اااخر ترقية.. مذيع مصرى يتهكم على السودان؟

[بدر الدين احمد الطائف]

http://www.youtube.com/watch?v=WXiv4...t=HL1314528118
لسان حال هذا المذيع يقول اخر الزمن بقينا بناخد منح من السودان.
والحسنة فى المنعول زى الشرى فى القندول.
ويا البشير جحا اولى بلحم تورو .
كليو اللحم الجلافيط بقى ب 19الف .
وانت بتدى منح لجاحدين.

[بدر الدين احمد الطائف]

................................

[الجندي المجهول]

حبيبنا بدر الدين لا تستغرب ابدا

تذكر مشكلة مالك عقار (لاحظ ) وهو والي في (حكومة المؤتمر الوطني)
يتم الاجتماع به عن طريق (واسطة) رئيس وزراء اثيوبيا

يعني الوالي المعينو انت ( ما عندك عليهو سلطة) وعايز واسطة عاشان تقعد معاهو

تخريمة : ياابوي البلد ( انكشحت) على ( وزن) اندفقت

[مصطفى هاتريك]

إستعلاء وتفاهة من الجانب المصري

و أقرع و نزهي هو الرئيس السوداني ... يا جماعه

والله الزول ده حيرنا

[ود الضو]

المزيع ماغلطان
غلطان الاصلاً بودي لحوم ليهم
وناس البلد حالهم زي الزفت
مشاققة :
لو عثرت بغلة بمصر لرأيتني مسئولا عنها ................

[عمرسنهوري]

حبيبنا بدر الدين لا تستغرب ابدا

تذكر مشكلة مالك عقار (لاحظ ) وهو والي في (حكومة المؤتمر الوطني)
يتم الاجتماع به عن طريق (واسطة) رئيس وزراء اثيوبيا

يعني الوالي المعينو انت ( ما عندك عليهو سلطة) وعايز واسطة عاشان تقعد معاهو

تخريمة : ياابوي البلد ( انكشحت) على ( وزن) اندفقت

حبيبنا الجندي ردودك كالعاده ساخره وشافيه
و يا بدر
قالو التسويهو كريت تلقاهو في جلدها

[صابرحسين]

كلام جارح أخي بدر الدين وفعلاً الحسنة في المنعول ......
ويموت المواطن جوعاً وتوزع ثرواته صدقات وهبات ، يعني يابدر الدين حقارة عديل كده نضغطك يا مواطن ونوزع لحمك من أجل الإعلام والبقاء في السلطة وأنت يا موطن نوم خفيف .......