أنا وحرمشه

[ود المطامير]

طبعا كل زول عندو قرين ملازمو وبيجرى فيهو مجرى الدم
قاعد ليهو جوووه راسو ورا إضانو وهاك يا وسوسه ويسوق صاحبو من أضانو للمهالك والمعصيه

أها ... أنا الموكل بى إسمو ... حرمشه ...
وهو من فتره طويييله كان متجدع ومبسوط علشان فى إجتماع أبوهو
إبليس بأخوانو الشواطين كل شهر مره ، كان أبوهو إبليس بيضرب بيهو المثل قدام أخوانو
ويقول ليهم ... أحسن واحد
فيكم ... حرمشه ... من يوم وكلتو على .. مطاميرو .. ومطاميرو بصلى الجمعه بس
وما طوالى لا لا مرات مرات وفى تلتله
دا مطاميرو كان ساكن جار مسجد سنتين ولحد ما رحل ما كان عارف لون فرش المسجد أحمر ولأ أخضر ؟
وحاجات كتيييره زينها حرمشه لمطاميرو ومطاميرو فى غفله من أمره
يبارى فى حرمشه ذى العتود المبارى أمو
ويقول ليهم صفقو لحرمشه والشواطين يصفقو ليهو وحرمشه يتكييييف

إلى أن أتى يوم ... واليوم داك قفلت كل شئ وجيت سريرى وجريت بطانيتى وإدمدمت
وقلت أنوم وطبعا كل واحد فينا
بسرح قبل النوم فى الخيال أحلام ، وسبحان الله وبدون مقدمات لقيت نفسى بقول لنفسى
إنتا يا مطاميرو ؟ عليك الله حرمشه دا يلعب بيك كدا ؟ ولمتين ؟ والله جهنم حااااااره
واليوم بخمسين ألف سنه ، يعنى لو ربنا
قال أرمو فلان فى النار 12 ساعه بس ، ال 12 ساعه بحساب يوم القيامه ب 25 ألف سنه الكتراااااابل
إتململت كدا و حرمشه أكان نايم فى الواطه حسّ بى قام تاوق لى قمت عملت فيها ما شايفو ورقدت تانى

وبديت أسرح فى يوم القيامه والبعث والناس كالفراش المبثوث
يوم أكان قلت لأم عمرو أدينى فد حسنه عليك الله تقوم جاريه منى
وناس عمرو يكبو البيرق منى ، وأكان أبوى وأمى جونى أنا أقوم جارى منهم
أى زول فى رقيبتو دى بس ، علشان اليوم داك يوم عظيم
يوم رهيييييب ( وتضع كل ذات حمل حملها ) من هول المشهد
والناس يسمعوا صوت جهنم والعياذ بالله من على بعد مسيرة 500 عام
وهى تصيح ، أين أحبابى ؟ أين أزواجى ؟ كم أنا مشتاقه ليهم وهى سبحان الله سوداء مظلمه
ولها سبعة أبواب كل باب أحرّ من الباب الذى فوقه
والأغلال والسلاسل التى طولها سبعين زراع يكتفوا بيها المجرمين وعاد هو كتيف كرعين ويدين ؟ لا والله
والناس يحشرون على وجوههم
وفى معنى الحديث قال أحد الصحابه .. للرسول صلى الله عليه وسلم ، كيف يحشر الله ، الكافر يوم القيامه على وجهه ؟
فقال صلى الله عليه وسلم .. إن الذى أمشاه على قدمين بقادر على أن يمشيه على وجهه فى النار يوم القيامه
وررروووووك ، الكريعات فووووق والواحد بجضيماتو ونخيراتو يخش نار جهنم
دى نار الشاى الواحد ما بقدر يدخل فيها أصبعو لثانيه

قمت تترب قعدت على السرير وقلبى دا شغال تللل تلللللل تلل ونفسى قايم وطالع
قام حرمشه .. تانى رفع رويسو وتاوق لى وبرضو عملت
فيها ماشايفو وعفصتو فى بطنو وأنا أنزل من السرير ، وأنا عافصو قلت ليهو فى سرى
والله من اليوم تانى عفص جد
ودخلت الحمام الله يكرم السامعين .. ومن دخلت ولأول مره أقول
أعوذ بالله من الخبث والخبائث
أكان أشوف ليك الشواطين الساكنين فى حمامى السنين دى كلها مرقو من الباب دفعه واحده
وعاينت ليهم كدا وقلت ليهم
_ أولاد الكلب ، الزمن دا جت قاعدين تكشفو لى سااااااى


وإلى اللقاء فى الحلقه القادمه إن شاء الله

[isamzaki1978]

والله يا مطرة حرمشة دا حيرنا معاك ، ما عرفناه قاعد وراء اضنيك ولا تحت السرير ، لكن انا متكيف من كيف زى كيف عمدة المطامير من مهترش عشان طردة حرمشة وكل شلتو القاعدين يكشفو وقلت ليهم يا اولاد الكلب ، لكن هم بجو راجعين وانت اديم بالسوط ( الصوت : قراءة القران ،(فَإِذَا قَرَأْتَ الْقُرْآنَ فَاسْتَعِذْ بِاللَّهِ مِنَ الشَّيْطَانِ الرَّجِيمِ (98) إِنَّهُ لَيْسَ لَهُ سُلْطَانٌ عَلَى الَّذِينَ آمَنُوا وَعَلَى رَبِّهِمْ يَتَوَكَّلُونَ (99) إِنَّمَا سُلْطَانُهُ عَلَى الَّذِينَ يَتَوَلَّوْنَهُ وَالَّذِينَ هُمْ بِهِ مُشْرِكُونَ (100)النحل ) :

(وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ سَمِيعٌ عَلِيمٌ) (200) الاعراف
(وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ هُوَ السَّمِيعُ الْعَلِيمُ) (36)فصلت

هع هع هع
لقد اسمعت لو ناديت حيأ ولكن لا حياة لمن تنادى
ولو نارا نفخت بها اضاءت ولكن انت تنفخ فى رمادى

ويا الحبيب وحد زميل قال لى نحن ما ناقصين علم ناقصين هداية ، والما بهدى الكريم تعبان ، الله يهدى الجميع

***
ما زلت تتحفنا بروائعك ونحن مثل البحر ننتظر المزيد

[isamzaki1978]

سؤال من تحت الطربيزة
حرمشة دا ياهو الجرة جمال حسن سعيد خمسين ، ولا اسم على اسم

http://www.youtube.com/watch?v=0bghbXLPGWY

[عنكوليب]

كلنا حراميشنا عاملين لينا تلاتل جد ،،
انا مثلا بصلي الصبح حااااااااضر والحمد لله ،،، مرات يقوم يجيني ليك
ويقول ها اخديلك رقدة سعنونة كدي وقومي صلي ،،، هيا اخوانا ،، انا من امس
ما نايمة لكن !!!مرات ازوغ منه ومرات يقدر علي ،،،
( الا بذكر الله تطمئن القلوب ) ويلا ارزعو ليك جنس رزع ،،، من التقيل ،،
واقوم أصلي صلاتي ،،، واتم الباقي ،،، لكن هو شااااااطر يا اخوي ،،،،
(بسم الله الرحمن الرحيم( الله لا اله الا هو الحي القيوم ، لا تأخذه سنة ولانوم ،
له ما في السموات والأرض ، منذاالذي يشفع عنده الا باذنه ، يعلم ما بين ايديهم وما خلفهم ،
ولا يحيطون بشيء من علمه الا بما شاء وسع كرسيه السموات والارضولا يؤوده حفظهما هو العلى العظيم )
صدق الله العظيم

[صلاح ودالطاهر]

الله يديك العافيه نصيحه في شكل فرحه الله يضحك سنك اخي عروه

[mahagoub]

الزول ده مالوا اليومين ديل ؟؟
ربا الدقن وصلى اربعين الف صلاة
وخلى سك الكدايس بقى يسك الشياطين
القيامه قربت ولا شنو ؟؟

[ود المطامير]

والله يا مطرة حرمشة دا حيرنا معاك ، ما عرفناه قاعد وراء اضنيك ولا تحت السرير ، لكن انا متكيف من كيف زى كيف عمدة المطامير من مهترش عشان طردة حرمشة وكل شلتو القاعدين يكشفو وقلت ليهم يا اولاد الكلب ، لكن هم بجو راجعين وانت اديم بالسوط ( الصوت : قراءة القران ،(فَإِذَا قَرَأْتَ الْقُرْآنَ فَاسْتَعِذْ بِاللَّهِ مِنَ الشَّيْطَانِ الرَّجِيمِ (98) إِنَّهُ لَيْسَ لَهُ سُلْطَانٌ عَلَى الَّذِينَ آمَنُوا وَعَلَى رَبِّهِمْ يَتَوَكَّلُونَ (99) إِنَّمَا سُلْطَانُهُ عَلَى الَّذِينَ يَتَوَلَّوْنَهُ وَالَّذِينَ هُمْ بِهِ مُشْرِكُونَ (100)النحل ) :

(وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ سَمِيعٌ عَلِيمٌ) (200) الاعراف
(وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ هُوَ السَّمِيعُ الْعَلِيمُ) (36)فصلت

