** ومن الركلسسه .. مااافتل .. !! **

[عبدالرحمن مدثر]

حاج دفع الله كان من اشد المعجبين بمهاراتى الكرويه .. كان كبير المشجعين لفريق (الرابطه ) وقتها

وكان من الداعمين لخط توجهنا الغذائى .. كنا نتحرق شوقا لاى مباره مهمه لا لشىء الا لاننا سنعانق

سلطه الفواااكه (الماخمج ) .. ونتمدد على كراسى صالون حاج دفع الله الانيق .. ولانضع اى اعتبار

لمستقبلنا الكروى طالما كانت (بطوننا ) تقودنا الى السخريه التااامه عند صافره النهايه مع كل مباره

- عاينو انتو جبتو معاااكم شوالاااات عشان الاقوااان الحاتخش فيكم

دى نغمه محببه لنا نسمعها عند كل بدايه مباره .. ولانابه لها .. لاننا وقتها ارتبطت عندنا الحماسه فقط

بكوريه (سلطه الفواكه ) الكاااربه بتاعت حاج دفع الله .. وتنهداته اثناء المباره والتبلوهاات الرائعه التى نقدمها له

هديه .... بالرغم من الهزيمه النكراء

كيف ولا ... وهو من اشد المعجبين باللعبه الحلوه






يتبع

[عبدالرحمن مدثر]

- الله عليييكم ياحلوين

-ايوااا كدا اقطع ليهو جلابيه

- ياوللللد لا

من بين كل الحشود ياتى صوت حاج دفع الله مجلجلا .. من اجله نقع فى التسلل ولا نعطى اى اعتبار للكوتش صلاح مشكله

صلاح مشكله ماعندو سلطه فوااكه يااخوانا (دا حديث داخلى طبعا لايكتب له الخروج للهواء الطلق )

حتى لايضربنا الهوا فى الانكل ولا نحظى بود (مشكله )

لازلت اتذكر يوم ان كانت لنا مباره مع فريق خصم كان من اشهر مدافعيه لاعب ضخم الجثه

من شده هيبه الاخرين له كان لقبه (سيرباك القيااامه )وهى مربوطه بكل تاكيد اذا قدر لك

ان تتعدى الى الحارس الذى يحرسه سيرباك القيامه هذا .. فان قيامتك قااامت .. قااامت

كنت وقتها العب (ان سااايد ) وكان طريقى يمر بدرب الاربعين هاها اقصد (سيرباك القيااامه )

.. لااخفى عليكم كان الخوف راكبنى جزمه وكان بالقرب من اللاين حاج دفع الله

بعمامته البيضاء الكبيره .. وفى المنتصف سيرباك القيااامه

ومع الجو المكهرب دا جاتنى ليك كوره تمشى الهوينى ..

فانترحت باللاين .. من شده الحماااسه تناسيت السيرباك اللعين

لكنى وجدته امامى .. فاصبحت وجها لوجه مع سيرباك القيااامه ..

وبكل حمااسه (بيضتها ليهو ) وحاج دفع الله يرتفع صوته

فوق الجميع تفاعلا مع اللعبه

آآآآى ... آآآآى .. ياحلو .. الله عليييك ياحلو .. بشتنو وسففو الترااااب

واتنفخت قررربه .. وقعدت اتمضق طمعا فى تلك الكوريه الجميله ..

خااصه لما يعملو ليك وصله زياده لزوم الابداع اللامتناهى

وتمضى المباره بكل حلاوتها .. ونسيت او تناسيت غبينه سيرباك القيامه التى دفنها لى ..

وجاات كوره مره اخرى بنفس اللاين (اللعين )

واضمر لى سيرباك القيامه شرا ..

وادردقت الكوره واصبحت فى المنتصف بينى وبينه ..

اردت ان اسحبها من تحته كما العاده

لكنه كان رااكز (ركز بالحيل ) ..

فلم اسمع الا صوت ارتطام قوى وجدت نفسى بعده اسبح فى الهواء الطلق دوره كامله واهبط

على ظهرى .. وصوت الارتطام قوى (نننننننننننننع )

كنت ت بين نايم وصاااحى .. اخر ماسمعتى قبل الارتطااام

صوت ياتى من بعيييييد

امممممممممممممممممك انفقع












يتبع

.............!!

[isamzaki1978]

خااصه لما يعملو ليك وصله زياده لزوم الابداع اللامتناهى
***
راجين الوصلة

[mahagoub]

انت البوديك تتشالق شنو؟
ما تقيف حارس مرمى
وكفى الله المؤمنين شر القتال
طمنا عليك

[ريمون]

حبابك ..
ومتابعين باستمتاع ..

