تسلمو جميعا أحبتى على هذه الروح الجميله والمشاعر النبيله الصادقه
وربنا يديكم العافيه ويجعل أيامكم كلها مناسبات سعيده
الحمد لله والشكر لله شهد وأمها بخير وصحه جيده
لقد مرت أم عمرو أثناء العمليه القيصريه بمرحله حرجه ولكن بفضل الله
مرت بسلام وطبعا أنا عرفت هذا قبل شويه رغم أن أثناء العمليه وبعدها معظم من كان حولى
كانوا يعلمون ولكنهم تعمدوا عدم إخبارى إلا قبل ساعه لما رؤنى أتمشى مع أم عمرو فى أورقة المستشفى
وقالوا لى أول ما تطلعوا بالسلامه من المستشفى طوالى تضبح كرامه علشان أم عمرو وشهد كتب الله لهما عمر جديد
وسقط قلبى بين أضلعى ونظرت إلى أم عمرو بعيون دامعه ولكنها ضغطت على يدى وبإبتسامه حنونه قالت لى
أهو أنا جمبك وبتمشى معاك وبنتا ما شاء الله ذى الورده
الحمد ليك يارب والشكر لكم جميعا ويا ربى ما تحرم بيت من الأطفال
ويا حبيبنا محمد النور ، لينا الشرف والله ومن هسى مصاريفها جت عليكم ويلا خلى العريس يرسل حق فواتير المستشفى هع هع هع هع
ويا شمشره هى إن شاء الله طالعه لأبوها الهدى ورضى دا
ويا علونى ياخ إنتا تعديها لينا بكا لما واطاتك تصبح هع هع هع
وللجميع أقول ح أجيكم برواقه ... سبحان الله .. الكلمه دى كلما أشوفها بتعمل لى كاروشه وأقول أخنق الزول
اللى بقولها لكن ما كنت قاليل بقع فيها لكن أنا معزور داخل باللابتوب حقى السمح دا وعامل ( كونكشن ) .. عمتى ؟ الكلمه دى صاح ؟
المهم لاطش لى ذبذبات ضعيفه تختفى وتجى ذى اللمبه البتبقبق
من الأعماق .. تسلموا لى كلكم وفى ميزان حسناتكم إن شاء الله تبارك وتعالى
Array
Array
Array
Array
ضوابط المشاركة
رد مع اقتباس
المشاركة الأصلية كتبت بواسطة الشمشار
المفضلات