سؤال منطقى وواقعى ؟؟؟

[مرتضى التوم]

هل المستوى الذى يظهر به الهلال فى الفترة الاخيرة ومنذ بداية الموسم كفيل بالذهاب به بعيداً فى كل البطولات التى يشارك فيها ؟؟؟

[مدنيّة]

فعلا يامرتضي
سؤال منطقي وواقعي
بعيدا عن اي انتماءات

-------
خلينا نشوف قرايتك انت شنو يامرتضي!

[مرتضى التوم]

والله اعتقد يا مدنية ما محتاج اكتب شئ لان السؤال لما دار بزهنى اكيد كان نتاج لقراية واقع الهلال الفنى والإدارى الحالى وقبل كدة قلت ان ميشو ما المدرب الممكن يصنع مجد للهلال او يضيف ليهو كتير رغم انو مدرب كويس بس اقل من طموح الهلالاب مستوى فريق كرة القدم رغم الفوز فى معظم المباريات الا انه الطريقة البلعب بيها حاليا اتتناسب مع مقدرات اللاعبين ومعلوم لاى شخص ان فريق الهلال تميز فى السنوات الماضية بقوة خط وسطه والتنظيم الذى يلعب به فى وسط الميدان مع توظيف المهاجمين بشكل مختلف عن التوظيف الحالى مما يقلل من نسبة احرازهم للاهداف رغم مقدراتهم العالية جدا باللعب فى مساحات كبيرة والركض على اطراف الملعب شئ ايجابى ولكن تقل القدرة التهديفية والتركيز امام المرمى فالهلال يحتاج لمهاجم يجيد التمركز داخل الصندوق والتصرف بطريقه جيده (كلتشى أخر مهاجم يمتلك هذه الميزه بالهلال ) فهجوم الهلال الآن يلعب على الاطراف وهيثم مصطفى لاعب ينصع اللعب اكثر مما يضغط على دفاع الخصم فمن الاجدى ان نستغل امكانياته المهولة فى صناعة اللعب لمهاجمين يلعبون داخل الصندوق فبمكانه ان يوصل الكرة المريحه لهم وهم فى وضع ذهنى وبدنى جيد .
يابت مدنية الكلام كتيييير عن الهلال بس بعد شوية حا تقولى لى انت عامل مدرب وبتفهم كورة ولا شنو اخير اسكت

[ايمن عبد الله]

بدون اي تعصب اقول ::

مستوى الهلال لا يؤهله للمنافسة لا على الممتاز ولا على الكاس ولا على البطولة الافريقية التي اتوقع ان تنتهي طموحاته بمباراته القادمة يوم 24 بالخرطوم ضد الافريقي واكرر بالخرطوم سينتهي امر الهلال مع هذه البطولة وسيذهب الى تونس للحفاظ على ماء وجهه والخروج بأقل الخسائر ويتدحرج للكونفيدرالية وقد ينجح في الدخول لمرحلة المجموعات ان اوقعته القرعة للتباري مع فريق ضعيف وقد يستمر فيها .. والله اعلم

[مرتضى التوم]

المشاركة بواسطة ايمن

دون اي تعصب اقول ::

مستوى الهلال لا يؤهله للمنافسة لا على الممتاز ولا على الكاس ولا على البطولة الافريقية التي اتوقع ان تنتهي طموحاته بمباراته القادمة يوم 24 بالخرطوم ضد الافريقي واكرر بالخرطوم سينتهي امر الهلال مع هذه البطولة وسيذهب الى تونس للحفاظ على ماء وجهه والخروج بأقل الخسائر ويتدحرج للكونفيدرالية وقد ينجح في الدخول لمرحلة المجموعات ان اوقعته القرعة للتباري مع فريق ضعيف وقد يستمر فيها .. والله اعلم

الاخ أيمن اول شئ اكيد بدون تعصب لان ده المغتس حجرنا .
الشئ التانى الهلال ممكن جدا يتخطى الافريقى التونسى بمجهود اللاعبين بس البطولات عاوزه فريق متماسك وصلب وميشو ما الزول الممكن يعمل كده رغم انو ممكن يكون مدرب كويس وطموحو كبير بس محتاج يغير من فلسفة اللعب البنتهجها حاليا مع الهلال .
الله يكضب الشينة

[ايمن عبد الله]

الاخ مرتضى ::
بين اللاعبين في حاجات كثيرة ممكن تحصل بالحماس والقوة والرغبة والتحدي لكن ده ما بتم كل يوم..
ممكن زي ما قلت رجالة كده يغلبو الافريقي نتيجة رد فعل معينة تنتهي صلاحيتها بمجرد انتهاءها لكن هل ح نقدر نديهم دافع في كل مباراة وتحدي عشان يغلبوا مع العلم ان الهلال محتاج تغيير شديد في اللاعبين الكبار في السن واظنك تتفق معي في ان الهلال يعتمد بشكل كبير عىل هيثم وعمر ومعز وعلاء الدين والناس ديل خلاص تعبو من الجري ..

اوافقك ان ميشو ليس رجل المرحلة ..

[روبش]

فعلا يامرتضي
سؤال منطقي وواقعي
بعيدا عن اي انتماءات

-------
خلينا نشوف قرايتك انت شنو يامرتضي!

