قصه حقيقيه
احداثها فى عرس اخت ياسر عمر
الجماعه متلمين بجهزوا لبكره
الدنيا ليل والبجهزوا فى الصيوان
والبساعدوا فى الطباخ
يجى واحد اخونا يهابش فى التور
ويقوم التور يهيج
ويقطع الحبل
والشارع عدل
ناس العرس كلهم كسرو وراهو
الجماعه تعبوا من الجرى ركبوا ليهم عربيه
وكل ما يلفوا بى شارع
يسالوا من التور
يقولوا ليهم جا بيجاى
وساكيه واحد
الواحد ده طلع ودالمامون
التور كاسح وصاحبنا وراه
دخل بيه جهة حلة حسن
ولف بيه بالزقاقات
ومن هناك وراه لعووضه
وعكس على حبيب الله
( دى زكرتنى حكاية العربى الجاه الحرامى لقاه نايم بره
سرق التوب المتغطى بيه وما عنده غيره
وهو ساكى الحرامى جا بجنب بيت اخوه
قال ليه لو لى الدرت ما جيت طهر الاولاد )
اها نرجع لودالمامون والتور
اها من هناك كسر مايو
التور نفسه كمل
ودالمامون شاف ليه شباب
قاعدين قال ليهم يا شباب حبل ولا خرطوش
اها لحقوه بالخرطوش
كاوشو التور ومسكوه
وبعد زمن جو باقى الشله
وشالو التور
زول يسك تور من مايو
لحلة حسن لعوضه لحبيب الله لمايو
عينى بارده عليه
معناها زول قوى العزيمه صبور ونفسه طويل
ما تشاغلوه عشان ما يسككم
رد مع اقتباس
المشاركة الأصلية كتبت بواسطة ريمون
المفضلات