أختارو لى إيميل

[ود المطامير]

اليوم وبعد غيبه لأكتر من إسبوعين
رجعت لوكرى فى جزيرتى وشوق الدنيا كلو للمنتدى والنفاج وناس النفاج

أهااا .. من الباب شغلت الكمبيوتر وكعادتى أول شئ بقرأ البريد وفتحت الماسنجر
وكتبت الإيميل والباسورد وكل مره يقول لى الخدمه غير متوفره

قمت دخلت على البريد من الهوتميل أكان قال لى تم حظر حسابك لمخالفة لوائح الهوتميل
قلت ليهم بسم الله ، أنا 16 يوم ما شفت ماسنجر بعينى ، قالو لى أكان شفت ولأ ما شفت المهم
إيميلك دا عاس عواسه بالطريقه الصاح وتانى شئ رسل لكل اللى ضايفهم عندك خرابيط تمام
قلت ليهم عليكم النبى ؟ قالو لى ااااى ، قلت ليهم رسل شنو ؟ قالو لى أعرف براك

ويلا هسى أنا شلت هم وحردت الغدا وبقيت أفكر وأسأل نفسى
ناس الهكر ديل رسلو شنو بإسمى ؟ وهم ذاتهم العاجبهم شنو فى إيميل إسمو مطاميرو3 ؟
يا ربى يكون حسدنى على اللمبات الخدرا اللى بتكنتك
ذى الجويهرات ؟ ولأ حسدنى على جضيمات راغب علامه ديل ؟

أهااا ... يلا أختارو لى إيميل يكون سمح سماحه بالطريقه الصاح ، يكون سمح سماحه
لو فكيتو كدا فى الفيس ، الجكس فررررررررررر يجى طاير

[آلاء عبد الرحمن]

مسمايرو مساميرو
مش حلو

[عنكوليب]

أهااا ... يلا أختارو لى إيميل يكون سمح سماحه بالطريقه الصاح ، يكون سمح سماحه
لو فكيتو كدا فى الفيس ، الجكس فررررررررررر يجى طاير

يا أبو شهد ده كلام ،،،

هي ياااااشيخنــــا ،،،،، والله شيوخ اليومين ديل ،،،
يطرشني ويعمي جيراني ،،، بري يا يما !!!!

ليك وحشة والله ،،،،


1/ shahadmiro@hotmil.com
2/shaikhmiro@hotmail.com


الاول : اسم شهد القادمة الجديدة (شهدا ) وجزء من اسمك (ميرو) ،،،
الثاني : اسم شيخ و جزء ايضا ( ميرو ) ،،

لك الخيار وبقية الخيارات من الحبان ،،،

[ام ساره]

ههههههههههههههههههههههههههههههههه حتي مع ناس الهوتميل عندك ملف بقيت مشهور هوتميليناً.

[المسافر]

سجم الرماد جابو ليهو بت ثانية آت ياهو دوت كوم

[ود المطامير]

مسمايرو مساميرو
مش حلو

هع هع هع

يا دكتوره أنا عام 2012 دا داير لى إسم إستايل ياخ

[ود المطامير]

يا أبو شهد ده كلام ،،،

هي ياااااشيخنــــا ،،،،، والله شيوخ اليومين ديل ،،،
يطرشني ويعمي جيراني ،،، بري يا يما !!!!

ليك وحشة والله ،،،،


1/ shahadmiro@hotmil.com

2/shaikhmiro@hotmail.com


الاول : اسم شهد القادمة الجديدة (شهدا ) وجزء من اسمك (ميرو) ،،،
الثاني : اسم شيخ و جزء ايضا ( ميرو ) ،،

لك الخيار وبقية الخيارات من الحبان ،،،

هع هع هع هع

هى لكن يا عنكوليب عليك الله حصل سمعتى ليك بشيخ متزوج أقل من أربعه ؟ هع هع هع

والله ما قصرتى والأسم الأول مستبعد علشان الأيام دى الشفع عاملين على حلف أطلسى
قالو من جات شهد أنا فاتح ليهم هع هع هع

الأسم التانى ممكن وخاصه مع اللحيه التى أطلقتها منذ العام الماضى

[ود المطامير]

ههههههههههههههههههههههههههههههههه حتي مع ناس الهوتميل عندك ملف بقيت مشهور هوتميليناً.