اقول :: دائما تحبوا الاصطياد في المياه العكره

[روبش]

بدون اي تعصب اقول ::

مستوى الهلال لا يؤهله للمنافسة لا على الممتاز ولا على الكاس ولا على البطولة الافريقية التي اتوقع ان تنتهي طموحاته بمباراته القادمة يوم 24 بالخرطوم ضد الافريقي واكرر بالخرطوم سينتهي امر الهلال مع هذه البطولة وسيذهب الى تونس للحفاظ على ماء وجهه والخروج بأقل الخسائر ويتدحرج للكونفيدرالية وقد ينجح في الدخول لمرحلة المجموعات ان اوقعته القرعة للتباري مع فريق ضعيف وقد يستمر فيها .. والله اعلم

اقول ::: قوم لف

[مرتضى التوم]

اختلف معك اخى ايمن حول عمر بخيت وعلاء ومعز ولكن هيثم من الممكن ان يكون العمر قد تقدم به ولاعب مثل هيثم لن يجد له السودان بديلا فى القريب .
متوسط اعمار لاعبى الهلال صغير جدا يا ايمن وده حديث بتاع اعلام ساى اذا استثنينا هيثم مصطفى .

[مدنيّة]

الصراحة يامرتضي & روبش
خطوة واحدة للهلال لقدام
ماعايزاها ليه

لكن قلت النشوفكم انتو
ح تقولوا شنو! ):

[مرتضى التوم]

لصراحة يامرتضي & روبش
خطوة واحدة للهلال لقدام

ماعايزاها ليه

لكن قلت النشوفكم انتو
ح تقولوا شنو! ):

مدون ياخ والله ياها المحريه فيك وده الوضع الطبيعى بس انتى قرضى على كده واقعدى فى بطن الواطه والباقى هين .
نحن بنتكلم بواقعيه وشفافية ما زى ناس كمل كمل يا هناى ههههههه
بث كلنا ثقة فى ان الهلال فى احلك الظروف بينير لينا بدر فى سمانا

[روبش]

الصراحة يامرتضي & روبش
خطوة واحدة للهلال لقدام
ماعايزاها ليه

لكن قلت النشوفكم انتو
ح تقولوا شنو! ):

اقول :: انت اطلعي من الموضوع ما تكجينا

[ايمن عبد الله]

اقول ::: قوم لف

انا ما عندي مشكلة بلف وبولع لكن انتو ياهو حدكم نمرة العجب (24) من ابريل الجاري وبعدها تعالوا خشو معانا الصف ..




اقوول ::
تعال لف معاي ..

[مرتضى التوم]

العزيز امين حتى لو قدر الله وخرج من هذا الدور برضو ماف صف بلمو معاكم انتو صفكم ده ورا شديييييييييييييييد ومحتاجين دفره قوية عشان تتحركو قدام شوية ..
اقول روبش اقعد واتحكر وخلى الطايرين يلفو براهم

[ZANOON]

ياشباب والله شوق كميات
وحبيبنا مرتضي شكلك خايف عدييييييييييييييييييييييييييل والجواب باين ليك من عنوانو وانت زول حسب مشاركاتك فاهم كوره تمام لكن وعشان اكون صادق معاك لاميشو قدر الهلال ولا لاعبي الهلال بيشبهوا الهلال كويس الهلال محتاج لوجوه جديده تضخ العافيه في هذا الجسد الهلكان والمريض وحتي يكتمل صدق حديثي معك اتمني ان يغادر الهلال البطولات الافريقيه عند هذا الحد وبلاش حكايه السنه دي بنشيل الكاس اصلو الراجل العمرو 81سنه كان شافع وبقي صبي وصار شباب اخضرواتملا طموح والقطر فات وبقي كبير و مات وشبع موت وانتو لسه معلقين في بنشيلو دي ارحمو نفسكم ياخ

[مرتضى التوم]

المشاركة بواسطة زننون

اشباب والله شوق كميات
وحبيبنا مرتضي شكلك خايف عدييييييييييييييييييييييييييل والجواب باين ليك من عنوانو وانت زول حسب مشاركاتك فاهم كوره تمام لكن وعشان اكون صادق معاك لاميشو قدر الهلال ولا لاعبي الهلال بيشبهوا الهلال كويس الهلال محتاج لوجوه جديده تضخ العافيه في هذا الجسد الهلكان والمريض وحتي يكتمل صدق حديثي معك اتمني ان يغادر الهلال البطولات الافريقيه عند هذا الحد وبلاش حكايه السنه دي بنشيل الكاس اصلو الراجل العمرو 81سنه كان شافع وبقي صبي وصار شباب اخضرواتملا طموح والقطر فات وبقي كبير و مات وشبع موت وانتو لسه معلقين في بنشيلو دي ارحمو نفسكم ياخ

والله يا اخ زنوون مشكلتك لابس نضارة حمراء على طول عشان كده شكلو شوفك ما تمام اول شئ الهلال يملك افضل لاعبى السودان دى مافيها اى شك ومعدل الاعمار بتاعهم صغير مع وجود لاعبين كبار فى السن والخبرة ودى مقومات اى فريق كرة قدم فى العالم ولما طرحت التساؤل اكيد ما كان من منطلق خوف بقدر ما هو قراية لواقع فيهو خلل وده الفرق بين كلامى ونظرتكم للمريخ (بعضكم طبعا ) بعدين سيبك من اسطوانة 81 سنه والكلام الساى ده واسال نفسك عن واقع حالك طوال اكتر من 10 سنوات وشوف وقارن لغاية الموسم الفات وشوف مين بطل الدورى .
انا ماعاوز الكلام يمشى لشكل من التهاتر بس كنت اتوقع رد منطقى وفيه قراية للواقع مش تبقى القصه هلال مريخ .