سلامات يأخوان يناس منتدى ود مدنىالجميل ، ياريت لو كنت شاعر عشان أقول فيها الكلام المانكتب .
لى طلب وهوا بسيط جدا :
الطلب بقول ياناس المنتدى ليه مانكون مجموعه من الناس الاكبر سنًا فى هذا المنتدى والاكثر خبرة فى الحياة ويكونو بمثابة لجنه تعرض عليها كل المواضيع والاشكاليات التى تواجه الاعضاء سواء فى السودان ومدنىأو فى الخارج أى بمعنى أخر .
تكون هذه اللجنة بمثابة المكتب الاستشارى للاعضاء فىالمنتدى فتطرح فيه المشاكل التى تواجه الاعضاء وغيرهم فى هذا المنتدى ثم يتم عرض المشكلة للنقاش على هذه اللجنة ومن خلال النقاش والتداول بين الاعضاء واللجنة يكون الحل لهذه المشكلة ، يعنى بالمعنى العربى الفصيح (( أى زول ياخوانا عندو مشكلة بتواجه فى الحياة بكل الطرق إجى ويعرضها لللجنة بتاعت المنتدى والناس تداول المشكلة وكل واحد يطرح الحل بتاعو والحل البتفقو عليه الجماعة ويشوفو فيه الخير للعضو ده إقولوه ليه وهوا يعمل بيه )) .
وأنا متأكد كل التاكيد بأنو هذه المحاولة لو أخذت مأخذ الجد سوف تعم فائده كبيره جدا على المنتدى وينطلق المنتدى من حيز الىحيز أوسع ومن مرحلة المحلية والخصوصية الى الاقليمية والعالمية إن شاء الله تعالى .
أرجو عدم إساءة الفهم فالموضوع هوا مجرد طرح فكرة أو وجهة نظر وعلى الرحب والسعه لكل الردود من غير حدود .
والمقصود بهذه الفكره ليس بخصوص المشاكل العاطفية وماشابه بل هى شاملة المشاكل الدينية والفتاوى وكل الامور الدنيويه التى تواجه الاشخاص فى حياتهم اليومية فأتمنى المشاركة بالقدر الكافى لنخطو خطوة جاده فى هذا الاتجاه حتى يصبح المنتدى أروع من ذى قبل .
فلكم الشكر
الزول الشين
رد مع اقتباس
المفضلات