فصل سفير السودان برومانيا لتورُّطه في قضية فساد

[الجندي المجهول]

فصلت وزارة الخارجية سفير السودان برومانيا القيادي بالحركة الشعبية أجينق أديانق ماريك عن منصبه بناءً على نتائج مجلس محاسبة شكلته الوزارة للنظر في تجاوزات مالية قام بها الأخير، وتحصلت «الإنتباهة» على خطاب دفع به وكيل الخارجية رحمة الله محمد عثمان للسفير أجينق بالرقم «و خ /50/1» لإخطاره بقرارات لجنة التحقيق التي أوصت بخصم مبلغ «31,288» دولار من استحقاقاته لسداد جزء من سلفيات عليه، وطالب الخطاب الوزير بالتحلل من مبلغ «40,483» دولار بموجب المادة 13 من قانون الثراء الحرام والمشبوه، وهدد وكيل الوزارة السفير في حالة عدم القيام بذلك بتحريك إجراءات جنائية ضده.

منقوووووووووووووووووول
تخريمة
خطوة جميلة ياحكومة, لكن ياريت تطبق على الجميع خاصة التماسيح الكبار ناس ملايين الدولارات مش (31 الف دولار) وما تكون على ناس الحركة الشعبية فقط ( طعموها بي 5 أو 9 من المؤتمر الوطني) عشان نحس ان هنالك مصداقية مع انني مقتنع في قرارة نفسي أن الكلام لن يحدث

[nehroo]

يا الجندي يا حبيب تحياتي ..
من الكلام دي تصفية حسابات ..
ما ملاحظ الزول دا من إسمه حركة شعبية
وباقي ليه أقل من شهر ولو مافصلوه أصلوا ماشي
بنفرح لما يحاسبو (الغلا الللسمنتي والفندك)

ضربة لون فوق لي لون: منصور خالد دا أقالوهوا ولا إستقال ؟

[روبش]

يا الجندي .. يعني كلامك ده شنو
لا نحاكم ولا نطبق القانون
اقول :: حدد وجهتك عشان نعرف نتناقش معاك

[ايمن الطيب]

لو بى كلامك ده
كان يسكتو علشان باقى شهر وما كان فى حد بيعرف شي
لكن
لمن يدان سفير اذا كان حركه اوخلافه دي خطوه جرئيه تحسب لصالح الحكومه

[روبش]

لو بى كلامك ده
كان يسكتو علشان باقى شهر وما كان فى حد بيعرف شي
لكن
لمن يدان سفير اذا كان حركه اوخلافه دي خطوه جرئيه تحسب لصالح الحكومه

الجندي امسك واحد طلع ...................
اقول :: وانا اقول مدني بقت فاضيه ماله والناس اتجهت للخرطوم

[الجندي المجهول]

لو بى كلامك ده
كان يسكتو علشان باقى شهر وما كان فى حد بيعرف شي
لكن
لمن يدان سفير اذا كان حركه اوخلافه دي خطوه جرئيه تحسب لصالح الحكومه

حبيبنا ايمن الطيب صباح الخير

حا نضحك على بعض !!!!!!!

يا اخوي الناس عارفة والحكومة عارفة الناس عارفة ( بس كل واحد عامل نايم من التاني ) بس عارف بيعملوا شنو

بيرفعوا اياديهم للذي لا يغفل ولا ( ينام)

الجاي احلى باذن الله ،،،

[الجندي المجهول]

يا الجندي .. يعني كلامك ده شنو
لا نحاكم ولا نطبق القانون
اقول :: حدد وجهتك عشان نعرف نتناقش معاك

الحبيب روبش تحياتي ،،،

انت ما ملاحظ انه وحتى الان ورغم قضايا الفساد الكثيرة لم يقدم ( ولا واحد) للمساءلة أو المحاكمة

يعني الفساد ( دا بجي براهو)

!!!!!!

ما حاجة تحير عليك الله

روبش (اقووووووول) حا نضحك على بعض ولا ( عاوز ) تسوقها معاااااااااي

تخريمة : الحقيقة المتأكد منها عندما يحشر المء إلى القبر( ما بكون معاهو إلا الكفن )

لا رصيد لا عقار لا عمارة ولا سيار ولا يحزنون

واعرش على كدا
اجمل حاجة : تاكل حلال تلبس حلال ( تنوم مبسوط وخالي البال)

وبعد كدا ما فرقت كان شجعت المريخ أو شجعت الهلال

[الامين]

عافانا الله من مرض اكل مال الدولة

[ودالعمدة]

العزيز الجندى المجهول

بهذا تم افتتاح سوق المواسير فرع بوخارست :d

[ياسر عمر الامين]

ليصدق قول نبينا الكريم صلى الله عليه وسلم: «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري].

[mahagoub]

يا اخوى الشغالين نهب كتار
بس المسكين ده ما عنده ضهر
وبعدين ضرباته تعبانه
ما تمساح بيستحق التشجيع

[ايمن الطيب]

البلاغات تاتى من المراجع العام بوجود اختلاس
وتقوم نيابه مكافحه الثراء الحرام بالتحرى
وليس كل ما ياتى قابل للنشر