بنى حاااااااااااااااااسد !!

[ودسمير]

قال لى أحدهم ولا أدرى هل كان يمزح أم جادى ...!!

قال لى ان السودانيين ينتمون لقبيله تدعى ( بنى حاسد ) !

وبدأنا النقاش وخد وهات ....

وبدأ بقصص وحكايات من هنا وهناك ... ديك حاسدنها فى زوجها الوسيم وغنى ! وداك فى العربيه آخر موديل محسود حتى من أخوانو ! وذاك قالو بين يوم وليله اصبخ غنى جدا ! ولم يسلم من القيل والقال ..ووصل الامر بنا كسودانيين ان نلجأ للدجالين والمشعوذين ( وناس السلفى ) شان يعملو عمل وعمائل للاخرين !!

قال لى : واحد من الشباب كان كل يوم بياكل فول عادى ، يوم طلب فول معاهو جبنه ، فمر به احدهم وقال له : ماشاء الله اليوم ( كابى جبنه ) .. فرد صاحبنا حتى الجبنه أم 50 قرش ما رحيتونا فيها !!

قلت لصاحبى (على فرمالة اخونا الجندى ) اعرش على كده !

رايكم شنو اصدقاء المنتدى ... هل نحن شعب حاااااااااااااااسد ؟

[مدنيّة]

سلاماااات ود سمير

--------
أعوذ بالله ياود سمير
حسد شنو كمان! ):
الشعل السوداني دا أطيب شعب
وأعتقد انه الحسد والطيبة ما بيجتمعوا

-------
تسلم ود سمير

[بت أم درمان]

في مثل ايطالي بقول
حاكي ولا تكون حسود ههههههه

يعني البعملو كدا ديل
بدل ما احسدوا وافتشو على الدجل
احاولوا اعملو زيهم
مش اخير
وكلها مصاريف وتعب

[الجندي المجهول]

الحبيب ود سمير تحياتي ،،،،،

كل مكان في هذا العالم به الصالح والطالح والحاسد والطيب والخير والشر

ولكن عموما ما يميز الشعب السودان الطيبة والكرم والشهامة ....

ولكن


أعيب علينا نحن كشعب سوداني في بعض الاحيان لا نستعمل المفردة الصحيحة في مكانها أو على الاقل فلنقل في مكانه المناسب وكمثال (الجبنة) ممكن ذلك الشخص قصد بها الهظار او المرزح ولكن لا اعتقد أن الزمان والمكان كان مناسبين لإلقاء هذه الكلمة (لأن العين حق) وامكن صاحبنا تحسس من التعليق من ( هذا الجانب)

ياخ كمان ما تبالغ في مرات الناس بتجتهد وبتعمر وبتلقى الناس بتقول ( ما شاء الله بنى وعمر او أو أو ...... ) وطبعاً الكلام دا ما عندو علاقة بالناس (البتلقف وبتنهب وتقوم فجأة ) لان ما يميز السودان (الكل بيعرف بعض) ومعورف منو العندو ومنو (الما عندو وبقى عندو من مافي ) لكن ذلك لا يعني ان الفقر عيب (مع ان أهل الجنة اكثرهم من الفقراء)

عموماً الحمد لله اعتقد ان التعليقات (الكثيرة ) والمقصود منها (الظرافة) هي التي تلقي بظلالها (الغير مقبولة لدى الجميع) عموما لا يدري ما بالنفوس ( إلا رب العالمين)

تخريمة : احفظ القرآن بيحفظك وابدأ بيهو يومك ( المعوذتين + آية الكرسي + يس ) وتوكل على الله الحفيظ

واعرش على كدا

اسال الله ان يحفظك ويسترك دنيا وأخرة ،،،،

[الملكة اسماء ( ام محمد )]

قال لى أحدهم ولا أدرى هل كان يمزح أم جادى ...!!

نلجأ للدجالين والمشعوذين ( وناس السفلي ) شان يعملو عمل وعمائل للاخرين !!