[عبدالرحمن مدثر]

حاااضرين ياعصااام

ندنكل الوصله ونجيكم من اجل حضوركم الانيق

[عبدالرحمن مدثر]

هاها عم محجوب يديك العااافيه

اننا نبحث عن الشهره والاقوااان ياعمك فى ذاااك الوقت

لذلك بعض المعاناه مطلوبه ..

كدى بحكى ليك دى .. حارسنا فى ذاك الوقت (راشد ) كان ابوهو شغااال فى شعبه البصات السفريه

بنظم عمل البصااات .. وبشيل منها قروش الدور

وكان الجمهور المعااادى عشان يشل تفكيرو بكورك بصوووت وااحد مدوى

مدنى .. الحصاحيصا .. الخرطوم .. يلا يلا علينا جاااى

ويزعل راااشد على الحركه البااايخه دى من الاعداء ونزعل نحن اكتر على القونين الخشو

وعلى راااشد وعلى الجمهور ذاااااتو

[عبدالرحمن مدثر]

ريمون الحااضره بقوه رغم جلابيه الاشراف المقيده

انا زمان كنت بكره الاولاد الشطار شديد .. والمشرفين

وبكدا دائما بكون فى الكنبه الاخيره حتى اتحاشى الشطار شديد البكونو فى الكنبه الاولى دااائما

وبحب البرررطعه شديد .. فكان الاشراف فى زمن ما بخليك تحسب خطواتك قبل ماتمشى

منوره ياريمون

وحاضرين اكييييد

ونواااصل

[عبدالرحمن مدثر]

كنا وقتها فى عنفواان الشباااب شله شباب فى التاشرااات يعشقون الكره

توقفنا مع حركه سيرباك القيامه (الجبااانه ) .. لكننى اكتشفت اننى لم انفقع

وتجمع حولى فريقى .. كنت انتظر منهم حركه حضاريه بان يصرخون ياعلى الصوت

وينادوا على بتاع الاسعاااف والنقاااله .. لكن هذا لم يحدث .. انا من تحتهم تزغزغ العصافير

فى راااسى .. وهم يضحكون ..

عليكم الله دا مشهد يخلى الوااااحد يضحك (ماقلت ليكم ماعندهم قلب )

المهم اكلت لبعه عبدالماجد (وهذا اسم السيرباااك ) فى حنانى وقمت .. ترترررب

ونفضت ماتبقى من تراااب .. ورجعت ابحث عن عمامه حاج دفع الله لزوم مايلزم

وانتهت المباره بهزيمه تاريخيه 6/ صفر

وكان عزاءنا وجمهورنا اننا مازلنا صغار لانقوى على عتاوله المجرمين من امثال عبدالماجد والبقيه

ياخ عبدالماجد دى يلدنى مرتين

ورجعنا الى صالون حاج دفع الله صلينا المغرب .. واتشطفنا ونحن (نوحوح ) من كثره الكدماات والجروح

لكن اشد مااحزننا نظره حاج دفع الله المنكسره .. كان يمنى نفسه بانتصار يوازى سلطته المزبطه بعنااايه

وخبره فنااان ماااهر .. وفى درب الرجعه اجتمعنا سويا كان ودالزوين اكبرنا وكابتننا وكأنه احس بما يدور فى اذهاننا

فقال لنا :

ياشباب هوووى هلا هلا على الجد .. والجد هلا هلا عليه ضهرنا انكسر من شوالات الاقوان الكل يوم بنجى راجعين بيها

بكرررره الصباح عازمكم ملاح تقليه كااارب فى بيتنا وبعدو نشوف حانعمل شنو ظااابط ياشباااب

وقلنا بصوت منهك ومقطططع ... ظااابط

[محمد الجزولى]

تعرف يا الخرباش وفي الزمن السمح ايام حي الموظفين وحي العمال
كانت تحلو القسمه بين اولاد الموظفين واولاد العمال
فريق الموظفين اولاد ( شبه ) حناكيش ودائما ما يجو مطقمين فنايل وشرابات من نفس اللون
فريق اولاد العمال زي ( قوس قزح ) كل واحد لابس لون
المضحك انو معسكر اولاد الموظفين كان دائما تلقي فيهو سندوتشات المربى والجبنة والذي منه ..
اما فريق اولاد العمال فمعسكرهم كانو يطلقون عليه
( معسكر الكسره المره ) ودائما ما كانت الكسرة المره تغلب الجبنه والمربى
لذلك تجدنا حضورا لمتابعة المنافسة بين سلطة فواكه حاج دفع الله وتقلية ود الزوين واندياحات سلسة ببصمة ( ود مدثر )
تحياتي يا رائع

[بنت الرفاعي]

..........
......
...
..
.
و
إن شاء الله تواصل.