هع هع هع
لقد اسمعت لو ناديت حيأ ولكن لا حياة لمن تنادى
ولو نارا نفخت بها اضاءت ولكن انت تنفخ فى رمادى

ويا الحبيب وحد زميل قال لى نحن ما ناقصين علم ناقصين هداية ، والما بهدى الكريم تعبان ، الله يهدى الجميع

***
ما زلت تتحفنا بروائعك ونحن مثل البحر ننتظر المزيد

أووووووو
هترشه كيفك ياخ

حرمشه دا جوه الأضان وحات الله زمان أضانى اليمين دى بقت إذاعه شهر وشويه
ومرات تلقاهو فى أى مكان ، حتى إنو بخفز خفزات خارج الإمارات وبرجع

شكرا على الإضافه الثرّه وهذا ما أردته وقصدته يا الحبيب

[ود المطامير]

كلنا حراميشنا عاملين لينا تلاتل جد ،،
انا مثلا بصلي الصبح حااااااااضر والحمد لله ،،، مرات يقوم يجيني ليك
ويقول ها اخديلك رقدة سعنونة كدي وقومي صلي ،،، هيا اخوانا ،، انا من امس
ما نايمة لكن !!!مرات ازوغ منه ومرات يقدر علي ،،،
( الا بذكر الله تطمئن القلوب ) ويلا ارزعو ليك جنس رزع ،،، من التقيل ،،
واقوم أصلي صلاتي ،،، واتم الباقي ،،، لكن هو شااااااطر يا اخوي ،،،،
(بسم الله الرحمن الرحيم( الله لا اله الا هو الحي القيوم ، لا تأخذه سنة ولانوم ،
له ما في السموات والأرض ، منذاالذي يشفع عنده الا باذنه ، يعلم ما بين ايديهم وما خلفهم ،
ولا يحيطون بشيء من علمه الا بما شاء وسع كرسيه السموات والارضولا يؤوده حفظهما هو العلى العظيم )
صدق الله العظيم

أيوااااااا يا عنكوليب

والله إنتى جبتى النجيضه وهدف كلامى كلو لخصتيهو فى ( أرزعو ليك جنس رزع )

دا هو مقصدى

يلا كلنا يا حبايب نرزعهم رزع بالطريقه الصاح

[ود المطامير]

الله يديك العافيه نصيحه في شكل فرحه الله يضحك سنك اخي عروه

حبيب قلبى ورفيق الدرب

تسلم يا غالى

[ود المطامير]

الزول ده مالوا اليومين ديل ؟؟
ربا الدقن وصلى اربعين الف صلاة
وخلى سك الكدايس بقى يسك الشياطين
القيامه قربت ولا شنو ؟؟

هع هع هع هع

غايتو يا عمنا

يوم بتكتل ليك زول بشرقة ضحكه

[آلاء عبد الرحمن]

^_^


^_^

[ود المطامير]

طلعت من الحمام وحرمشه من شافنى تترب نطا فووووق وقال لى
_ مطاميرو ؟ دى موية وضوء ؟ ولأ شلطفه ؟
قلت ليهو لا ، إتشطفت سااااى ، قام رقد لكن من شافنى بلبس فى جلابيتى المكويه
قام فوق مترين ذى الياى وأنا ولا شغال بيهو ، عاينت جاى وجاى وقلت لنفسى
معقول غرفه مصحف وسجاده ساااى ما فيها ؟ هسى الفرق بينها وبين غرفة ناس بوجيا الهندى الهندوسى شنو ؟

قمت فرشت لى شال وأنا بفرش فيهو ، جانى حرمشه ، يوسوس ، يا زول ؟ مالك ؟ محموم ؟ عيان
كدى روق ، ياخى أسمعنى إنتا يا مطاميرو أك.....
قطعت ليك كلامو وأنا أرفع يدينى وأقول الله أكبر وهو نط بره الغرفه ، اليوم داك صليت ما شاء الله لى أن أصلى
ودعوت الله من كل قلبى أن يجعل القران ربيع قلبى والصلاة غرة عينى ، دعوت الله بصوت خافت مبلل بالدموع
وبقيت جالس على الشال لحد صلاة الصبح

طلعت ولقيت ليكم حرمشه قاعد بره ميت من الغيظ وبارانى وأنا فى طريقى إلى المسجد وطبعا بدا .. يحرمش
قال لى .. يا مطاميرو ياخ إنتا لسه صغيرونى والعمر قدامك كتيير ، هسى الليل كلو ما نمتو ، كدى أرجعاكا أرجعاكا
قمت نتلت يدى من يدو وقلت ليهو
_ شوف يا حرمشه .. من الليله أنا وإنتا حرب الحراز للمطر ، فأحسن ليك تمشى تشوف غيرى
علشان والله لو باريتنى ح تتعب معاى وأبوك إبليس اللى بيفتخر بيك دا تانى ح يقبل عليك بنيه وشلاليت فعشان كدا
أمشى حنسو يبدلنى ليك بواحد تانى ودى نصيحه منى ليك علشان خاطر العشره بس .
قام عاين لى كدا وقال لى دا آخر كلامك ؟ قلت ليهو بالحيل ، قال لى طيب ، الحشاش يملى شبكتو
قلت ليهو موافق ، قال لى نشوف وقلت ليهو إن شاء الله

