تكامل اهل المنتدي

[ريمون]

سلام لكل ناس المنتدي وتحايا ..
كلام عم محجوب في بوست ما عن وقوف ذنون معاهو في شراء مواد بناء اوحي لي بفكرة بسيطة ..
يا ريت لو نتكامل بعض في الامور الحياتية ..
يعني زي ما حاصل هسه بس بصورة موسعة ..
عندك مشكلة في الكمبيوتر تمشي لي ابو النور ..
مغلق ذنون ..
مغاسل هاتريك ..


وهكذا ..
يعني كل زول يعرض اعماله والناس يكون زيتها في بيتها ..
ناقشوا معاي الفكرة ..
الظروف الصعبة دي خلت الثقة في السوق عموما شبه معدومة عشان كده لو عملنا الكلام ده حيكون مريح لانو اعضاء المنتدي اصلا ساندين بعض ..
رايكم شنو ؟؟؟

[ريمون]

انا كتبت الموضوع اول في الاقتراحات والمناسبات لكن لقيت بمساعدة صديق انو مكانة الطبيعي هنا ..
هنا او هناك المهم الفائده والموضوع موضوع الكل ..

[الجندي المجهول]

كلام زي الورد

بل بالعكس نسبة للركود الحاصل في السودان كدا لاناس ممكن تحرك بعض

وتساعد بعض
وايد مع ايد بتجدع بعيد

شكراً ريمون

تخريمة : الخبرة وسنوات الحياة له اثرها الكبير ( شكراً خالتنا)

واعرشي على كدا

ياخ دا اقتراح من زول خبرة

[آلاء عبد الرحمن]

مقترح جميل جدا

[ريمون]

نتمني التفاعل الفوري ..

[mahagoub]

كلام زى العسل
وطبعاً انا المستفيد الاول من ذنون وابو النور والاء
يكفيك الروح البلاقوك بيها ولو غبت يوم بيسألوا عنك
احب مدنى وناس مدنى
اهل الحب والوفاء ونكران الذات
بالجد انا جيت مدنى اجازات كتيره
لم استمتع بمدنى كما استمتعت هذه المره

[أبونبيل]

http://www.madanicity.com/

مدنى سيتى

[mohd saeed magazoub]

انا كتبت الموضوع اول في الاقتراحات والمناسبات لكن لقيت بمساعدة صديق انو مكانة الطبيعي هنا ..
هنا او هناك المهم الفائده والموضوع موضوع الكل ..

البيت بيتك يااااخ

بصراحة فكرة مبالغة

يلا عايزين التفاعل

ونحن كتاااار وهدفنا واااحد...

[ريمون]

http://www.madanicity.com/ مدنى سيتى

ما قصرت ..
كنت مستنيه زول ينزل الرابط ..
بس يكون معروف لاصحاب المحلات انو ناس المنتدي حالة خاصة ..
تسلم ابو نبيل ..

[ريمون]

البيت بيتك يااااخ بصراحة فكرة مبالغة يلا عايزين التفاعل ونحن كتاااار وهدفنا واااحد...

نحن علينا الاقتراح وانتوا يدكم معانا نفعل الفكرة ..

[آلاء عبد الرحمن]

كلام زى العسل
وطبعاً انا المستفيد الاول من ذنون وابو النور والاء
يكفيك الروح البلاقوك بيها ولو غبت يوم بيسألوا عنك
احب مدنى وناس مدنى
اهل الحب والوفاء ونكران الذات
بالجد انا جيت مدنى اجازات كتيره
لم استمتع بمدنى كما استمتعت هذه المره

يديك الف عافية
والناس مابيناتها

وربنا يخليكم لينا

[ودالعمدة]

يديك العافية ياريمون
وبالتوفيق ان شاء الله
ههههه

[mahagoub]

http://www.madanicity.com/

مدنى سيتى

ديل كلهم فروع لشركتك
نقول آآآآآآآآآآمين

[ريمون]

اتمني ان يتم تفعيل هذا المشروع ..
وهمتكم يا مشرفين ..

[مولانا جلال]

يديك الف عافية
والناس مابيناتها

وربنا يخليكم لينا

شايف الموضوع عجبك يا الاء والله انا معاى جاى زبط ربط زى ما بيقولوا

[خالد علونى]

مساء الخير علي الجميع
مشكورة يا ريمون علي الفكرة الجميلة دي
وهي في الحقيقة بتوفر كتير علي الناس من ناحية الوقت والمجهود أياً كان نوعو

نتمني التفاعل من الجميع