للنقاش ..

[ودسمير]

] هل (العبايه ) افترست (التوب ) السودانى ؟؟[





بحسب فى ثوانى الليل شان الصباح القاك
ما انت عارف انو محال يوم اطولو سماك

[خالد 000 ابقرجة]

] هل (العبايه ) افترست (التوب ) السودانى ؟؟[





بحسب فى ثوانى الليل شان الصباح القاك
ما انت عارف انو محال يوم اطولو سماك

ود سمير
كيفنك ياخي 000
عنوان فضفاض لحديث متشعب تكون العباية والتوب مجرد رمز 000
واصل مع العباية والتوب والإستفهام المشروع 000
وبين الغرض من كليهما كوسيلة للحشمة ومدي تحقيقه 000
وبين الإستلاب الذي طال كل نواحي حياتنا حتي أصبح شارعنا نسخة مشوهة لشوارع كل العواصم عدا الخرطوم 000
بين كل ذلك علامات إستفهام أتمني أن نحاول الإجابة عنها بصدق 000


شكراً ودسمير 000
دوماً مشاهداتك عدسة تشخيصية مكبرة 000

[تغريدا]

] هل (العبايه ) افترست (التوب ) السودانى ؟؟[

أخى الكريم ود سمير مساك الله بالخير
فى أعتقادى لا لكل من العباية أو التوب ظروفه ومناسبته وتوبنا السودانى دا مهما دخلت علينا الموضة مابتغير ولا بنتخلى عنه وزى ماأنت شايف التوب ماشى مع الموضة

[الزبير محمد عبدالفضيل]

ود سمير مشكور علي هذا النقاش التوب السوداني هو عنوان المراة السودانيه . لاكن العبايه وهنا أقصد العبايه الاسلاميه التي تغطي كل جسم المراة

وخاصه خارج المنزل يجب علي المراة لبس العبايه الفضفاضه مع الحجاب حتي تكون أمتثلت لقول رسول الله صل الله عليه وسلم

وألله أعلم

[الجندي المجهول]

صباح الخير على الجميع

بغض النظر

اللباس الاسلامي وما حدده الدين هو (الاجمل) على االطلاق دون منافس

وبرجع ليك باذن الله ،،،

[مصطفى هاتريك]

سيظل الثوب السوداني علامة مميزة للمرأة السودانية

[mahagoub]

التوب بقى زى رسمى لكثير من الشعوب
لكن ده ما بيمنع لبس العبايه الواسعه
فهى حشمة وستره

[ريمون]

بالنسبه للعمل العبايه اريح .. التوب متعب شويه ..

[حنونة.]

الفاضل/ ودسمير صباحاتك ندية وجميلة بجمال طرحك
الاجابة طبعاً ابداً لا فالثوب السودانى رمزاً اصيلاً لايمكن تجاوزه مهما تعددت الموضات ولكل مميزات ولكن احيان.......
مثلاً الثوب السودانى حشمة ووقار وجميل وراقى لكن احيانا يفقد مميزاته عندما يكون شفاف مظهر لكل التفاصيل
ومكوجن فى اللبس مرفوع مجرجر بالواطة ( بالمناسبة انا ذاتى مابعرف البس الثوب سمح لكن لازم انظر) اها في الحالة ده طبعاً احسن العباية لانها حشمة وفضفاضة يلا برضو الزمن ده الواحدة تشترى العباية وتمشى طوالى الترزى تخنصر العباية وكده بتفقد معناها تماماً برضو فى ناس العباية مامناسبة عليهم على العموم على حسب استايل الجسم على المراة ان تختار مايناسبها فى اللبس بقض النظر اذا كان موضة ولاغير[/

[ام رغد]

بشوف مهما اتغير اللبس واتلبست العباية وغير العباية مالينا غنى عن التوب وجمال التوب وهيبته...

[ودسمير]

ادونى معاكم فرصه ...

التوب السودانى اصبح الان اكثر اغراء وذلك بعد دخول ( توب الحرير الربط ) السوق بقوة ...

العبايه (ذاتها ) التى تنتشر هذه الايام فى الاسواق (ضيقه جدا) وبها كثير من التطريز والطرحه التى تلبس معها قصيره جدا ..

يعنى باختصار الشارع اكثر اغراء ..
بحسب فى ثوانى الليل شان الصباح القاك
ما انت عارف انو محال يوم اطولو سماك

[mahagoub]

ادونى معاكم فرصه ...

التوب السودانى اصبح الان اكثر اغراء وذلك بعد دخول ( توب الحرير الربط ) السوق بقوة ...

العبايه (ذاتها ) التى تنتشر هذه الايام فى الاسواق (ضيقه جدا) وبها كثير من التطريز والطرحه التى تلبس معها قصيره جدا ..

يعنى باختصار الشارع اكثر اغراء ..
بحسب فى ثوانى الليل شان الصباح القاك
ما انت عارف انو محال يوم اطولو سماك

دى انا معاك فيها
خاصة التياب الشفافه
وعينك ما تشوف الا النور