اكاد لا اصدق هذا الرقم الخرافي الذي وصلت إليه اسعارالخضار في السودان ...
ومن المعروف ان السلطة (جزء اصيل في المائدة السودانية) وقاسم مشترك لكل الوجبات وخاصة (الغداء) وفي قديم الزمان كان الناس يتغنى بي ( اتعزز الليمون) ولكن الان اصبح الكل ( بيتعزز)
معقولة علشان تعمل صحن سلطة ( متواضع) تدفع ما بين (15 -20 ) الف يعني لو في زول بياكل سلطة كل يوم محتاج ليهو (نص مليون) والله عافي منك السلطة ( دهب بس) ..
ونص مليون دي مرتب عديل في كثير من العساكر واطباء الامتياز وموظفي الري والوزارات الاخري حتى لو فرضنا جدلا ان الراتب مليون ( ارنب كامل) يمشي (نصو) للسطلة .. يعني الباقي يتمو ( خيال ولا شنو) ....
تخريمة : لا حول ولا قوة إلا بالله ...
رد مع اقتباس
المشاركة الأصلية كتبت بواسطة ودسمير
المفضلات