اصحنا واصبح الملك لله
يامرة خلينا النشرب الشاي بي رواقة
مالك جاطانة من الصباح كدة
علي الطلاق
واحدة في الحلة بتفوت مرت الخمجان في المجاملات مافي
وحرم مرة تصل بت الاغبش في المستشفي قبلك مافي
ياولد دور البكسي
النلحق المستشفي
وانتي يابت ناوليني العمة والعصاية دي
اه يامرة ابقي مارقةاركبي يابت الحسين
مرة الخمجان: الخمجاااان امنة ست ابوه دي قات لي دايرتمش وماعندها قروش اغشاها
الخجان:افو ماتمش الا امنة عاد الفقر نبزة
ولا بحمي المجاملة مع الناس
ياولد اغشي خالتك دي والنبقي مارقين
في واحدة تاني دايرة تمش يانسوان
النسوان: لالا كتر خيرك الخمجان ياه المحرية فيك
الخمجان: حاج الصافي انشالله اجر وعافية
اه الاخصاوي قال شنو
حاج الصافي:يديك العافية يالخمجان مابتقصر
الدكتور قالي دا ماشي خطير بس تاخد راحتك
وكلها كم يوم كدة ويتمش بيتك
دحين عليك الله كلم لي ناس الحلة كلهم قوليهم حاج الصافي عافي ليكم وزل اجي تاني ماف
زول ياكل في خاطرو ماف عارفكم مابتقصرو
الخمجان:تسلم ياحاج
ياولد امش جيب الفطور فطر النسوان ديل
الخمجان: اه يانسوان جيتن لي حاج الصافي وجاملتن بت الاغبش
وزي ما الدكتور قال لي حاج الصافي
تاخد راحتك
اسي كلكن تقومن قدامي علي العربية ماشوف لي واحدة تقول دايرة تبيت مع بت الاغبش
تقعدن معاه في المستشفي كترة مصاريف ساي
مرة الخمجان: لاكين ا الخمجان بت الاغبش مابراه
الخمجان: خلاس تقعد معاها واحدة بس
جزاكن الله خير
اه ياحاج ربنا يكتب السلامة وفتناك بي عافية
رد مع اقتباس
المشاركة الأصلية كتبت بواسطة عاشق الترحال
المفضلات