طبعا يا جماعة الخير .. لما يكون الزول فى غفله من أمره بكون شيطانه مرتاح ودوامه بكون ساهل وممكن شيطانو
يخليهو براهو كم يوم علشان عارفو أعمى البصيره ، فلما تنزل الهدايه على حد ما من رب العالمين ، هنى شيطانو
بكثف جهوده وبيعلن حالة الطوارى لأسباب عديده أهمها خوفه الشديد من أبوهو إبليس
وبعدين بخاف من الفضيحه بين أخوانو الشواطين
وأهم شئ من دا كلو .. كيف زول يرجع إلى ربه ويتوب توبه نصوحه وينجو من النار بإذن ربه ويدخل الجنه
ودى فيها خساره فادحه لهم

أهااا ... من هذا المنطلق كثف حرمشه مجهوده ورفع حالة الطوارى والله الحق أتعبنى تعب لا يوصف
أقسم بالله الحق قرب يجننى .. فمن قولة تيت جعلنى أفكر فى ذات الله بطريقه والله الحق
ملأت قلبى خوفا ورعبا ، ووالله كنت بخرج من غرفتى وأمشى فى شوارع الجزيره بلا هدف
وأنا أدعو ربى .. اللهم إنى أعوذ بك من همزات الشياطين ، أتعبنى فى الحته دى تعب الموت
وساهر بى ليالى طويله لم أنم فيها لحد ما يوم وفى حلقه رائعه للشيخ محمد حسان فى إحدى القنوات
سأله شخص عن نفس ما أعانيه وكانت إجابته رائعه كل الروعه ووالله والله شعرت براحه لا توصف
وحتى طريقة جلبى لتلك القناه كانت غريبه وكنت أبحث عن قناه أخرى وجات هذه القناة الفاضله فى البحث
وثبتت والريمونت علّق وسبحان الله أتى سؤال السائل عما أعانيه فى نفس اللحظه وكان رد الشيخ محمد حسان له
لا تنزعج ولا تحمل هما بل أبشر فإن الشيطان ضاق صدره فركز على هذا وعليك بالإكثار من الدعاء
أعوذ بالله من همزات الشياطين .. كان رده فيه سلوى لى وقلت لنفسى إن الله أراد لى أن أحضر هذا الجزء الأخير من الحلقه
ليرتاح قلبى وترتاح نفسى وقد كان

وكانت هذه أولى إنتصاراتى على حرمشه

وفى الحلقات القادمه إن شاء الله .. سوف نرى من الذى ملأ شبكته ؟

[ود المطامير]

^_^


^_^

يديك العافيه يا دكتوره

[ود المطامير]

سؤال من تحت الطربيزة
حرمشة دا ياهو الجرة جمال حسن سعيد خمسين ، ولا اسم على اسم

http://www.youtube.com/watch?v=0bghbXLPGWY

الحبيب
الفيديو موتنى ضحك

جمال دا زول تحفه ياخ

[ابو عبد الرحمن]

وساهر بى ليالى طويله لم أنم فيها لحد ما يوم وفى حلقه رائعه للشيخ محمد حسان فى إحدى القنوات
سأله شخص عن نفس ما أعانيه وكانت إجابته رائعه كل الروعه ووالله والله شعرت براحه لا توصف
وحتى طريقة جلبى لتلك القناه كانت غريبه وكنت أبحث عن قناه أخرى وجات هذه القناة الفاضله فى البحث
وثبتت والريمونت علّق وسبحان الله أتى سؤال السائل عما أعانيه فى نفس اللحظه وكان رد الشيخ محمد حسان له
لا تنزعج ولا تحمل هما بل أبشر فإن الشيطان ضاق صدره فركز على هذا وعليك بالإكثار من الدعاء
أعوذ بالله من همزات الشياطين .. كان رده فيه سلوى لى وقلت لنفسى إن الله أراد لى أن أحضر هذا الجزء الأخير من الحلقه
ليرتاح قلبى وترتاح نفسى وقد كان

الله اكبر الله اكبر .. إنها وربي علامات الايمان .. كان الصحابة يعانون مثل الذي تعاني . فأخبرهم
الرسول صلي الله عليه وسلم إنه لا يضرهم شي .. وهو من كيد الشيطان وكيد الشيطان كان ضعيفا .
تسلم اخي مطره على هذه النصيحة القيمة .. وهي داخلة في قول الرسول صلي الله عليه وسلم
بلّغوا عني ولو آية ...فقد بينت بهذه الحادثة كيفية التعامل مع ابليس اللعين ... في ثواب ايماني
فكاهي رائع ... اللهم باعد بينا وبين شياطين الانس والجن ... تحياتي .. مطره ..

