لماذا تقول الخرفان "امبااااااااااع"

[ابراهيم]

طبعا سؤال محير؟؟

ولكنني وجدت الاجابة

بقووووووووووووول لكم ليه الخرفان بتقول امباااااااااااااااع



كان يا مكان في قديم الزمان قبل ما نتولد كلنا ..

كان فيه خروف وخروفة ..

الخروف والخروفة حبوا بعض .. وعاهدوا نفسهم على عدم الفراق

كانوا يطلعوا مع بعض يتمشوا ويلعبوا .. والخروف يعزم خروفته في الحظيرة


كل يوم ... كانوا عايشين حياة سعيدة









قريب عيد الاضحى



جاء رجل لصاحب الخروف .. وعرض عليه شراء الخروف

رفض راعي الخروف في البداية .. ولكن الرجل ضاعف ليهو السعر ..

فدب الجشع والطمع في نفس الراعي ..

فأخذ الرجل الخروف ورحل ..


الخروفة زعلت (ياحرااااام ) وقعدت تبكي على فراق حبيبها الخروف

وعملت اضراب عن الاكل والشرب لغاية ما وزنها نقص ..

وفي يوم من الايام جات صديقة الخروفة

وسألت الخروفة عن حبيبها اللي تركها

وكانت تقول لخروفتنا : "وين حبيبك المزعوم.. شكله سابك وراح حظيره فيها

خروفات احلى منك ... "

فنظرت في وجه صديقتها والدمع يملأ عينيها

وقالت بصوت مضطرب يكسوه الحزن والالم "امباااااااااع"

كانت بتبكي وعايزة تقول انباع

فدهشت الخروفة الثانية وشعرت بالحزن والاسى

وأخذت تنشر قصة صديقتها في باقي القطيع

وكنوع من التعاون والعرفان اخذوا يقولون امبااااع امباااع

ومن ديك وعيك

[امير عبدالباقي]

ابراهومه
خيال مبالغه لكن بس حلوه
امبببببببببببببببببباع

[ابراهيم]

مشكور يا امير

حلوة جيتك

[aborawan]

هههههههههههههههههههههههههههههههههه

ابراهيم خيالك خيال .........................................؟ حتى لو القصة منقولة برضو سيك سيك معلق فيك لانك انتا الناقلة

لكن حلووووووووووووووووووووووووة

[ابراهيم]

ابو روان بلاش كلام في السياسة

هو دا شنو دا المعلق

[rasheed]

والله الراجل ده كان سمعوا بيه ناس صوفيا لورين والجماعة بتاع شنو كده الأخضر وحقوق الحيوان كان عملوا عمايل لكن أظنهم سمعوا أخيراً ودي مشكلة دارفور ذاته جات من هنا ،، لكن الراجل ما عندو زوق ورجعي كان الباع وكان الـ إشترى ، عشان كده قام زيدان غنى وسط الزهور متصور ووجه الصبوح منور

[marwa]

ahahhahahhaha
raheeeeeeeba laken ya ebraheeeeeem

[صالح ابوشوارب]

كاتب الرسالة الأصلية امير عبدالباقي
ابراهومه
خيال مبالغه لكن بس حلوه
امبببببببببببببببببباع

[مشخبط]

انت عارف يا ابراهيم

انا لى اربعة ايام بضحك فى موضوعك ده ، وعشان الموضوع ده انا سجلت مخصوص فى المنتدى ده
غايتو ربنا يطرشق ليك مخك المحيرنا ده ههههههههههههههههه

[عزيز عيسى]

يا أبو خليل،

قصة خروفك البقول باااااع ظريفه جدا، وتعالوا احكي ليكم عن دي كمان:

قبل يومين جاتني واحده خواجيه زميلتنا في الشغل شايله ليها صورة وقالت لي ماشفت صورة البيبي حقي، أنا عايزاك تساعدني كيف انزلها في الاسكانر وارسلها عن طريق الايميل لصديقتي.

أنا قلت الخواجيه دى انحنا ناس زمايلها في الشغل وتقوم تلدى وما تورينا انها ولدت وكمان تجي تقول لي عايزاك تساعدني في ارسال الصورة لصديقتها. اخوكم عمل زعلان شويه لكن قلت معليش الناس ديل مابيعرفوا اللوم وخليها على راحتها.

المهم صهينت من الموضوع وقبل ما أشوف الصورة قمت سألتها قلت ليها البيبي بتاعك ده ولد ولا بنت، قالت لي ولد. قلت ليها طيب وريني الصورة خليني اشوف البيبي بتاعك ده. ولما ورتني صورة البيبي قلت حوله، البيبي الله يعزكم طلع جريو صغير وكمان ملبساه بدله خاصة قالت علشان البرد مايمرضه وبتخاف عليه كثير. عليكم الله شوفوا الخواجيه الماعندها شغله دى خلتني احن واتحسر على حال جريواتنا في السودان الواحد طول اليوم تلقاه حايم من كوشه لي كوشه ومن ضل لى ضل ويلقط في العضام ويطاردوه في أي حته يعتب عليها دون أي ذنب جناه ومافيش حد مهتم بيه ولو نجا من طلقة البوليس يكون محظوظ جدا.

قلت في نفسي الكليب بتاعك ده لو عندنا في السودان كان نهرته ورميته ليك بحجر وانشاء الله ثاني ما تشوفيه أبدا.

أنا قارنت بين خروفك البقول بااااع ده مع الجريو بتاع الخواجيه وقلت شوف الخروف عايش في مزله ازاي وحياته في خطر من يوم اتولد ومعرض للضبح في أي لحظه والجريو عايش آخر انبساط. عجييب.

مش من المفروض الخرفان في بلدنا ترفع عريضة تظلم لى لجنة حقوق الخرفان أقصد لجنة حماية الحيوان ولا بتخاف انها تنبااااع وتنضبح ثاني يوم.

مع كل الود.

عزيز

[ابراهيم]

كاتب الرسالة الأصلية rasheed
والله الراجل ده كان سمعوا بيه ناس صوفيا لورين والجماعة بتاع شنو كده الأخضر وحقوق الحيوان كان عملوا عمايل لكن أظنهم سمعوا أخيراً ودي مشكلة دارفور ذاته جات من هنا ،، لكن الراجل ما عندو زوق ورجعي كان الباع وكان الـ إشترى ، عشان كده قام زيدان غنى وسط الزهور متصور ووجه الصبوح منور

رشيد على كلامك الراجل محظوظ وما معروف مصير كان شنو لكن الحل الجذري للمسعلة دي إلا الناس تضحي اتنين اتنين عشان الفرح يتكلم بلغتين ههههههههههههههههه

الاخت مروة والاخ مشخبط والعزيز ابو شوارب والعزيز عزيز

لكم احلى التحيات

لكن يا عزيز الخواجية بالغت جنس مبالغة

[madaniboy]

كاتب الرسالة الأصلية aborawan
هههههههههههههههههههههههههههههههههه

ابراهيم خيالك خيال .........................................؟ حتى لو القصة منقولة برضو سيك سيك معلق فيك لانك انتا الناقلة

لكن حلووووووووووووووووووووووووة

[ابراهيم]

مشكور اخوى فاقد لمرور

لكن انا عايز اعرف الـ...................................ز دي شنو بس

الا توروني ليها