شجن الغربه...

[waheeb]

قصيده اعجبتني...


يجن الليل بدون عينيك

يعذبني ويزيد البي..

يسوقني وأزرع الآمال

شتيلات بي حنين إيدي

مساحات عامرة بالأفراح

تباشير لي فرح طول

يناجي البسمة يفرح بي

يغازل في العيون نظرة

يغالبو الشوق سنين جواه

تعاودو الذكرى يرجع لي

محال أقدر أفوت عينيك

وحاتك مافي زول بقدر

يضيـع من عيونه الضي

ولو حالت بدوننا بحور

ونور إيديك لوح لي

بجيلك زي فراش طاير

واحّلق فوق سحاب الري
_________________
عمار محي الدين عثمان

[ابوقيس]

تسلم يارائع

[madaniboy]

gooooooooooooooooooooood

faged hanan

[ياسر فقيري]

يجن الليل بدون عينيك

يعذبني ويزيد البي..
*************************

وبدون عينيك بصبح زول بدون ذكرى وبدون ميلاد ..
لك الشكر يا مبدع على هذه الكلمات الجميلة

[أبوبكرحامد]

ولو حالت بدوننا بحور

ونور إيديك لوح لي

بجيلك زي فراش طاير

واحّلق فوق سحاب الري



الأخ وهيب .......... انها الأشواق ..............لك وللرائع عمار كل الحب وربنا اجمع شمل الجميع

[ضياء الدين احمد]

شكرا وهيب علي انتقائك للمفردات الجميله وللاخ عمار نشكره ويراعه الذي خط بها هذه الدره

[نيازى كشك]

شكرا وهيب علي انتقائك للمفردات الجميله وللاخ عمار نشكره ويراعه الذي خط بها هذه الدره

[ابراهيم]

اختيار موفق الاخ وهيب وكلمات أجمل من جميلة من عمار

كما قال اخونا ود الماذون (إنها الأشواق)

وتبدو هنا :

ولو حالت بدوننا بحور

ونور إيديك لوح لي

بجيلك زي فراش طاير

واحّلق فوق سحاب الري

لكم التحية

[waheeb]

الاخوان:

فاقد حنان, ياسر ,ابوبكر حامد,ضياء الدين,نيازي كشك والغالي ابراهيم..

ألف شكر علي المرور... الروعه حضوركم هنا فلا تحرموننا منها..

[aborawan]

التحية لك وهيب على هذا الاختيار الرائع
والتحية للمبدع عمار لهذا الكلام المعبأ بالاشواق



تشكرات اخوي ابو اشرف

[waheeb]

مشكور أخي محمد علي مرورك