قولي بهواك وبحبك وصرحي بشوقك إليا
الخجل خليو يفارقك و خلي قلبك مرة ليا
أبعدي الخوف من دواخلك وسيبي روحك ساكنه فيا
قولي انك رغم بعدي قلبي جنبك يا رجيا
ما حسيبك يا حبيبة لو قست روحك عليا
أصلي مغرم يا حبيبي وقلبي غرقان يا نديا
روحي طربانا بهواكي. و الفرح ما كان جنيا
وريدي ليكي ما بدسوا لو رأوه الناس خطيا
خوفك أنتي من وصالي كتر أشواقي.العليا
ماني عارف حد هيامي ليكي يا أجمل هديا
تملكيني وتبقي روحي ويبقى حبك لي عطيا
ببقى سرحان في عوالمك لو عينيكي رأت ينيا
ولو خجلتي من غرامي حبي ليكي يبقى كيا
كيا لي ماهي ليكي يا سماح يا سمهريا
يا سماح رحماكي بيهو قلبي مغرم يا صبيا
مغرم المسكين متيم أرحميهوا يا نجيا
أرحميهوا من هوانو ومن دلالك يا رضيا
أرضي رضيني وهوني وهونيها يا هنيا
هانت الدنيا لغرامنا والعمر ألفيو شويا
شوية لو قالو العوازل ما يهمك يا نقيا
يا ملاك متجلي طاهر ديل بقولوا لو نبيا
مهما حاولنا نرضي ما حيرضوا يا صفيا
لا رضاهم لينا ينفع لا بودونا الثريا
الغرام البينا طاهر والشهيد رب البريا
رد مع اقتباس
المشاركة الأصلية كتبت بواسطة Amin Idries
المفضلات