عادة وفي الغالب الواحد بيضع خطة معينة لتنفيذ فكرة جاتوا في ساعة صفا
لكن طبعا و - اااهـ وااااخ من لكن دي -
في حاجات كدا بتكسر مجاديف الزول وبشل حركة العوم ضد التيار او مع التيار ذاتو, يعني في حاجات كدا بتكره الزول اساسا انو استعمل مخو لثانية واحدة, شفت كيف,,
احباطات متراكمة فوق بعض - ذي دورة المياه ال في وقيع الله دي ياخ - ومع دا كلو الناس ما بتعزر لو الزول عمل فيها مجنون او جنا عديييييييييييل كده ياخ - هروبا من الواقع, ما المجانين في نعيم - زول بسألهم مافي, شفت كيف,,
في ناس بوبار بكلمو دا ويكلمو داك ان حأعمل وحسوي وحأفعل, دا انت اقنع منو الزول دا لا بجدع ولا بلم في الحجارة للجداعين,, ببري بمزااااااااااااج, ناقصين بري؟ البري العلينا ما كفايا,,,
في ناس كدا حكمت الله ربنا اداهم العقل والرزانة والتقوي وبيعملو حسب خطة ما تخرش الموية, يعني لو اجتمع في الزول الخبرة والتقوي - يعني خبرة وحرمنة بتجيب اجل الزول - ديل نجاحهم بكون دبل, لكن هسع في السودان مثلا ما بتقدر تفرز التقي من الحرامي, كلهم شايلين سبح, يعني السبحة في اليد اليمين, والشيكات بالشمال - من اين لك هذا يا عم - يقول ليك الله بدي الجنة,
بالله شوف الزول دا امبارح كان ما لاقي اللقمة , واليوم ساكن في الدور الخامس بعمارتو الفي الحتة الراقية ديك وفيها اسانسير,,
اها شفت كيف الاحداث دي, وما خفي اعظم,,,,
يا حليلنا ويا حليلكم, ياخ
Array
ضوابط المشاركة
رد مع اقتباس
المشاركة الأصلية كتبت بواسطة ريمون
المفضلات