[ريمون]

غايتو بعد متابعتنا بي نفسنا القايم ده كان ما طلعتوا في نهايه الفلم غالبين إلا نخليك تستعيد ذكرياتك القديمه مع الاشراف ..

[عبدالرحمن مدثر]

توقفنا عند تقليه نااس عصام الزوين كابتن الفريق وقرار مهم كنا بصدد اتخاذه سويا بعد ان تجرعنا من الهزيمه مايكفى

ابتدر القعده الكابتن الزوين سيد الصالون والتقليه ...

ياشباااب شينه مننا .. كل يوم مغلوبين سته صفر ومع نهايه كل دوره نطلع بجائزه الروح الرياضيه

اردفه عمده بتاع الاقوان بتاعنا وراس حربتنا (المصدى ) انا والله نفسى اجيب لى قووون ياااخ

حتى غندور حارس الهنا كانت امنياته بان يتوقف هذا السيل المنهمر من كل الاهداااف وظهره الذى انهكه الحمل

الثقيل

وبعد نقاش مستفيض اتضح لنا جليا انه لابد من ثوره على لقياتنا المتدنيه ..

عبدو قال نحن ياجماعه بنقطع من الربع ساعه الاولى

وانا كنت المحترف الوحيد فى الفريق .. بجى فى موسم الاجازات وبستمتع باللمه وبسلطه حاج دفع الله

خاصصه لما يكون الموز سيد الموقف

اها بعد هذا النقاش طلعنا بقرارات مهمه من اجل اصلاح ماتبقى لنا من احساس معوج ... وكانت البدايه من خلال انو نصلح لياقتنا


الكوره بدون لياااقه .. زى المره الفى البيت مابتعرف ملاح الرجله لكنها نقناااقه



دا مثل عندو علاقه بادم العجلاتى لما كنا بنجى ناجر من العجله (سحححبه بسيطه ) بجنيه

[عبدالرحمن مدثر]

حبيبنا محمد الجزولى تحياتى ياغالى

ذكرتنى اولاد القسم الحناكيش .. والقسم (قسم الهدى الزراعى ) ولما يجوا المدارس وهم بحشوا العيش بالبيض

الى وقت ليس بالبعيد كنا وقتها ناس عصيده ساى .. البيض دا من عجائب الدنيا السبعه هاها

وذكريات .. وذكريات

اخوك طبعا مفتول بالجنبه بعد مارجعت بعد طول غياب للكوره بسبب زحمه الحاجات وبسبب دراسه ال mba

وحاليا اعانى بسبب (ديسك ) يكون جااانى من زمن ضربه (عبدالماجد ) هاها

**

فى العياده تجاذبنا اطراف الحديث عن الاثر السالب الذى خلفته المدينه علينا فوجدناها كثيره

اذا كنت فقط لما تكون ماشى للمكتبه بتجيب جرااائد تمشى بالعربيه

ولما تعرج .. على المكاتب المغلقه .. والمكيفات المرطبه التى تخصم من جسمك الكثير

مع مرور الزمن

اما الكروش .. والترهل فى الاحساس الاجتماعى .. والبدنى فحدث ولاحرج




خربشه

الكروش بترووووح لو دقيقه ... قلبى قال مجروح فى الحقيقه ....!!

[عبدالرحمن مدثر]

مرام .. ست الضحكات الحلوه

منوره ياخى

بركه الشفنااك طيبه اييييك زمن .. انا خليتك مرااام

وجيت بعد جهد جهيد عرفت انك بت الرفاااعى بسبب ذات

الضحكات الحلوه

المشهوره بيها اكيد

هاها

انا ذااااااااااااتى بقول


ان شاء الله اواااصل

[عبدالرحمن مدثر]

ريمون

شكلك مع نفسك القايم دا محتاااجه (لجرااايه ) من بتاعت البجيبوها فى الدعايات الكتيره دى

تحجز ليها مساحه كدا بالجنبه من غرفتكم .. الرياضه قالوا خلوها فى الهواء الطلق

بقت فى (الجيم ) والغرف المغلقه



خربشه


يلا ساعدينا بالجلالات عشان نستعيد اللياقه بتاعتنا ونستعد لرد الاعتبار

[العاقب مصباح]

انا جاييك هنا يا خرباش عايز اشوت وممكن تطلع فى الأوت وكدا بكرة بجيك شايل مساحات العشب

[العاقب مصباح]

