلاقيكم فى زقاق

[ابو عبد الرحمن]

أبوعبدالرحمن ومودى

بنلاقيكم فى زقاق

قلت شنو يا فرده .... يا اخي مباريك من ما دخلت
المنتدي ده .. ما لقيت حاااجة منك غير السب واللعن
والعجب كان غبت يومين بس تشتقل فيني قطيعة ...
اسي انا اتحررت من قيودي ومن عاطقتي المزيفة
بشوف اخواتي النواعم ديل عندهم شنو ...........
خلي روحك رياضية ... وبعدين شنو اللافاظ
الهابطة دي ( زقاق ) وما زقاق .. ... زقاق دي بتاعت
القذافي ولا شنو .....