النتائج 1 إلى 3 من 3

الموضوع: شوفو الناس تريد قدر شنو ياناس مدني

     
  1. #1
    عضو فعال
    Array
    تاريخ التسجيل
    Nov 2004
    الدولة
    kassala
    المشاركات
    235

    شوفو الناس تريد قدر شنو ياناس مدني

    شوفو جنس الجرسة دي الواحد يريد لدرجة العنف النفسي ودي قصيدة شايقية

    لناس مدنى الحنينيييييييييييييين


    حبي أنا ليك كان زادي كان جوه الحنايا دفين
    كنت بضاريهو من الناس وخايفه عليهو من العين
    عليها أنا كت بصوم وأفطر عليهو بكابد النارين
    كنت بحسب سنين الغربة لما تعود تجيني متين
    كنت برجاك فوق النار لما وكت لقانا يحين
    نونس في براءة أطفال من الحب نروي ننهل زين
    وكل يوم يزيد البينا لما بقينا غاب قوسين

    أتاري أنا كنت فيك مخدوعة وكم من زي مخدوعين
    ما قايلاك حبيب آلاف وقلبك قبلة للضالين
    ما قايلاك تنسى حبيب صبر راجيك تسع سنين
    كيفن هان عليك تنساه زولاً كان عليك حنين
    وتشغل بالك الأشواق لمن تزبل الياسمين
    كنت دايراك بسمة عريضة في وش الزمان الشين
    وكنت دايراك ساعة الحارة تبقى لي دخري خزين
    وكنت دايراك مقنع حوبة وكتين المضاري يبين
    وكت دايراك فارس أحلام تشاركني ونتم الزين
    وكنت بحلمبك إنت معاي مجرتق بالعديل والزين
    وأنا الأبحرت راكبه الموج أكيد مرساي بين موجتين

    وداعاً يا سراب خداع محال ما بيروي عطشانين
    وداعاً يا حلم عابر يسعد ويفرح النايمين
    وداعاً يا كلام معسول حدو ومكمنو الشفتين
    وداعاً يا قلب قساي لا بيحن لا بيلين
    وداعاً يا سحابة صيف شايله مطر ضليل ورهين
    تبشر بي خريف جايينا يا ما الناس رجوه سنين
    كل زولاً يفكر فيها ما معروفة تنزل وين

    وألف سلامة ليك يا قلبي مسالم وديمه طبعو حنين
    يتاورو الشوق ويلعب بيهو تنخر في حشاه السنين
    تواردو الزكرى تنخر جوه وحالو يحنن المسكين
    وأخيراً ليك ألف سلام قبل ما تجف دموع العين
    بخيت وسعيد عليك إن شاء الله يبقى لك عمار وبنين
    وقلبي أنا خلّي في أنّاتو بعدك يا ما راجي أنين

    لو كان يا قلبي حبيت بعدو بعد حلفت يمين
    إن شاء الله ما يتم ليك مراد لا تضوق حلو لا زين
    وعمرك ما تجيك سعادة ما تتهنا قول أمين
    تاني الحب عليك حرمان وعد الحر أمانة ودين

  2.  
  3. #2
    عضو برونزي
    Array
    تاريخ التسجيل
    Sep 2004
    الدولة
    الدرجه الثانيه
    المشاركات
    970

    لا ادري حقيقة يا ادروب كلما استمع لهذه الاغنيه حينما يشدو بها الفنان ارقي تحس لفترة من الزمن انك شخص غير طبيعي ويتملكك نوع غريب من الحزن والاسف وهذا هو السر حينما تكون القصيدة واقعيه وللآخرين واقعا معاشا
    لك الود ادروب

  4.  
  5. #3
    عضو برونزي
    Array الصورة الرمزية الزمن المريح
    تاريخ التسجيل
    Dec 2004
    الدولة
    مدنى المدنيين
    المشاركات
    855

    و الله ابداع يا ادروب و الواحد كل ما يسمع القصيدة ديه او الغنية دية يشتاق ليها و يريد ان يعيد سماعها لنظمها و وصفها بشكل غاية فى الدقة و الابداع

    و قصائد اهلنا الشايقية مملؤة بالابداع والتراث الاصيل

    التعديل الأخير تم بواسطة الزمن المريح ; 09-03-2005 الساعة 11:03 PM



    أبوحنيفة

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid