نقاش

[امير عبدالباقي]

موضوع للنقاش
من في رائك الرئس السوداني سبب نكسه السودان؟

[امير عبدالباقي]

الأخ أمير
سلام

لكل رئيس سلبيات وإجابيات ، ولكن السبب فى نكسة السودان ليس الرؤساء بل الوزراء والولاء والمحافظين ، يعنى يا أمير العيب فى التنفيذيين .
كاتب الرد ابوريلان

[امير عبدالباقي]

ابوريلان يديك العافيه
سوالي كان عن الرئس وليس الوزراء والمحافظين لكن اذا افترضنا كلامك صح اين الرقابه من الحاكم (كلكم راعي وكلكم مسئول عن رعيته) اذا الخلل في الحاكم وليس الوزراء (اذا كان رب البيت بالدف ضارب فشيمه اهل الدار الرقص)
ارجو التحديد
لك الشكر نرجو مداخله الاعضاء

[أبوبكرحامد]

هو بلا شك جعفر نميرى.

[أبوريلان]

الأخ أمير
مازلت مصر على أنو سبب نكسة السودان ليس الرؤساء الذين تعاقبوا عليه ولكن من تولوا زمام الحكومة وطبلوا للرؤساء وكبروا وعملوا عمائلهم .

[امير عبدالباقي]

الاخ بكري حامد
لك التحيه ، الاتعتقد انو فتره نميري كانت فيها الثوره الصناعيه وشق الطرق التي ربطط مدن السودان
نرجو التوضيح

[امير عبدالباقي]

اخي ياسر
وانا مازلت اقولك ان اجوبتك مبهمه اذا انا كنت في موقع الارئاسه في الحكومه وصالح مهما كانت الطبول والمطبلين لاتجدي معي واسير في الطريق الصحيح وازيل اي منافق ومطبل
ايه رايك لك كل الود

[أبوريلان]

الأخ أمير

إختلاف الرأى لايفسد للود قضية

وأنا مازلت عند رأى ، وماهى الإجابات المبهمة يا أمير ، أنا بقول ليك مافى نكسه بتجى من الرئيس لكن مرؤسيه هم سبب النكسه ؟ يعنى حتى سؤالك أنا بقول ليك ما صحيح رأيك شنو ؟ ممكن يكون السؤال فى عهد من من الرؤساء إنتكس السودان ؟؟ كل الحكومة متهمة بنكسه السودان وليس الرئيس فقط ؟؟؟

[marwa]

ana m3a ameeeeeer almshkela fe alro2sa ma fe almr2oseeeeen eza fsod alra3y fsodat alr3eeeeeeeya

[ابراهيم]

كل الرؤساء الذين تعاقبوا على حكم السودان

لم ينجحوا في احتواء الازمات ...

وكل من تقلد حكم السودان يزيد الطين بلة

فالسودان منذ الاستغلال وحتى الآن منتكس

[امير عبدالباقي]

الاخ ياسر لك كل الود
انا بديك مثال بسيط اذا في بيت وفيه اولاد فاسدين والزوجه ماشه علي حل شعره زي مابقولو المصرين السبب والخلل من منو ؟
نرجوالوضوح في الاجابه

[امير عبدالباقي]

الاخت مروه
انت مين في رائك سبب النكسه الرئيسيه في السودان من الحكام وايه الاسباب

؟ وضحي

[امير عبدالباقي]

الاخ ابراهومه
مشكور علي المداخله وانا معاك انو السودان حتي الان منتكس لكن عاوزك توضح مين كان السبب الرئسي في النكسه موضحا الاسباب

[أبوريلان]

الأخ أمير

السبب الرئيس

الأولاد والزوجة وليس الأب ، الأب وفر وعلم وسخر الصعاب لكن الأولاد والزوجة ما حافظوا على نعم رب الأسرة عشان كدا فسدوا ،

[سنين]

تحية وشوق

والله في راي الشخصي اخي امير

انو سبب نكسة السودان ما الحكومات .. النكسة في الشعب نفسه

ودليل علي ذلك ...

كل انواع الحكومات مرة علي السودان
وكلها ...فشلت سواء كانت ديقراطية او دكتاتورية او اسلاماوية

السودان ما في حكومة بتجضمو علا الانقليز

[الزمن المريح]

و الله يا امير و موضوعك مثير و السودان حكم بالديمقراطية و الرئيس لم يكن بيده شى بل هو فقط منصب تشريفى و حكم بالدكتاتورية الفردية (عبود ،، نميرى ) ثم ديمقراطية فوضوية افضت الى نظام دكتاتورى شمولى (الان) و اذا كان النكسات كثيرة جدا المسؤلية مشتركة اولا لماذا فرط االاحزاب الاوائل فى عهدة الشعب ( عبدلله خليل (حزب الامة) و تسليم الحكومة لعبود تسليم و تسلم
افضت الى ان من يصحى( يستيقظ) اولا فى القوات المسلحة يتسمل مقاليد الحكم و الى ان تتحول مسؤليات الجيش الى الوصاية غير مشروعة على الشعب لينتفض الشعب و يعيد ممتلكاته فى ملحمته اكتوبر و يسلامها لاحزاب لم تعى الدرس و لم يكتمل نضجها و لتحول الامر الى مأساة مايو (جرائم مايو لا تحصى ) و حكومة نميرى
التى انقلب عليها الشعب مرة اخرة ليسلمها الى احزاب خيبت امل الشعب فى التمسك بالديمقراطية لتفرط فى الحكم الى اسؤاء نظام شمولى عرفه التاريخ الحديث يتفنن المراوقة و التكذيب و التخريب و المسؤل رئيس الوزراء الذى علم بتحركات الجيش و كان فى وقتها وزير الدفاع و التاريخ لن يرحمه

فكل الحكومات التكتاتورية نكسة على البلد و الحكومات الديمقاطية لن تعطى الفرصة الكافية و اوفى دليل انه و حتى الان لم تكتمل فترة الحكم كاملة فى ظل نظام ديمقراطى الى انقلب عليه (و قيل اذا فشلت الديمقراطية فمزيدا من الديمقراطية )

الاستاذ ابوبكر اتفق معك ان نميرى يتحمل جزا كبيرا من الجرم و لكن هناك من هم اعتى جرم منه!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!