[مدناوية]

إنك لا تهدي من تحب .. ولكن الله يهدي من يشاء ..


والله ماشاء الله تبارك الله .. سرد في غاية الروعة ..

واصل يا ود المطامير .. ونحن متابعين ..


ربنا يهدينا أجمعين .. إلى صراط المستقيم ..

[ود المطامير]

الله اكبر الله اكبر .. إنها وربي علامات الايمان .. كان الصحابة يعانون مثل الذي تعاني . فأخبرهم
الرسول صلي الله عليه وسلم إنه لا يضرهم شي .. وهو من كيد الشيطان وكيد الشيطان كان ضعيفا .
تسلم اخي مطره على هذه النصيحة القيمة .. وهي داخلة في قول الرسول صلي الله عليه وسلم
بلّغوا عني ولو آية ...فقد بينت بهذه الحادثة كيفية التعامل مع ابليس اللعين ... في ثواب ايماني
فكاهي رائع ... اللهم باعد بينا وبين شياطين الانس والجن ... تحياتي .. مطره ..

حبيب قلبى إنتا والله

والله يا أبوعبدالرحمن كتير بجد راحه نفسيه بين حروفك ( الله يحفظك لينا )

تسلم يا الحبيب

واللهم باعد بيننا وبين شياطين الإنس والجن

[ود المطامير]

إنك لا تهدي من تحب .. ولكن الله يهدي من يشاء ..


والله ماشاء الله تبارك الله .. سرد في غاية الروعة ..

واصل يا ود المطامير .. ونحن متابعين ..


ربنا يهدينا أجمعين .. إلى صراط المستقيم ..

يا سلاااااااااام
والله شاشاتنا نورت

تسلملى والله

وإن شاء الله ح أواصل وح أكتب عن نفسى مع أمنياتى أن تكون فيها فائده للجميع

يديك العافيه يا مدناويه

[ود المطامير]

طبعا يا أخوان
شعرت برغبه عنيفه وملحه تجتاحنى من أول يوم لكى أنطلق فى جميع الإتجاهات مره واحده
لكى أخرج من الهاويه والصعود إلى بر الأمان ، واللحاق بما فاتنى من الكثير من الأوقات التى ذهبت هباء
واللحاق بما فاتنى من الكثير من العبادات

ولكننى ضبطت نفسى وعزمت على أن أرمم دواخلى أول شئ ، أول شئ أبنى ركائز نفسى
وعليه كان أول الخطوات هى الصلاة فى وقتها وفى جماعه فى المسجد

ودى طبعا كانت من أصعب المراحل ، فحرمشه لعنه الله .. إستخدم إسلحتو جت معاى والله مرات بينتصر على
وخاصه صلات الصبح والعصر ، مرات ود اللذينا قاعد ينومنى لكن لفتره محدوده علشان كلما هو يحى يوسوس لى طوالى
ويقول لى نوم .. أديها كمان نومه تانى نص ساعه وصلى قبلك ولما خلاص أقرب أسمع كلامو أتذكر ليك جهنم والعياذ بالله
وأنتفض ذى القرصتنى عقرب وأجدع البطانيه هناك وأمشى للصلاه وبعد ما وفقنى الله فى الإنتصار على حرمشه فى النهوض للصلوات
وخاصه الفجر والعصر ، والفجر والعصر هى إمتحان حقيقى للمسلم لأن مواعيدهما مواعيد النومه السمحه ديك

وجدت معاناه رهيييييييبه فى الصلاه وهى السرحان
والله يا إخوان .. مرات لما الإمام يقول الله أكبر بسأل نفسى أنا وين ؟ والإمام قرأ شنو ؟ يعنى بكون فاتح خط خارجى
وواقف مع المصليين بجسدى ، وعشت فى دوامة هم لا طاقة لى به ، وعشت فتره أتقطع من الداخل ، فوالله نزلت فينى محبه فى الصلاه
لدرجة إنو بعد ما نصلى العشاء ونرجع وأكون قاعد فجأه يتخيل لى إنو أنا بسمع الآذان والله
ولكنى فى داخل المسجد وأثناء الصلاه حرمشه كان بسوقنى لعالم آخر ، يضرّب لى فى راتبى أعمل منو شنو الشهر دا ؟
والكوريلا حقتى أبيعها ولأ أصلح ليها دخنتها وأرخصها والإمام يقعد للتشهد أنا أقرب أقيف ومرات يقيف وأنا أقعد وأفتكرو دا التشهد
غايتو عذبنى عذاب لكن الحمد ليك يا رب .. من توكل على الله أجاره فى كل مصيبه ووجدت فى كتاب الله خير معين

إذن بإرادة ربنا .. وتوفيق من عنده إنتصرت على حرمشه فى النهوض للصلاه
ووالله الحق مرات العصر بكون فى عز النوم وكتير يضرب لى حد تلفون ويصحينى ويكون مع الآذان
وكتير بكون نايم على يدى وهى تخدر وتوجعنى وتصحينى من النوم وأقول أنقلب كدا أكان أسمع الآذان
يعنى حكمه من الله فى الفتره الإولى بلقى إمور كتيره بتصحينى مع الآذان لحد ما بقيت بصحى قبل الآذان أوتومتيك وأنا فى كامل النشاط

وإنتصرت عليه بقدرة ربنا أثناء الصلاه فوالله من أمتع الأوقات عندى هى الإنصهار مع تلاوة الإمام
ثم والجلوس بعد الصلاه للتسبيح وبدأ الشعور الروحانى بأجواء المسجد تغمرنى ، يا الله .. أنا كنت وين وبقيت وين ؟

[isamzaki1978]

هى يا جماعة انتو عارفينى طبعا انو انا حوار شيخى مطرة

ودعوت الله من كل قلبى أن يجعل القران ربيع قلبى والصلاة غرة عينى ،
امين امين امين
دعوت الله بصوت خافت مبلل بالدموع
وبقيت جالس على الشال لحد صلاة الصبح

***

أهااا ... من هذا المنطلق كثف حرمشه مجهوده ورفع حالة الطوارى والله الحق أتعبنى تعب لا يوصف
أقسم بالله الحق قرب يجننى .. فمن قولة تيت جعلنى أفكر فى ذات الله بطريقه والله الحق
ملأت قلبى خوفا ورعبا ، ووالله كنت بخرج من غرفتى وأمشى فى شوارع الجزيره بلا هدف
وأنا أدعو ربى .. اللهم إنى أعوذ بك من همزات الشياطين ،
وكانت هذه أولى إنتصاراتى على حرمشه

وفى الحلقات القادمه إن شاء الله .. سوف نرى من الذى ملأ شبكته ؟

يا اللخو من صحيح مسلم
-عَنْ عَبْدِ اللَّهِ قَالَ سُئِلَ النَّبِىُّ -صلى الله عليه وسلم- عَنِ الْوَسْوَسَةِ قَالَ « تِلْكَ مَحْضُ الإِيمَانِ ».
-عَنْ أَبِى هُرَيْرَةَ قَالَ قَالَ رَسُولُ اللَّهِ -صلى الله عليه وسلم- « لاَ يَزَالُ النَّاسُ يَتَسَاءَلُونَ حَتَّى يُقَالَ هَذَا خَلَقَ اللَّهُ الْخَلْقَ فَمَنْ خَلَقَ اللَّهَ فَمَنْ وَجَدَ مِنْ ذَلِكَ شَيْئًا فَلْيَقُلْ آمَنْتُ بِاللَّهِ ».
-قَالَ أَخْبَرَنِى عُرْوَةُ بْنُ الزُّبَيْرِ أَنَّ أَبَا هُرَيْرَةَ قَالَ قَالَ رَسُولُ اللَّهِ -صلى الله عليه وسلم- « يَأْتِى الشَّيْطَانُ أَحَدَكُمْ فَيَقُولُ مَنْ خَلَقَ كَذَا وَكَذَا حَتَّى يَقُولَ لَهُ مَنْ خَلَقَ رَبَّكَ فَإِذَا بَلَغَ ذَلِكَ فَلْيَسْتَعِذْ بِاللَّهِ وَلْيَنْتَهِ ».

