مياده القراده

[الشمشار]

سلامات
هذا بوست من ارشيفي
اخترته لكم واتمني ان ينال رضائكم



سلامات بعد غيبه كم يوم لظروف عمليه قاهره ومعليش ياجماعه مطول من المنتدي لكن والله موسم رمضان البرامجي السنه دي بادي من بدري جدا ومسخن كمان دعواتكم لي اخوكم ونخش في قصتنا الليله
مياده من زمنها الشافعه اي زول يجي بيتهم تنشبك في الا تمشي معاهو بيتهم عشان كده ناس حلتهم سموها مياده القراده
انا جااااااااااااااااااااااااااااااااي بس انتو شيلو الصبر
__________________

[الشمشار]

نعود لي قصتنا مياده دي من زمنها الشافعه اي زول يجي بيتهم او بي جنب بيتهم ساي بتعرفو ولامابتعرفو تشيل وتتلصق ليك في وتقول لي الا امشي معاك بيتكم ناس حلتنا كانو قايلين الشغلانه دي عباطه شفع ساي وانها لامن تكبر بتعقل لكن مياده كبرت وكل ماتكبر كل ما عقلها بصغر وتلصقه في الناس بكتر ياخ دي يوم جات لي جيرانه ودقت الباب الجيران كانو موجودين لكن لامن عاينو بي خرم الباب ولقو انو دي مياده عملو رايحين زي مابقولو الشباب لكن مياده ذاته صبوره تخيلو قعدت من الصباح لحدي اذان المغرب جنب بيت جيرانه لاكلت لاملت
يوم برضو اولاد الحله قالو يعملو رحله وتحاشيا لي مياده قالو الرحله اولاد بس يعني عزابه جابو لحافله مياده الجن من وين جات ماعارف وتلبت ليك في الحافله قدام وبعد ركبت قال ليهم ماشين وين ؟واحد من الشباب انفعل ليك فيها
ماشين السما الاحمر انزلي يابت
ابيت ما بنزل انا ذاتي السما الاحمر ده دايره اشوف شكلو كيفنو ؟
واحد من الشباب قال ليها يابت نحن ماشين نلعب كوره
قالت لي الرياضه حلوه بمشي معاكم اشجعكم واحد قال ليها شايفه ليك بت هنا نحن كلنا اولاد
امي مابتقول حاجه انتو زي اخواني
وقدر ما اولاد الحله سجو ولجو مياده الجن ابت تنزل المهم اتوكلو علي الحي الدائم وساقوها معاهم الرحله نواصل بعد الفاصل

[الشمشار]

ووصلو مكان الرحله اها مياده طبعا تعجبك في التلصق ياخ الجزار الجا ضبح الخروف كانت دايره تمشي معاهو مياده قضت الرحله كلها حوامه الداير يجيب مويه من البحر مياده معاه الداير يعمل الشاي مياده معاه
مباريه اي زول لحدي ما وقعت غمرانه الشباب شالوها وودوها البيت امها تسكلب والحله جايطه لحدي ماجابو الدكتور الدكتور قال ليهم البت دي عندها فتور وارهاق حاد ولازم ترتاح هههههههههههه مياده كانت دايره تباري الدكتور ذاتو لكن اهلها حموها اها مياده بقت شغله ناس الحله اي زول في الحله يمشي لي مياده يكفر ليها تباري لحدي بيتو تتعب وتنتكس تاني ناس الحله تاني يرجعو يزوروها لامن الحله كلها مرضت والسبب مياده
عوووووك يا البتقرا في البوست ده ماشي وين انت اعمل حسابك مياده دي لابته هنا في البوست ده تقوم تتعلق فيك زي القراده ودعتكم الله

[بت أم درمان]

عوووووك يا البتقرا في البوست ده ماشي وين انت اعمل حسابك مياده دي لابته هنا في البوست ده تقوم تتعلق فيك زي القراده ودعتكم الله

هههههههههه
حسي نتحلة منها كيف
شكرا الشمشار

[الشمشار]

هههههههههه
حسي نتحلة منها كيف
شكرا الشمشار

يحلك الحلا ود المطامير من الحلاقين والبواريك
ومياده لاتعرف طريقك لاتباريك
قولي اميييييين
تسلمي بت ام درمان

[ضياء الدين احمد]

بالله عليك الله يالشمشار توصف لينا سكتها وين انا مغروض فيها شديد للجندي المجهول ... قلت لي بتلعب ليهو باك

[الشمشار]

بالله عليك الله يالشمشار توصف لينا سكتها وين انا مغروض فيها شديد للجندي المجهول ... قلت لي بتلعب ليهو باك

ههههههههههههههه الله يستر علي الجندي المجهول
والله تلعب معاه ضاغط لامن يقول كفاي
شمشره
بعض نسوان المنتدي المتزوجات ضربن لي دايرين مياده تباري رجالهن عشان تديهن الشمارات اول باول
مياده بعد ده بقت تتحجز بالدولار هههههههههههه

[عنكوليب]

شماشيـــرو ،،، مبااالغة طبعا ،،،

انت ما تعال نوصف ليها علـــوني ده ؟!!!
عشان شنـــو ؟ ها ها ها ها ها ها ،،
والله اتخيلت ليك منظرو ،، جاري واليدين في السماء
والنضارات طايرات ،، وهو يعاين ليها وجاري ،،!!

تسلــــــــــــــــــم يارب ،،،

[الشمشار]

شماشيـــرو ،،، مبااالغة طبعا ،،،

انت ما تعال نوصف ليها علـــوني ده ؟!!!
عشان شنـــو ؟ ها ها ها ها ها ها ،،
والله اتخيلت ليك منظرو ،، جاري واليدين في السماء
والنضارات طايرات ،، وهو يعاين ليها وجاري ،،!!

تسلــــــــــــــــــم يارب ،،،

ههههههههههههههه يجازي محنك يا عنكوليب والله دي تباري لي مدني هههههههه
جااااااااااااري توصيف علوني ومكان اقانته لمياده بعدين الزول ده كان كورك بقول لي عنكوليب العملت كده انا بررررررررررررره

[telecom]

عليكم الله شوفوا لى ميادة دى وين مغروضة فيها شديد ولا شنو يا علونى