[marwa]

kol ma b7'y reeeeeees ysroga klohom fe nzary sabab fe nksat alsudan bas kol wa7ed ak3ab men altanay 7ameeeeeeeha 7arameeeha

[مصعبيه]

الرئيس جعفر نميري هو سبب الانتكاسه حتى في الرياضه واكيد انتو عارفين كل التفاصيل

[امير عبدالباقي]

الاخ الحبيب ياسر
كلام مامنطقي بالمره ارجو ان تراجع نفسك .............................
اذا كان الاب لاتقع عليه المسئوليه فيما يختص بما يجري في بيته علي من يقع اللوم ؟؟ ياراجل قول كلام عير ده

[امير عبدالباقي]

الاخ العزيز سنين
لك كل الود علي مداخلاتك
انا معاك ان السودان مرت عليه كل انواع الحكومات
والانجليز ليس الافضل هم وجدو ارض خصبه بكر وبها جميع الخيرات واستخرجوها ومثال علي ذلك مشروع الجزيره مهدو كل الصعاب اصلاح اراضي وشق الترع انشاء السكك الحديديه لنقل القطن والزره وهلم جر ونقلها الي بريطانيا لتشغيل مصانعهم ......... يعني الخير الفيه هم الان من ثرواتنا
والحكومات التي اتت لم تعمل ولم تطور بماانتهي به الانجليز ومثال علي ذلك دوله الهند كيف طورت نفسها واستفادت من تجربه المستعمر الانجليزي
ويكفي انجليز انهم السبب في الحروب والمشاكل التي بها السودان الان

[امير عبدالباقي]

الاخ العزيز الزمن المريح
ياريت يجي علي السودان زمن مريح
مشكور علي مداخلتك الجميله
انت من كلامك ليس موافق علي الحكم العسكري ولاالديمقراطي وكلهم في رائك سبب نكسه السودان
طيب في رايك الحل شنو؟
وهل الشعب السوداني اعطيت له تجربه الحكم الديمقراطي في زمن ليس موهل بالحكم بالديمقراطيه؟

[امير عبدالباقي]

الاخت الفاضله مروه
مشكوره علي المداخله
طيب مين في نظرك احسن الحكومات؟

[أبوريلان]

الأخ أمير

أنت طالب رأى الشخصى وليس رأيك ، لذلك عليك بأن تحترم رأى كل من يناقشك فى هذا الموضوع وأنا لن أغير رأى فى أن الرئيس ليس هو سبب النكسة أنما هم الوزراء والولاء والمحافظين هم سبب نكسة السودان يا أمير وأنا أقنعك أنو 1+1 ليس جوابها 2 كما هو المتعارف عليه .

[امير عبدالباقي]

حبيبي ابوريلان
انا ليس بدكتاتوري لافرض رائي عليك لكن اريد ان اصحح لك معلوماتك فقط
طيب ايه رايك في ( كلكم راعي وكلكم مسئول عن رعيته)
وسيبنا من الجل البيزنطي بان 1+1 مابساوي 2
وانا مصر اقول ليك اذا كان رب البيت بالدف ضارب فشيمه اهل البيت الدسكو ياحبيب
الرئس سبب البلاوي
لك كل الود

[خالد هاشم علي]

أخي أمير...
شكراً علي الموضوع الجميل ده. لكن لو عرفنا المشكلة وين كنا حليناها. لأنومافي حاجة ماجربناها من عسكرية ‘لي ديمقراطية وكلو مانافع.
وأنا أتفق تماماً مع سنين في طرحه بس أختلف معاهو في موضوع الإنقليز. وبعدين ياأمير كلام الأخ ياسر واضح جداً ومافيهو أي حاجة مبهمة ورايه سديد مليون بالمية لأنو منصب الرئيس في معظم فترات السودان كان شبه تشريفي و كل رئيس ينضوي تحت عباية احد الأحزاب ، حتي الرئيس نميري كان ينتمي لأحد الأحزاب إلا أنه عاد وإنقلب عليهم، وكذلك الحكم الحالي، يعني الأحزاب تحكمنا منذ الإستقلال سوي كان ذلك بطريقة مباشرة أو غير مباشرة. ومن خلال ردودك علي الأخ ياسر واضح أنو رأيك مخالف لرأيه بس ياريت تورينا رأيك شنو؟؟؟؟؟. مع أنه وضح تماماً إشادتك بفترة نميري والنهضة الصناعية.
وزي ماقال سنين الغلط في الشعب السوداني نفسه.( ولا يغير الله مابقوم حتي يغيروا مابأنفسهم).
والله السودان ماعنده وجيع، وكل حزب ولا رئيس إستلم الحكم طرد وسجن وأحال للصالح العام كل من يقف ضده ولو في سره.وقرب الناس الموالين ليهو ووضعهم في المناصب المهمة.وصدقني ياأمير حتي لو جاء حكم جديد للسودان فأول حاجة حيعملها إنو يسجن ويطرد ويحيل للصالح العام ويجيب ناسو. يعني بالوااااااااضح كده ماعندنا حل.والبركة في الجيل الجديد وياريت يشوفو لينا حل بس قبل مانعجز ونتخارج عشان نشوف السمح للسودان.
ودمت....