***
اللهم اشرح صدورنا ويسر امورنا
يا شيخى انا جهزت الشوالات والسوق النبيع فيهو
بالله املأ لينا شبكة ، ونحن منتظرين
تخريمة : ما تزوغ زى ما عملت فى سعاد سيطرة خليتنا مبلبلين وما عايمين

[isamzaki1978]

وجدت معاناه رهيييييييبه فى الصلاه وهى السرحان
والله يا إخوان .. مرات لما الإمام يقول الله أكبر بسأل نفسى أنا وين ؟ والإمام قرأ شنو ؟ يعنى بكون فاتح خط خارجى
وواقف مع المصليين بجسدى ، وعشت فى دوامة هم لا طاقة لى به ، وعشت فتره أتقطع من الداخل ، فوالله نزلت فينى محبه فى الصلاه
، يا الله .. أنا كنت وين وبقيت وين ؟

الله ينعل خنزب
يا اللخو سمعت واحد يحكى عن شيخ قال فى معناه " (تعذبت) بالصلاة اربعين وتلذذت بها اربعين فوالله انى لادخل فيها فانسى الدنيا، (ليس بمعنى التعذيب بل المجاهد فى الصلاة فى بيوت الله وفى اوقاتها ))
من صحيح مسلم :
-أَنَّ عُثْمَانَ بْنَ أَبِى الْعَاصِ أَتَى النَّبِىَّ -صلى الله عليه وسلم- فَقَالَ يَا رَسُولَ اللَّهِ إِنَّ الشَّيْطَانَ قَدْ حَالَ بَيْنِى وَبَيْنَ صَلاَتِى وَقِرَاءَتِى يَلْبِسُهَا عَلَىَّ. فَقَالَ رَسُولُ اللَّهِ -صلى الله عليه وسلم- « ذَاكَ شَيْطَانٌ يُقَالُ لَهُ خِنْزِبٌ فَإِذَا أَحْسَسْتَهُ فَتَعَوَّذْ بِاللَّهِ مِنْهُ وَاتْفِلْ عَلَى يَسَارِكَ ثَلاَثًا ». قَالَ فَفَعَلْتُ ذَلِكَ فَأَذْهَبَهُ اللَّهُ عَنِّى.

[ود المطامير]

هى يا جماعة انتو عارفينى طبعا انو انا حوار شيخى مطرة


يا اللخو من صحيح مسلم
-عَنْ عَبْدِ اللَّهِ قَالَ سُئِلَ النَّبِىُّ -صلى الله عليه وسلم- عَنِ الْوَسْوَسَةِ قَالَ « تِلْكَ مَحْضُ الإِيمَانِ ».
-عَنْ أَبِى هُرَيْرَةَ قَالَ قَالَ رَسُولُ اللَّهِ -صلى الله عليه وسلم- « لاَ يَزَالُ النَّاسُ يَتَسَاءَلُونَ حَتَّى يُقَالَ هَذَا خَلَقَ اللَّهُ الْخَلْقَ فَمَنْ خَلَقَ اللَّهَ فَمَنْ وَجَدَ مِنْ ذَلِكَ شَيْئًا فَلْيَقُلْ آمَنْتُ بِاللَّهِ ».
-قَالَ أَخْبَرَنِى عُرْوَةُ بْنُ الزُّبَيْرِ أَنَّ أَبَا هُرَيْرَةَ قَالَ قَالَ رَسُولُ اللَّهِ -صلى الله عليه وسلم- « يَأْتِى الشَّيْطَانُ أَحَدَكُمْ فَيَقُولُ مَنْ خَلَقَ كَذَا وَكَذَا حَتَّى يَقُولَ لَهُ مَنْ خَلَقَ رَبَّكَ فَإِذَا بَلَغَ ذَلِكَ فَلْيَسْتَعِذْ بِاللَّهِ وَلْيَنْتَهِ ».

***
اللهم اشرح صدورنا ويسر امورنا
يا شيخى انا جهزت الشوالات والسوق النبيع فيهو
بالله املأ لينا شبكة ، ونحن منتظرين
تخريمة : ما تزوغ زى ما عملت فى سعاد سيطرة خليتنا مبلبلين وما عايمين

يا سلاااام عليك يا الحبيب
وأنت تزين البوست بالأحاديث الشريفه
والله يا الحبيب دا هو القصد نفيد ونستفيد

وبعدين سعاد سيطره ما من بنات أفكار حرمشه وحرمشه أنا ذى ما إنتا عارف عافص ليهو هع هع

[ود المطامير]

طبعا يا أحباب
بعد فتره ليست بالقصيره وبعد جهاد عنيف مع النفس ، ووالله أن جهاد النفس صعب جدا
والإنتقال من اللا شئ إلى كل شئ ومن الضياع إلى رحاب الله يحتاج إلى صبر ومثابره عظيمه

أهااا ... بعد فتره حسيت إنو أنا قد بنيت نفسى من الداخل ، وإنو أنا بقيت واقف على أرضيه صلبه
تخلينى بعد كدا أغيّر تعاملى مع من حولى ، وعلشان ما يفهمنى حد خطأ ، لم أقصد ببناء نفسى يعنى
خلاص بقيت مطوع ولأ مولانا ولأ شيخ ، لا لا ولكن قدرت أهذّب نفسى لدرجة شعورى بالسعاده الغامره
وبدأت بمن حولى بأهل بيتى .. أم عمرو وشجن 12 عام وعمرو 9 أعوام وعمار 6 أعوام

