حتى لا يطير الدخان !! زوجة المغترب

[ودسمير]

( كبرو الصغيروين خلاص خايفالهم الطبع الكعب خايفالهم الطيش فى الدروس خايفه لو واحد رسب ) !

كلمات من اغنيه(لسان الحال )التى ضربت الوتر الحساس لدى المغتربين ..

ولكن هل كل نساء المغتريبن ناشدو ازواجهم اما للعوده ( وشيل الشيله ) او استقدام الزوجات والاولاد للغربه .

قيل ان الزوجه السودانيه هى التى تساعد زوجها فى البقاء اطول فتره ممكنه فى دنيا الغربه والاغتراب وذلك لقسوة الحياة فى السودان وتقول له ما

(تشيل هم انا ح اهتم بنفسى والاولاد ) ..

كثيرون جدا اصبحوا يتكلمون عن زوجة المغترب بانها ضعيفه ويكمن ان تسلك طريق الخيانه الزوجيه !

الاولاد وجدوا الحريه الكامله فى ظل غياب الاب وانتشرت مشاكل الانترنت والموبايلات !

الزوج عند وصوله للسودان فى الاجازه هل اصبح عبئا على الاسره التى تعودت على التحرر فى غيابه ؟!

هل الثقه العمياء من الزوج المغترب للزوجه والاولاد اتت ثمارها ايجابا ؟

هل ضعف الايمان والوازع الدين والجرى خلف المظاهر وسراب الدنيا الخداعه اصبح لغه المغترب السودانى ؟!

اسئله كثيره تحتاج وقفه جاده .


قيل ان الشيطان قال لعيسى عليه السلام : انت تقول يا عيسى انه لن يصيبك الا ماكتب الله لك ؟

قال عيسى عليه السلام نعم .

قال الشيطان اذا ارم بنفسك من ذروة هذا الجبل فان شان لك الله ان تصاب والى فلا !

قال عيسى عليه السلام للشيطان لعنه الله :

يا عدو الله ان الله يختبر عبده وليس للعبد ان يختبر الله .

اذا لماذا يضع الزوج المغترب زوجته واولاده فى امتحاب صعب ؟!

[نزار حسن محمد]

ياود سمير موضوع هام وفى الحم الحى لكل الاسر السودانيه فى الداخل والخارج
بجيك برواقه

[ود علوية]

نفس الاسئلة ممكن ان نوجهها الي الابناء والزوجة الذين لم يغتربو خارج السودان لاني بعتبر غياب الاب واحيانا الاب والام من الصباح حتي المساء هو نوع من الاغتراب الداخلي ؟؟؟ فاذا اردت حل اي مشكلة ردها لاصلها الذي نبعت منه او تسبب فيها ؟؟؟ هل غياب الاب الكبير الحكومة وفسادها وفشلها في توفير الحياة الكريمة للمواطن هو السبب الرئيسي لاي انحراف اخلاقي واجتماعي وغير ذلك من الانحرافات ؟؟؟ و لماذا اغترب المواطن خارج وداخل السودان ؟؟؟ ولماذا ارسل اولاده وزجته للسودان وهو باقي في الغربة ؟؟؟؟ وهل اختلاف الحياة خارج السودان مع داخلة سبب ؟؟؟ هذه هي الاسئلة التي يتحتم علينا الاجابة عنها؟؟؟؟ واذا عرفنا الاجابة سوف نحل جميع مشاكلنا بطريقة عملية وعلمية ؟؟؟

[بدر الدين احمد الطائف]

( كبرو الصغيروين خلاص خايفالهم الطبع الكعب خايفالهم الطيش فى الدروس خايفه لو واحد رسب ) !

كلمات من اغنيه(لسان الحال )التى ضربت الوتر الحساس لدى المغتربين ..

ولكن هل كل نساء المغتريبن ناشدو ازواجهم اما للعوده ( وشيل الشيله ) او استقدام الزوجات والاولاد للغربه .

قيل ان الزوجه السودانيه هى التى تساعد زوجها فى البقاء اطول فتره ممكنه فى دنيا الغربه والاغتراب وذلك لقسوة الحياة فى السودان وتقول له ما

(تشيل هم انا ح اهتم بنفسى والاولاد ) ..

كثيرون جدا اصبحوا يتكلمون عن زوجة المغترب بانها ضعيفه ويكمن ان تسلك طريق الخيانه الزوجيه !
كلام غريب يا معتز على ما اعتقد انه لا يخلو بيت من بيوت السودان كله من وجود مغترب زوج كان ولا اخ ولا ابن ولا او... . وهل اصبح الناس يتكلموا حتى فى اعراضهم بهذة الصورة.
الاولاد وجدوا الحريه الكامله فى ظل غياب الاب وانتشرت مشاكل الانترنت والموبايلات !
متفق معاك
الزوج عند وصوله للسودان فى الاجازه هل اصبح عبئا على الاسره التى تعودت على التحرر فى غيابه ؟!
على حسب وضع الاسرة والزوج وعلاقته مع ابنائه
هل الثقه العمياء من الزوج المغترب للزوجه والاولاد اتت ثمارها ايجابا ؟
فى كتير من الاحيان اعتقد ذلك
هل ضعف الايمان والوازع الدين والجرى خلف المظاهر وسراب الدنيا الخداعه اصبح لغه المغترب السودانى ؟!
الكلام ده علاقته شنو بالاغتراب الزول الاغترب عشان المظاهر والسراب ده اكيد زول مريض .والحاجات دى فى ناس ما طلعوا من السودان نهائ وجارين وراها جرى الوحوش
اسئله كثيره تحتاج وقفه جاده .


قيل ان الشيطان قال لعيسى عليه السلام : انت تقول يا عيسى انه لن يصيبك الا ماكتب الله لك ؟

قال عيسى عليه السلام نعم .

قال الشيطان اذا ارم بنفسك من ذروة هذا الجبل فان شان لك الله ان تصاب والى فلا !

قال عيسى عليه السلام للشيطان لعنه الله :

يا عدو الله ان الله يختبر عبده وليس للعبد ان يختبر الله .

اذا لماذا يضع الزوج المغترب زوجته واولاده فى امتحاب صعب ؟!

معتز تحياتى اكيد كلامك داير نقاش طويل ولينا رجعه

[mahagoub]

لو الواحد وجد العيش الكريم فى بلده
ليه متزعزع وهو فى بلد واولاده فى بلد
وزى ما قال ليك ودعلويه
الاغتراب الداخلى بقى الاخطر
18 ساعه عمل كثير من الاباء
ما فى فراغ لمراعات البيت والاولاد
ما اكثر من لقمه ونومه
اغترب داخلى
والمفسد لاولاد المغترب
الاغداق بالمال
ولنا كرة اخرى

[سيف الدين الامين]

الموضوع حساس بل غاية في الحساسية والأهميةلذا أتمنى على الجميع تناوله بشئ من التروي والعقلانيةحتى لا نصيب قوماُبجهالة فنصبح على ما فعلنا نادمين ... وطبعا لي عودة لهذا الموضوع كان مد الله في العمر.