لم يعد هناك بلد يخلو من المشعوذين والدجالين

لكن السؤال هو : ماذا سيقول هؤلاء لرب العالمين , عالم الغيب وماخفئ

كل مجتمع يحوي الصالح والطالح
وان كان هذا الرجل قد وجد هذه الاشياء منتشرة في السودان او كما بدت له فلابد وان شعب بلاده ( لديهم عيوب ) لا تحصى ولاتعد
وكماقيل : الشر يعم والخير يخص

نسال الله ان نكون فيمن اختصهم بما نعرفه نحن عن وطننا واهله من طيبة وشهامة وكرم وووووو ... اشياء لا يعرفها عنا الكثيرين ممن يكتفون بالظاهر والالتفات للحالات الشاذة بيننا

[بابكر]

شوفوا الحسد هنا والعين الحاره قتلت حصان السباق فى المملكه

[فنجاط]

نحن اهل الكرم و الجود
نحن الطيبه و الحنيه

[moh_alnour]

رأيكم شنو أصدقاء المنتدى ... هل نحن شعب حاااااااااااااااسد ؟

الحسد صفة ذميمة تعني تمنى زوال النعمة ( و العياذ بالله ) و أقرب ما يمكن وصف المجتمع السوداني به
هو صفة ( الغِبطة ) و هي أن يتمنى الإنسان أن يكون له مثل ما أنعم الله به من نِعم على أخيه أو جاره أو صديقه
فالشعب السوداني شعب عُرف عنه مشاركة أفراده بعضهم البعض في أفراحهم و أتراحهم و نعمهم التي أنعمها الله على بعض منهم
لذلك تجد عندنا مقولة شهيرة و متداولة بكثرة و هي ( عجبني ليك أو عجبنا ليكم ) و الإنسان بطبعه
كائن أناني يتمنى أن يكون أفضل حالا ً من غيره في درجة لم تصل مرحلة الحسد بل ربما نكون شعب يحب التقليد
فمن يفتح دكان للعطور تجد جاره فعل مثله و من يشتري عربة أمجاد أو رقشة تجد جاره قد فعل مثله و من ذهب للتنقيب
عن الذهب في الفيافي و الوديان تجد أن كل الشباب قد سلك طريقه

قلت لصاحبي ( على فرمالة أخونا الجندي ) أعرش على كده

هناك طرفة تقول : إن أحد المغتربين كان يرسل في كل شهر أموال طائلة لشقيق له أوكله لبناء بيته
والشقيق يطلب المزيد من الأموال ، وكلما سأله أخوه المغترب ( أها البنيان وصل وين ) ؟ يرد عليه بالقول
( ياخوي رسل رسل البنيان ده ما طلع شبر من الواطة ) فما كان من الأخ المغترب إلا أن ضاق بطلبات أخيه ذرعا فقال له
( يا أخوي أعرش على كدا )

[محمد المأمون]

قال لى أحدهم ولا أدرى هل كان يمزح أم جادى ...!!

قال لى ان السودانيين ينتمون لقبيله تدعى ( بنى حاسد ) !

وبدأنا النقاش وخد وهات ....

وبدأ بقصص وحكايات من هنا وهناك ... ديك حاسدنها فى زوجها الوسيم وغنى ! وداك فى العربيه آخر موديل محسود حتى من أخوانو ! وذاك قالو بين يوم وليله اصبخ غنى جدا ! ولم يسلم من القيل والقال ..ووصل الامر بنا كسودانيين ان نلجأ للدجالين والمشعوذين ( وناس السلفى ) شان يعملو عمل وعمائل للاخرين !!

قال لى : واحد من الشباب كان كل يوم بياكل فول عادى ، يوم طلب فول معاهو جبنه ، فمر به احدهم وقال له : ماشاء الله اليوم ( كابى جبنه ) .. فرد صاحبنا حتى الجبنه أم 50 قرش ما رحيتونا فيها !!