اخوك كان حارس مرمى فاشل يا خرباش

يعنى الطول دا قالوا مناسب للحراسة اكتر من اى شئ تانى

كورة بى فوق ما بتخش

لو جات نجمة من السماء

لكن لو فى واحد حريف وشات بالواطة ساى بتخش لو كان عنقريب

وكان اعتمادى على خطة مورينهو الدفاعية من خطة لا تخلو من العوير بيبى

لكن فى الغالب كدا بكون احتياطى

ودا الخلانى بدون فتلة

با مفتول بالحنين انت

[مايسة]

**

فى العياده تجاذبنا اطراف الحديث عن الاثر السالب الذى خلفته المدينه علينا فوجدناها كثيره

اذا كنت فقط لما تكون ماشى للمكتبه بتجيب جرااائد تمشى بالعربيه

ولما تعرج .. على المكاتب المغلقه .. والمكيفات المرطبه التى تخصم من جسمك الكثير

مع مرور الزمن

اما الكروش .. والترهل فى الاحساس الاجتماعى .. والبدنى فحدث ولاحرج




خربشه

الكروش بترووووح لو دقيقه ... قلبى قال مجروح فى الحقيقه ....!!

إحساس الصلع يا نورس بجي أكيد من التفكير
ومع دندنة وصوت الكابلي العميق
البديك حاجة كدا تعيشك في عالم براهو
وكأنك براااااااك في الدنيا دي

******
والله ظلم لينا ظلم
يا ناس القوز علينا ظلم
الشال السيدة وخلا حرم
سفر التلات والله عدم
سعينا الريد جنينا حكم
وقلنا الحب والله قسم
متين يا الساقية نترك النوح
يجينى قميرى يقولى نروح
نزور الشوفتو ترد الروح
حبيبى السادة خفيف الدم
فيك يا مروى شفنا كل جديد
فيك شفنا جمال كل لحظة بذيد
يزبى وجدانى وبى حلاتو اشيد
وان نسيت ما نسيت يوم لقيت الصيد
ساهى فى حسنو وبى غناهو سعيد
كم اضاع صبرى
بالحلة تنورى يا الحلة تنورى
يا بنية تنورى حاااشاك تتغيرى
قسمى الشبال كترى لى قلوب الناس كبرى
ويا عيونى اتصبرى

[عبدالرحمن مدثر]

صبحى صديقى البارع والبااااير جدا

لعودتك من جديد طعم خااص يكاد يقارب طعم (السلطه ) اياها

بل يتعداها الى (سطله ) من نوع خاص لكل ماتكتبه ..

لكن تداعياتك الاخيره بخصوص الحراااسه فهى دليل (نفى ) اجبارى ليك

زمان الزول (القناعييين ) منو .. ومن مواهبه المعدومه اصلا بخلوا يقيف حااارس

او لو كان اكثر سوءا (بجيب الكوره البره )

هاها

وفرق كبير من (الان سايد ) بكل فتلته التى جعلتنى افكر جديا فى الذهاب الى قااهره المعز بحثا عن شاسى

.. وبين حارس البتيييخ .. والفرق وااضح اكيد فى محاولات الوصول الى هذه المكانه بالتمرغ فى جنااب (ميسى )

والابتعاد عن دونيه (بيبى ) ..


بالجنبه


الليله لو بيبى لعب انا بعلن (تبرشمى ) من هذا البوست




وفى الحالتين .. نحن .. مبرشميييييييييييييييييييييين

[عبدالرحمن مدثر]

البنيه المنوره على طول .. رفيقى دربى .. ودفعتى (غصبا عن تمنعها بهروبها من صلعه ) مايسه

ناس الكهرباء عندهم دعاايه بتاع تلفونهم 4848 .. شكلها لذيذ كحلتها ام بارح

ومابين كاابلى .. وذكريات طاعمه لاحساس اجمل يجعل الشعر (مسبسب ) ..

وبين (حاشاااك تتغيرى )

ياسلام على الايام

لما تعطرك بعطر (فهرنهايت ) تحديدا الذى اعشقه .. وتفرهد فيك احساس بالالفه .. احساس بالدهشه

وترجع تااانى وتكون براااك

ويعصف بيك الترهل

ويحقنك بحقنه جديده دليل الوحده

(هى الوحده دى يعنى الا تكووون براااااك )

الوحده خشم بيوووت

والحقنه غصبا عنك تشيل الدهشه .. الالفه .. وتجيك بركككشه .. تجيب الكرشه .. تحياتى يانديه

والجيه الجااايه عازمك كااابلى (لايف ) صوت وصوره

[معتز الريح]

جيت وجبت معاك الجمال ..
منور يا عبدالرحمن ..