يوم الثلاثاء القادم كما تعلمون اليوم الرياضي بنادي الاهلي سيد الاتيام ضمن احتفالات الشمعه التاسعة. اهم احداث اليوم مباراة حامية الوطيس بين فريق المنتدى ضد فريق المحامين والقضاءة (مطعمين بضباط الشرطه). اكيد عرفتو الغالب منو حايكون صاح واضحه. في المباريات التدريبيه تعرض فريق المنتدى لهزيمه قاسية 6 - 4 من فريق شركة زين. علما بانو فريق المنتدي تم تغيير (كل لاعبيه) خلال المبارة اكثر من مرة (لياقه فل). الفريق بقيادة ودسمير (اخر مرة جاب قوون كان قبل التخرج من الجامعه) عكاشه (بجيب قوون بجاي وبهناك) ذنون (الوحيد اللابس كدارة رسمية) قري مان (كان شاف الكورة وشاف زميلو بمررها صاح) خالد علوني (هو بعرف كوره بس اتذكرها كيف) نبيل حمدنو (اخير انا)
فريق المحامين ما بعرف لعيبتهم لكن يوم جيت ماري بيهم بتمرونو لقيت ليك ايمن الطيب سايق الكوره البقدر يحاورو بحاورو والمابقدر عليهو بلزو بعيد.
اها انا ما بستحمل الغلب ياتشوفوا ليكم فكي كااااارب يكجر لينا الكورة دي. يا بعمل ليكم في الحكم عملية البرير
رد مع اقتباس
المشاركة الأصلية كتبت بواسطة admin
المفضلات