الحبيب ود سمير
يقول الرسول صلى الله عليه وسلم من اكبر علامات الشرك الحسد
وأذكر مقولة معبرة للأديب اللبنانى الرائع أنسى الحاج
((حسد البداية بداية...حسد المنتصف غيرة...حسد النهاية نهاية))
حقا أستشرى الحسد بالوطن كون هناك غبن لطرق جمع المال رغم ان الحسد يكون بأشياء اخرى كالنجاح والعلم وضروب الحياة وهو وليد شرعى للظلم والقبح الذى يتمدد ومتى ماانتهت غفوتنا سنكون كما نود ...

قلت لصاحبى (على فرمالة اخونا الجندى ) اعرش على كده !

رايكم شنو اصدقاء المنتدى ... هل نحن شعب حاااااااااااااااسد ؟

الحبيب ود سمير يقول المصطفى صلى الله عليه وسلم من اكبر علامات الشرك الحسد
وأذكر جملة علقت بجدار ذاكرتى من كتاب للاديب اللبنانى انسى الحاج
((حسد البداية طموح...حسد المنتصف غيرة...حسد النهاية نهاية))
قراءاتى للحسد الذى يستشرى جسد الشارع السودانى كوليد شرعى للظلم والفساد الذى يسلب الحق اصحابه ويعتلى ظهر السلطة بعض من شائهات السياسون الذين اورثونا القبح والمعاناة)

[ودسمير]

سلاماااات ود سمير

--------
أعوذ بالله ياود سمير
حسد شنو كمان! ):
الشعل السوداني دا أطيب شعب
وأعتقد انه الحسد والطيبة ما بيجتمعوا

-------
تسلم ود سمير

افتقدناك فى الاحتفال ...

جد اتمنى ان نكون شعب طيب ويحب الخير ..

شكرا على طلتك

[ودسمير]

الحبيب ود سمير يقول المصطفى صلى الله عليه وسلم من اكبر علامات الشرك الحسد
وأذكر جملة علقت بجدار ذاكرتى من كتاب للاديب اللبنانى انسى الحاج
((حسد البداية طموح...حسد المنتصف غيرة...حسد النهاية نهاية))
قراءاتى للحسد الذى يستشرى جسد الشارع السودانى كوليد شرعى للظلم والفساد الذى يسلب الحق اصحابه ويعتلى ظهر السلطة بعض من شائهات السياسون الذين اورثونا القبح والمعاناة)

ود المامون ...تحياتى

ربنا يطيب القلوب ...

ومشكور على زيارتك

[ودسمير]

الحسد صفة ذميمة تعني تمنى زوال النعمة ( و العياذ بالله ) و أقرب ما يمكن وصف المجتمع السوداني به
هو صفة ( الغِبطة ) و هي أن يتمنى الإنسان أن يكون له مثل ما أنعم الله به من نِعم على أخيه أو جاره أو صديقه
فالشعب السوداني شعب عُرف عنه مشاركة أفراده بعضهم البعض في أفراحهم و أتراحهم و نعمهم التي أنعمها الله على بعض منهم
لذلك تجد عندنا مقولة شهيرة و متداولة بكثرة و هي ( عجبني ليك أو عجبنا ليكم ) و الإنسان بطبعه
كائن أناني يتمنى أن يكون أفضل حالا ً من غيره في درجة لم تصل مرحلة الحسد بل ربما نكون شعب يحب التقليد
فمن يفتح دكان للعطور تجد جاره فعل مثله و من يشتري عربة أمجاد أو رقشة تجد جاره قد فعل مثله و من ذهب للتنقيب
عن الذهب في الفيافي و الوديان تجد أن كل الشباب قد سلك طريقه



هناك طرفة تقول : إن أحد المغتربين كان يرسل في كل شهر أموال طائلة لشقيق له أوكله لبناء بيته
والشقيق يطلب المزيد من الأموال ، وكلما سأله أخوه المغترب ( أها البنيان وصل وين ) ؟ يرد عليه بالقول
( ياخوي رسل رسل البنيان ده ما طلع شبر من الواطة ) فما كان من الأخ المغترب إلا أن ضاق بطلبات أخيه ذرعا فقال له
( يا أخوي أعرش على كدا )

ابو حميد ............

نورت البوست بحروفك النيره ...

وكل عام وانتم بخير

[ودسمير]

نحن اهل الكرم و الجود
نحن الطيبه و الحنيه

أتمنى ان نكون كده ....

