أولادى التلاته قدر ما حاولت وسجيت فيهم
عشان أعلمهم يقولو لى يا بابا غلبنى كلو كلو والغريب هم بقولو لأمهم
يا ماما ، وأنا الحكايه دى حارقانى بالحيل ، يعنى كيفن يفرزونى ؟
مالى ما مغترب ذيهم ؟ ولأ يعنى كفالتهم على أمهم الشابكنها يا ماما وأنا شابكنى
أبوى أبو يا أبوى وأبوى
بالله الشفع كلهم شابكين أبواتهم يا بابا يا بابا إلا أنا المسكين دا
ونفسى أقشر بالكلمه دى قدام أصحابى لكن حتى شجن شمارات الكبيره شابكانى من قامت أبوى أبوى
وحكمة الله بنات كبااااااااار تسمعهم ينادوى بابا ، بابا وأنا لما أستغرب
قمت يوم شكيت لصاحبى ووريتو وقام عاين لى كدا وقال لى
_ على الطلاق يا بابا دى ذاتها ما خايله عليك
سبيت ليهو وقلت ليهو أنا الغلطان كلمتك وكمان أنا ذاتى كلمة يا بابا دى
من يوم الليله دى ما دايره عشان هى ذاتها
ما طاعمه ذى أبوى أبوى
عليكم الله مُش كلامى دا صاح ؟
رد مع اقتباس
المشاركة الأصلية كتبت بواسطة المسافر
المفضلات