شنات الطبع !

[ودسمير]

شوفوا ولدها ( طبعوا شين ) ... من جية الضيوف وعينوا ما ( زحت من صينية العصير ) !
عليك الله يا ... ولدك داك ( ختى تجت رجليك ) اصلوا طبعو شين !

الزول داك ما بخجل من عمرو بى طبعو الشين !!

شنات الطبع تعبير شائع جدا فى بلدنا ، واتفق الجميع على انه سؤ التربية من الصغر ادت الى شنات الطبع ! كيف نجعل ابنائنا يتوشحون بالطبع السمح ؟ قبل ان يفوت الفوات .

احبتى .. كل يدلو بدلوه ..

[مدنيّة]

ود سمير
صباحاتك نواضر

--------
لما نكون احنا متوشحين بالطبع السمح
اولادنا تلقائيا ح يتوشحوا بيه

------
شكرا علي الطرح الهادف

[مايسة]

ود سمير كيفنك -
اهلنا قالو ولدك شبعو وطبعو

لكن تصدق عيال الزمن دا صراحة صعبين بالحيل والتربية بقت صعبة زاتو -
وبنرجع وبنقول انو المعاملة الطيبة للطفل والاسلوب الهادئ وتعويده على الاساليب الصحيحة بطريقة علمية - تخلق من الطفل عقلية جميلة وشخصية محبوبة -

[ود الضو]

حتي الان ماوصلنا مرحلة تربية الشفع
لكن الانا شايفو ( شفع هسي مازي شفع زماااان )
طبعهم شين عديل ولواييييق كمان لياقة شديدة ..