وليك كل التحايا

[ودسمير]

شوفوا الحسد هنا والعين الحاره قتلت حصان السباق فى المملكه

يا حافظ يا حفيظ ....
ومشكور على المشاركه

[ودسمير]

لم يعد هناك بلد يخلو من المشعوذين والدجالين

لكن السؤال هو : ماذا سيقول هؤلاء لرب العالمين , عالم الغيب وماخفئ

كل مجتمع يحوي الصالح والطالح
وان كان هذا الرجل قد وجد هذه الاشياء منتشرة في السودان او كما بدت له فلابد وان شعب بلاده ( لديهم عيوب ) لا تحصى ولاتعد
وكماقيل : الشر يعم والخير يخص

نسال الله ان نكون فيمن اختصهم بما نعرفه نحن عن وطننا واهله من طيبة وشهامة وكرم وووووو ... اشياء لا يعرفها عنا الكثيرين ممن يكتفون بالظاهر والالتفات للحالات الشاذة بيننا

وربنا يحفظنا من الحسد والحساد ...

وشكرا جدا على على مرورك الراقى

[ضياء الدين احمد]

بصراحة نحنا شعب بقى الحسد جزء من ثقافته والانانية متأصلة فينا وخلونا من الطيبة والكلام المستهلك وماتشكروا لي الراكوبة في الخريف اللهم الا من رحم ربي ويا اخوانا والله ماتخليكم حالمين دي اصبحت حقيقة وكلنا عارفين بس بنحب نتجمل ساكت وربنا اكفينا شر الحسد والحسااااااااااااااااااااااااااااااد وكييييية للحسااااااااااااااااد

[ود المطامير]

حبيبنا ود سمير

مره كنا نحن شله واقفين
قام جا واحد من أصحابنا وقف بعربيتو اللى إشتراها قبل يومين
كامرى موديل 2006

أهاا .. كلنا كشفناها وباركناها وشكرناها ليهو
قام صاحبنا دور وشتت

وحاتك قبلما يصل الشارع الرئيسى تعال شوف

جماعتى لمو ليك فى العربيه حتوها حت
اللى بقول كانت شغاله تاكسى واللى بقول الموديل دا ما مرغوب
واللى واللى وما خلو ليها صفحه

نحنا ما كنا كدا لكن بقينا كدا

[ودسمير]

بصراحة نحنا شعب بقى الحسد جزء من ثقافته والانانية متأصلة فينا وخلونا من الطيبة والكلام المستهلك وماتشكروا لي الراكوبة في الخريف اللهم الا من رحم ربي ويا اخوانا والله ماتخليكم حالمين دي اصبحت حقيقة وكلنا عارفين بس بنحب نتجمل ساكت وربنا اكفينا شر الحسد والحسااااااااااااااااااااااااااااااد وكييييية للحسااااااااااااااااد

ولسه يا ما فى الجراب يا حاااااااااااوى !

مشكور يا ولدنا على طرقك بابنا المتواضع

[ودسمير]

حبيبنا ود سمير

مره كنا نحن شله واقفين
قام جا واحد من أصحابنا وقف بعربيتو اللى إشتراها قبل يومين
كامرى موديل 2006

أهاا .. كلنا كشفناها وباركناها وشكرناها ليهو
قام صاحبنا دور وشتت

وحاتك قبلما يصل الشارع الرئيسى تعال شوف

جماعتى لمو ليك فى العربيه حتوها حت
اللى بقول كانت شغاله تاكسى واللى بقول الموديل دا ما مرغوب
واللى واللى وما خلو ليها صفحه

نحنا ما كنا كدا لكن بقينا كدا

يعنى صاحبك قبل ما يحصل بيتو ... يكون جماعتك طلعوا عربيتو الكامرى تجميع صينى !!

[mahagoub]

الحسد موجود
وبقت عاده زميمه فى الكل
مما تطلع من جلسه الا يكونوا اكلوا لحمك
ليه ما نذكر الغايب بالخير
نكون طلعنا نفسنا من الحته الضيقه دى