خبر هام جدا !! تحويل ودمدني برمتها الي شرق النيل !!

[JOVIAL]

أعزائي الظاهرة التي شغلت ود مدني طيلة اليومين الفائتين هي ينبوع البترول الخام الذي ظهر بأطراف المدينة في عدة أماكن وتقرر فورا الأتصال بي ناس المساحة الذين أوضحوا بأن هناك متسع ومدينة جاهزة ومخططة بالشرق تسع لأكبر المدن بالسودان 00
الأمر الذي وضع المسؤلين أمام الأمر الواقع بتحويل ودمدني برمتها الي شرق الكبري حنتوب وستمتد المدينة الجديدة حتي الرهد
ولا ندري أي العواقب يأتي مردودها علي المواطنين خاصة سيكون هناك تعويض هائل من وزارة النفط بالسودان


خبر مفرح ومؤسف في آن واحد !

[ابراهيم]

حقاً الخبر بقدر ما إنه مفرح إلا أنه مؤسف في الأغلب

ونسأل الله أن تكون العواقب سليمة

سيكون الخبر مفرح إذا كان هذا البترول يضفى الى المدينة انتباه المسئولين تجاه مدينتنا المجهولة من قبل كل الحكومات فمدني للأسف منذ أن نشأنا وحتى الآن لم تلاقى غير جهل وهوان النظم الحاكمة تجاهها .. فالبترول نسمع به كثيراً في كثير من مناطق السودان إلا أننا لم نرى الأثر الواضح والايجابي فالحال ياهو نفس الحال ...

نتمنى خيراً

لك التحية الأخ/ت JOVIAL وكل الشكر لمدك لنا بهذا الخبر الهام

[بابكر]

بالمناسبه انا عندى قطعة ارض شرق النيل حد يشترى؟؟؟؟؟؟؟؟؟؟؟؟
يا جوفيال شكرا لك الموضوع جميل0000

[عزيز عيسى]

يا Jovial

شكرا على الخبر المفرح المبكي.

أنا من ما سمعت خبر البترول في مدني عارفيني عملت شنو؟؟؟

مشيت على السوق طيران واشتريت لي كمية عقال
ومفكر أعدي على الترزي علشان يخيط لي غطرتين واحده حمرا زي النار اللى بتطلع من البترول
والثانية بيضاء ناصعة البياض زي لبن المراعي
حألبسهم على جلابية سوداني انصاري بي جيبين ورا وقدام – ما عارف منظري حيكون كيف؟؟؟
وعايز أستخرج لي فيز من مدني راس علشان أجيب بيهم امريكان اشغلهم في الشركة بتاعتي بدل العرب؟؟؟؟
لأنه:
في واحد خليجي عنده شركة وكان عنده عدد 50 عمال عرب..
محركين الشركة زي الترتيب وفي أمان الله
عارفين عمل فيهم شنو.. ؟؟
راح فاكيهم كلهم على الهواء
وجاب بدلهم اثنين امريكان ما فاهمين حاجة وختاهم صور في المكتب
علشان يقولوا أهل الربع شركته فيها امريكان؟؟؟؟

تعالوا نبقي في الجد..

لو كلام البترول في مدني ده طلع صاح..

هل معنى ذلك أهلنا في مدني سيتهجروا زي ما تهجروا ناس حلفا؟؟؟

ما عايزين بعدين نتباكى ونقول يا حليل مدني!!!

مع ودي،

عزيز

[JOVIAL]

كاتب الرسالة الأصلية azizeisa
يا Jovial

شكرا على الخبر المفرح المبكي.

أنا من ما سمعت خبر البترول في مدني عارفيني عملت شنو؟؟؟

مشيت على السوق طيران واشتريت لي كمية عقال
ومفكر أعدي على الترزي علشان يخيط لي غطرتين واحده حمرا زي النار اللى بتطلع من البترول
والثانية بيضاء ناصعة البياض زي لبن المراعي
حألبسهم على جلابية سوداني انصاري بي جيبين ورا وقدام – ما عارف منظري حيكون كيف؟؟؟
وعايز أستخرج لي فيز من مدني راس علشان أجيب بيهم امريكان اشغلهم في الشركة بتاعتي بدل العرب؟؟؟؟
لأنه:
في واحد خليجي عنده شركة وكان عنده عدد 50 عمال عرب..
محركين الشركة زي الترتيب وفي أمان الله
عارفين عمل فيهم شنو.. ؟؟
راح فاكيهم كلهم على الهواء
وجاب بدلهم اثنين امريكان ما فاهمين حاجة وختاهم صور في المكتب
علشان يقولوا أهل الربع شركته فيها امريكان؟؟؟؟

تعالوا نبقي في الجد..





لو كلام البترول في مدني ده طلع صاح..

هل معنى ذلك أهلنا في مدني سيتهجروا زي ما تهجروا ناس حلفا؟؟؟

ما عايزين بعدين نتباكى ونقول يا حليل مدني!!!

مع ودي،

عزيز

صراحة أخ ابراهيم والأخ بابكر المقلب مشي عليكم !!!

وسجم خشمي في عزيزة الكبت مويتها علي الرهاب ههههههههه


IT,S APRIL FOOOOOOOOOOOOOOOOOOOOL


كذبة أبريل


ومعليش ياجماعة الجايات أكثر من الرايحات ‍‍

[الزبير محمد عبدالفضيل]

بسم الله الرحمن الرحيم

والسلام من اتبع الهدي


الف مبروك علي تدفق الذهب الاسود في ودمدني وسوف نكون من المدن

المنتجه والمصدره للبترول

اما عن ترحيل اهل ودمدني الي شرق النيل وسوف تتكبد وزارة النفط

التعويض الباهظ الأصحاب الاراضي وطبعا ياحظ من كان يمتلك اراضي

شرق النيل مثل الاخوان علي حسن ويوسف خليل وخالد علي وعثمان الدوش والسر نقد


والتحايا الي اهلنا بمدني

[مزوني]

يا بنيتي الكذب لكن ماكدا
الأمة القاعد هنا في المنتدى معظمها خارج الحدود وكان قلتي ليهم كلام زي دا جدجد
احتمال نسمع ضحايا وبعدين كنت ناوي ارد عليك حسه لكن الحمدلله لقيت ردك انها كذبة
لأني انا متواجد في مدني وحايم فيها شارع شارع وزقاق زقاق وما لاقاني خبر زي دا اصلو لامن وزير لا من مسؤول لافي التلفزيون لا ف الإذاعة
"عجباً أمرك"

[عزيز عيسى]

العزيزة جوفيال،

لكن ما مقلبتينا جد وخليتينا نفكر في مستقبل مشرق.. أنا لما رديت على موضوعك نسيت خالص انه اليوم أول ابريل..
الكذبة حلوة.. لكن قولي لى اعمل في العقال والفيز اللى جهزتهم دى شنو والامركان اللى وعدتهم على العمل؟؟؟

أنا مش مهم لكن ألحقي أخوي بابكر.. انشاء الله ما يكون باع واطاطه وقعد في الشارع؟؟؟

وتسلمي،

عزيز