الاهداء الى اختي سارية
وطن قلبوا علينا
شكل جديد المهم ترجمته الاحساس
بهضرب بيك
ومشغول بيك
وبالي عليك
ولا كل القلب ولا كليت
رايتك في الحلم
ودران
تفتش للدرب خدران
معسم بالحمل فتران
معسم انت من راسك
ولي كل البدن هلكان
ومشغول بيك
وبالي عليك
ولا كل القلب ولا كليت
رايتك انت في نومي
وشفتك ديمة بي عيوني
مواطن في وطن
خوفي
وخوفي عليك
تكابد لسة في خوفي
ايا زول البلد
زولي
عجنتك في رحم جوفي
ندهتك نطفة يا زولي
اكان تسمع
كلامي كتر
وشكلي كتر
هظاري كتر
دشن لوني
ندهتك بالذي خلق الارض مسكن
ندهتك بالذي سواك
اكان تسمع جواب
جاييك تلغراف ومستعجل
قول للغنم ترو
ولي باقي البهيم زرايب الشوك
وسوط الراعي ان فرطق فتايل السوط
بتتلموا
وتنخموا
وتترصوا
وتتعمتوا
وتفترقوا
وتنتشروا
وتنجمعوا
حدا الكوراك
حداكم صوت بتتجلدوا
بجيكم يوم وتنجلدوا
قسم بالذي سواك
وسوى الصوت
بتنكسروا
بس الراعي ما اغبى
تفز السرحة
بالعلفة
وبي اللفة
مشغول بيك وبالي عليك
ولا كل القلب ولا كليت
رد مع اقتباس
المشاركة الأصلية كتبت بواسطة كاظم
المفضلات