قريبي كان نائم جنب دولاب العدة بين قوسين حافلة ، أها خشت طيرة في الأوضة وتحديداً ( عشوشة ) ، خشت الأوضة وفي دولاب العدة وجاطتها جوطة آخر حاجة وفي نهاية المطاف وقعت ليها كم كباية كده في رأس قريبي ده ( طبعاً غلطانة الطيرة في رأي كثير منك ) ، لكن من وجهة نظر حكيمة وفاحصة وبه نوع من الإتزان ، غلطان وبكل تأكيد ( مرت قريبي ) ، قلتو لي ليه ؟ افتح قوسين صغيرين ( هي غلطانة لأنو المكان الصحيح للعِدة ) هو المطبخ وليس أماكن النوم ، وهذا ما نراه في كثير في ( حريمنا ) يتفاخرن بالعِدة ، مما ( جعلهم ) لا يبالون بشيء سوء بإظهار شوية الكبابي وطقم العشاء ، هل يعني ( كورة بايركس أبو صفقة ) تكون أغلى من رأس زول ؟ وبصراحة كده نحن محتاجين إعادة فهم و ( أوتوكيت ) في حياتنا ، فمثلاً بتقى الصالون فيهو غرفة جلوس وجنب غرفة الجلوس تلقى 3 ساراير وقيل سريرين ( هسه زي دي نسميها غرفة شنو ) . . . ممكن نسميها ( غرفة نوم على القاعد ) وتلقى ( دولاب العدة ) جبنو في سريرين ، غايتو نحن فعلا شعب كسلان ، أها نصيحتي للجميع بدون فوز أعمل تخصيص لكل شيء ، عشان لما تجي تنوم تنوم بمزاج ما تكون خايف حاجة تقع فيك ولا زول يجي يجلس جنبك .
كنت عايز أصل لحاجة من الموضوع ده بس هسه نسيتها ، برجع بعدين بعد الغداء مباشرة بإذن الله . . . فاصل ونواصل
رد مع اقتباس
المشاركة الأصلية كتبت بواسطة المسافر
المفضلات