سلام من الله عليكم
الدجالين موجودون في مجتمعنا بكثره ودائما ما يقع ضحيتهم قليلي الحظ من التعليم والجهلاء اليكم قصه الفكي محيان وهي في شكل حوار بين ناديه التي تزوجت منذ تسع سنوات ولم تنجب وجارته بتول الاميه
ناديه بتول كيفك ياختي
بتول كيفك يا ناديه واحمد راجلك كيفنو ؟؟؟؟
ناديه تمام والله انتي كيف مع اولادك
بتول تمام قلت ليك البايره دي كانت دايره منك شنو ؟؟
ناديه بتقصدي منو سميه
بتول اااااااي ياهاه قشيره
(سميه هي اخت احمد زوج ناديه والود بين سميه وناديه مفقود تماما )
وتواصل بتول بلا سواتا دي مافي شئ قعدها لي الليله بدون عرس المفلهمه المابتشبه البنات والله ياناديه ياختي كان ما اخاف الله الماخلاك تلدي لليله هي السبب فيهو
ناديه سجمي ده كلام شنو ده ؟؟؟؟؟
بتول
ايييييييي تكون رابطاكي بالفقرا
ناديه ده كلام شنو يابتول انتي برضو بتصدقي حاجات زي دي
بتول شوفي ياختي انا لقيت ليك الحل
ناديه حل شنو ؟؟؟
بتول نمشي للفكي محيان وهو بورينا
ناديه الفكي منو
بتول الفكي محيان يلحقنا وينجدنا يشوف العميان ويولد النسوان ويجمع الحبان
ناديه لكن احمد لو عرف مابرضي
بتول انتي غبيانه واحمد البوري منو ؟؟؟
بكره الصباح نمشي سوا اتفقنا
ناديه اتفقنا
في اليوم التالي ذهبت ناديه بصحبه بتول الي الفكي محيان في احد الاحياء الشعبيه وقبل ان تدخلا علي الفكي التقيتا باحدي السيدات واليكم الحوار
السيده (وهي توجه حديثها لناديه)
يابتي انتي دحين ما بت التايه
ناديه ابدا ياخاله انا امي اسمه حرم
السيده معليش يابتي شبهتك متزوجه ؟؟؟
ناديه ايوه
السيده عندك اولاد ؟؟؟
ناديه لا الله ما قسم
السيده الله يغطيك يابتي ودعتك لي الله
تدخل السيده للفكي محيان وتسرد له ما جري بينها وبين ناديه نعود الي ناديه وبتول التي ابدت تذمرها من السيده
بتول المرض الياخده ماله ساله كده
ياتي احد صبيان الفكي وينده علي بتول وناديه لمقابله الفكي
الفكي محيان
حي حي حي حي
ازيك ياناديه
ناديه وقد بدا عليها الخوف سجمي وانت بتعرفني من وين ؟؟؟؟؟؟؟؟؟؟؟؟
الفكي محيان كله من عندهم يازر مازر جهبوز ملموز ويواصل انتي امك اسمه الحرم ومتزوجه وما ولدتي صاح
ناديه وقد تملكها الخوف
صاح
الفكي محيان
انتي معمول ليك عمل وعشان العمل يتفك لابد من انك تدي الاسياد وتوفري ليهم طلباتهم
ناديه وطلباتهم شنو ؟؟؟؟؟؟؟؟؟؟؟
الفكي محيان دايرين
ديك بنفسجي
ونمله عوره
وود دبرق ارمل
وخروف وحيد امو وابوه
ناديه وديل انا حا اعرفهم كيف ؟؟؟؟؟
الفكي محيان انا بعرفهم انتي ختي خمسميه الف وانا بجيب الحاجات دي كلها
ويحصل الشفاء وتملي البيت عيال
ناديه خير وهاك دي القروش
واخذ الفكي محيان القروش وناديه ما تزال من ذلك اليوم في انتظار وعود كذابه ولم ولن تعترف انها كانت ضحيه لاحد الدجالين
امثال ناديه كثر في مجتمعنا والمسبب واحد الجهل
انتهت
رد مع اقتباس
المفضلات