هع هع هع هع هع

غايتو باقى لى الفيس أكان حظرونى أكون تم حصارى إسفيريا

[ايمن عبد الله]

انت والله حقو ادوك موقع كامل .. مش ايميل يا مطرة ..

وكمان فيس بوك مش نيم في الفيس لا فيس ذاتو البفيس الناس ده ..

انا كان علي يا شيخ بديك دوت كوم ذاتو .. ودوت نيت .. ودوت اس دي ذاتو كان حكمت ..

انت مطرة ياخ انت قايل المطرة دي هينة ..

[ود المطامير]

سجم الرماد جابو ليهو بت ثانية آت ياهو دوت كوم

تصدق تمنيتها من كل قلبى والحمد لله لسببين

الأول .. علشان تكون لشجن أخت
والتانى علشان أعادل كفتى الميزان
ولدين وبنتين زمان شجن قادانا قد فى الأسواق
كلما تشوف حاجه تتعبط فيها ولما أرفض تقوم تكتل قلبى و تقول لى أنا بنتك الوحيده

[ريمون]

انت ما تحاول تستعيد ايميلك ..
ولا الهباب كان من النوع التقيل ....؟؟؟؟

[عنكوليب]

لا يا اخوي انت عندك رأيا آخر ،،،
انت عايز تحرم جسدك من الناروتدخل الجنة ،،،، بس برضو ابو الواحدة معتوق اذا احسن الأدب //
واحسن اليها ،،،

[عنكوليب]

عليك الله يا مطاميرو أقرأ قصيدة نزار قباني
في انثى 2 او في المنتدى الثقافي ؟؟؟ وشوف ناس
الأربعة ،،، نزار قباني شغال ليهم كيف ؟

[ود المطامير]

انت والله حقو ادوك موقع كامل .. مش ايميل يا مطرة ..

وكمان فيس بوك مش نيم في الفيس لا فيس ذاتو البفيس الناس ده ..

انا كان علي يا شيخ بديك دوت كوم ذاتو .. ودوت نيت .. ودوت اس دي ذاتو كان حكمت ..

انت مطرة ياخ انت قايل المطرة دي هينة ..

الله
يا سلااااااااااااااااام
يا أعزّ الناس وأحنّ الناس
كل عام وإنتم بخير وسعاده
وتسلم لى يا رب وربى يديك الصحه والعافيه

أنا كفايه على كلامك دا يسعدنى ويشرفنى والله

[ود المطامير]

انت ما تحاول تستعيد ايميلك ..
ولا الهباب كان من النوع التقيل ....؟؟؟؟

حاولت والله يا بت أمى
وإتبعت الخطوات جت
وقال لى رسلنا ليك الرمز على الإيميل البديل
والإيميل البديل ذاتو لاحق أمات طه

وبعدين وحات أمى الإيميل اللى حظروهو دا شدة ما خفيف
وحات الله تلاته ولأ أربعه لمبات خُدر بس البكنتكن فيهو
لكن قبل ما أطلع من الشبكه فى كم واحد سألنى عن ملف جاهو منى
وقلت ليهم يعمينى ما رسلت ولا ملف وأنا ذاتى ما بعرف أرسل ملفات هع هع هع

قلت ليك ... مبروك بقيتى حكومه

[ود المطامير]

لا يا اخوي انت عندك رأيا آخر ،،،
انت عايز تحرم جسدك من الناروتدخل الجنة ،،،، بس برضو ابو الواحدة معتوق اذا احسن الأدب //
واحسن اليها ،،،

