أمس بالليل حلمت ليك حلم خترلى خلاص
أشوف ليك الآدمن أبوبكر كفكف ليك يدينو وجائ
من بعيد وحات أمى الساعه الينتر ليك كدا تقول دى توابع زلزال
ونحنا جت مرقنا نستقبلو وهو شاقينا ليك وبدق بصدرو كدا برمى تلاته تلاته
وقال كدا وقف ليك فى نص المنتدى العام والساعه الصاح ليك واااهوووووووو
طرزان بس ، حرّم هولاكو التترى أكان شافو يفك البيرق
وجت صنينا بالطريقه الصاح وقال لينا
اااى .. عارفنى جيت قطر جديد ولقيتونى مشغول ولسه العماره الساكن فيها ما حفظت محلها
تقومو تعملو لى ربيع عربى وخريف أفريقى وشتاء إسكيمو ؟ آاااااء ؟
ونحنا بس التقول صابه فينا مطره ، وقام هاج وقال لينا
يعنى علشان فاكى ليكم الحبل على القارب عاوزين تدفرونى فى المويه فى نص البحر ؟ آاااءءءء ؟
إنتو ما تمشو تشوفو المنتديات التانيه والله اللى بتقولو فيهو دا مش يوديكم غوانتانامو دا إعدام بالخازوق
وبعدين تعالو هنى .. زمان قلتو أنا السبب فى إنقسام الصف والمشاكل وإتنازلت من كرسى الحكم
وجبتو زول مشهود ليهو بالأخلاق والكفاءه وبرضو تبقو لى ذى الكيزان عملو مية نيفاشا وفصلو الجنوب
وهسى تانى أعلنو الجهاد وبقو يقبضو فى الشباب فى الشارع قال إيه خدمه إلزامه يعنى الساقيه لسه مدوره آاااااءءءء ؟
ساكتين مالكم ما تتكلمو ؟ المنتدى دا ذى الحافله حقتى حرّم لو عاوز أنزلكم جت وأخت المفاتيح فى جيبى
لكن أنا بعاين للمدينه وأهل المدينه وبعاين ليكم إنتو أكان تعمروها تقومو تعدوها لى جت دخلت نمله ومرقت نمله
ولجان ولجان منبثقه ..
هنى قام أيمن هوا .. وقف وقال ليهو .. يا عمده نحنا والله كنا عاو....
فجأه عمك الآدمن ( طبعا هو قدر كدا ما شاء الله ) قام خمش ليك أيمن هو من رقيبتو بفد يد
وحات أمى بفد يد ورفعو فووووق وخلى ليك الكريعات يبدلن فى الهوا وقال ليهو
كلو منك إنتا دا .. نحنا مالنا ومال الراكوبه ، وأى زول يجى يقول كلمه إنتا ترد بمشاركه قدر البرش
وقال كدا فناهو هناااااك لكن الحمد ليك يا الله مخرقتو ما إنكسرت
وإلتفت علينا وقال لينا
لا خطوه إولى إلى الأمام ولا بيانات ولا بطيخ وشال التاج من رأس الريس عصام وختاهو على راسو
وقال لينا .. كدى اللى عندو فيكم كلام يقولو وأنا والله ح....
أكان صحانى آذان الصبحُ
رد مع اقتباس
المشاركة الأصلية كتبت بواسطة صلاح ودالطاهر
[/IMG]
المفضلات