دي أيامنا ... وين أيامكم يا الحبايب الآن مع الإيقاع الخرافي للزمن

[عصام الدين عموش]

مباااااااااااااالغة لو ماكنتم من عشاق الرواكيب زمان ..... بروايحها الجميلة المعتقة ... بس اكتبوا لي عشرة حاجات كانن ببيعنها حبوباتنا في هذه الرواكيب

ملف مرفق 15483

[مصطفى احمد على]

الطلح والودك والهبابات و المقاشيش والجبنات و المفركات و القطران
النطع و الشمله و الدلاليك و ووو اتم ولا كفايه ههههههههههه
الزمن الجميل

[عصام الدين عموش]

والله يا مصطفي يا واحدة من القاعدات حبوبتك يا عندك راكوبة مؤجرة لي حبوباتنا ديل ... الله يديك العافية

[عصام سعيد]

الأخ / عصام - ما تقول الحمد لله الراجل ما قال ليك 15 حاجة ، كان قلت ليهو أطلع من وراء القفة يا (أبو الدرش )
مشكور عزيزنا على تلك الصور التي ذكرتنا بالذي كان - رحم الله حبوباتنا وأمهاتنا ، وجميع المسلمين
ويديك العافية عزيزي

[ودسمير]

وقول للزمان ارجع يا زمان ...

كانت النسوة الحبوبات يقمن بعمل ( الطواقى ) يدويا وبذلك يضربن عصودفورين بحجر واحد منها كسر الرتابه والربح معا ...

وهنالك ايضا المشلعيب وبيع الدلوكه و( الشتم ) وهو دلوكه صغيره جدا ....

[عصام الدين عموش]

حليل أيامنا بس أنتو مازلتم شباب ما زينا مرحبتين عصام سعيد

[عصام الدين عموش]

إنتو ما ناس البيان والجخانين بتاعت المدنيين لازم تعرفوا الحاصل شنو مش زي ناس قريعتي راحت

[مصطفى احمد على]

ايامنا في الفؤاد ذكراها
ايامنا حبي كيف ننساها
ايامنا ما بنحن لسواها
ايامنا للممات نطراها

يا النسيت ايامنا
ايامنا


ايامنا في الفؤاد الجوة
ايامنا كنا دايما سوة
ايامنا يا ام جبيناًضوا
ايامنا يالنسيت الخوة

يا النسيت ايامنا
ايامنا


ايامنا يالنسيت يا حليلها
ايامنا دي الجميله جميله
ايامنا قم نهارها و ليلها
ايامنا كم مشيت ليقيلها

يا النسيت ايامنا
ايامنا


ايامنا في الجزيرة العايمة
ايامناوالليالي الحالمة
ايامنا و العوازل نايمة
ايامنا و المحبة الدايمة
لك التحيه اخى عصام على مواضيعك الشيقه
وزمنك الجميل الزمن السرنا فيه فى طرقات العشير
وحى البيان والقبه وفريق الحلبه واكل الفسيخ والدليب
والفواكه 000 من خالتنا شموم وبيت الربيت المابعرف
الربيت الشحم المحمر ويديك العافيه