هع هع هع هع

والله الحق .. بدعو لها الله فى سجودى أن يسعدها دنيا وآخره
للسعاده التى تغمرنى بها

[ود المطامير]

عليك الله يا مطاميرو أقرأ قصيدة نزار قباني
في انثى 2 او في المنتدى الثقافي ؟؟؟ وشوف ناس
الأربعة ،،، نزار قباني شغال ليهم كيف ؟

شوفتها وحاجه روعه
وغير كدا أنا ذاتى أكان قبلت عليهم بفوت ليك نزار قبانى دا بهناك

لكن دا شرع الله عشان كدا سكت هع هع هع

[ابو عبد الرحمن]

ههههههههههههههههههههه والله يا فرده اشوااااااااااااااااق كميات
ومبروك البنية .. اها يا عبد الرحمن لقينا لك العروسة .. ومن اسي
يا مطره ما دايرن( خرخره ) متكفي بنجدعها لك ونفرتق .. سمح يا عشاني
ويما انو( عبدو ) حا يكون سعيد الحظ بالقرب من سيادتكم .. إيميلك علّي ..
( عبدو . وعمرو . ) دوت كوم .. على الهوت ميل لو سمحت ...

[ايمن عبد الله]

انت ما تحاول تستعيد ايميلك ..
ولا الهباب كان من النوع التقيل ....؟؟؟؟

فيها هباب ..
النتخارج سريع كان كده

[ود المطامير]

ههههههههههههههههههههه والله يا فرده اشوااااااااااااااااق كميات
ومبروك البنية .. اها يا عبد الرحمن لقينا لك العروسة .. ومن اسي
يا مطره ما دايرن( خرخره ) متكفي بنجدعها لك ونفرتق .. سمح يا عشاني
ويما انو( عبدو ) حا يكون سعيد الحظ بالقرب من سيادتكم .. إيميلك علّي ..
( عبدو . وعمرو . ) دوت كوم .. على الهوت ميل لو سمحت ...

رفارف قلبى
وحات الله شوق ما بتوصف
والله يبارك فيك يا رب

ولينا الشرف والله ونسعد
ومن هسى هى مصاريفها عليكم وبرسل ليك تكلفة الولاده فى الخاص
كان حبيبنا محمد نور حجزها من رسلت ليهو الفواتير بلإيميل وحاتك لا حس ولا خبر

وبعدين ياخ .. الإيميل لى أنا ما ليهم هم هع هع هع

[ايمن عبد الله]

حاولت والله يا بت أمى
وإتبعت الخطوات جت

شكلك اتبعت (خطوات الشيطان)

هع هع هع

[ايمن عبد الله]

الله
يا سلااااااااااااااااام
يا أعزّ الناس وأحنّ الناس
كل عام وإنتم بخير وسعاده
وتسلم لى يا رب وربى يديك الصحه والعافيه

أنا كفايه على كلامك دا يسعدنى ويشرفنى والله

تسلم يا الرائع ..
كل سنة وانت دقات قلبي ..
كتلتني لكن كتلة ..

الغريبة شايف ابو عبد الرحمن رفارف قلبك حايم بي هنا ..
معناها البوست ده بايظ وشكلوا ح يلحق اميلك ..
طبعا بعد يوصل سبعين صفحة ..

[المسافر]

الهباب

999

آآآآآآآي ساكنة في مدني جنب ناس سارية

[ود المطامير]

فيها هباب ..
النتخارج سريع كان كده

هع هع هع هع

[ايمن عبد الله]

999

آآآآآآآي ساكنة في مدني جنب ناس سارية

ابو عبد الرحمن + المسافر + ود المطامير + ريمون + ايمن

البوست ده خلاص .. انا غايتو ده طرفي منو .. !!

وكان سألوني .. كف واحد بجيبكم كلكم ..