أم عمرو ومنذ أن وضع الله بقدرته رأسى مع رأسها على وساده واحده بالحلال وعهدى بها صلايه وصوّامه
وطيبة القلب إلى حد الدهشه ورائعه فى كل شئ وأى شئ وأنا لو مت اللحظه فسوف أشهد لها أمام ربى
بأنها زوجه صالحه ما حصل يوم شفت منها إلا كل الخير ، وكلما أدخل البيت فى عصر كل يوم خميس بلقاها
والله الحق فى كامل زينتها كالعروس ومش كدا وبس ، دا كتير كلما أكون جائ ليهم فى غير يوم الخميس
ومن أولادنا يشوفوها فى كامل زينتها على الطول بقولو ليها ... أكيد بابا جائ

فأم عمرو مؤسسه منذ صغرها تأسيس دينى سليم ، بل إنها كانت تدعو لى فى سجودها وكتير كانت تقول لى
إنتا جواك بذرة خير لو نمت مافى زول بلحقك تانى وأنا أملى فى ربنا قووووى
وعليه ... فأم عمرو لم تكن تحتاج إلا للقليل من التوجيه وكانت تتقبل منى كل توجيه بسعاده غامره
جزاها الله عنى كل الخير

أما عصافيرى التلاته ، زمان كانت علاقتهم بالصلاه ذى علاقتى أنا بيها ، لا توجد صله بينهم وبين ربهم
فإذا كان رب البيت للطبل ضارب فشيمة أهل البيت الرقص والطرب ، وأم عمرو كتير كانت تأمر أبنائها بالصلاه
ولكن لا حياة لمن تنادى والأولاد طالعين لأبيهم وأبيهم مبارى لى حرمشه

وعندما إستقام أمرى بقدرة ربنا ورأونى أصلى وصلاه فى مواعيدها وفى المسجد ، قالت شجن لعمرو
أعمل ليك جلابيه من هسى بكره أبوى بسوقك معاهو المسجد ،، قال ليها ... أهووووو علينا
أنا كنت سامعهم .. وقلت فى سرى .. الجنا دا أكيد ولد حرمشه صاحبو الروح بالروح
ويلا شويه شويه بقيت أرغبهم فى الصلاه ، باللين أحيانا وأحيانا بالشِدّه وذى ما قلت ليكم هم طالعين لأبيهم
وعانو ما عاناهو أبيهم من عذاب الحراميش ، دا مرات عمرو بمشى يتوضأ ويشيل السجاده ويدخل الغرفه التانيه
ويقعد يتابع فى توم وجيرى وبعد فتره يجينى يعمل لى فى أصابعينو كدا وكدا يعنى الجنا بسبح وطبعا
أنا إكتشفت دا عن طريق عمار الصغيرونى وعمار فى موضوع الصلاه باقى ليهم ذى الألفا
أى واحد فيهم ما يصلى على الطول بيضرب لى تلفون لحد ما هم فى البدايه شموهو لكن مع الأيام
بقو تمام ... براهم بقوا ينتظرون مواعيد الصلاه بفارغ الصبر لأنى علمتهم معنى الآيه ( فَوَيْلٌ لِلْمُصَلِّينَ الَّذِينَ هُمْ عَنْ صَلاتِهِمْ سَاهُونَ )


وتغير حال بيتنا ، أصبح الجو روحانى جميل ، صلاه وتلاوة قران وأولادى قامو بإستبدال الصور الملصقه داخل دواليبهم
بآيات قرآنيه وجدول لبرنامج مواقيت الصلاه وأذكار وأحاديث شريفه

أحبّتى الكرام ... الله الله فى أولادكم فإنهم أمانه فى أعناقكم راح تحاسبون عليها يوم القيامه
علموهم الصلاه منذ الصغر لكى لا يعانو كما عنيت أنا فى الكبر

أتقوا الله فى أولادكم .. أتقوا الله فى أولادكم

[isamzaki1978]

كفيت ووفيت
وصحيح
علم بنيك صغار قبل كبرتهم فليس ينفع بعد الكبر الادب
ان الغصون اذا قومتها اعتدلت ولا يلين اذا قومته الخشب

***
وانا اقول النفحات دى جاتك من وين
اتاريها من دعوات ام عمرو
بارك الله لك فيها وفى اولادكم

[بنت الرفاعي]

ما شاء الله وتبارك الله،
............
........
.....
..
.

و
ربنا يحفظك وأهل بيتك،
ويُدخلكم الفردوس الأعلى بإذنه.


و

ربنا يهدينا أجمعين.