مواقف وطرائف

[عاشق الترحال]

يوم السبت الفات جهزت الفطور وضربنا ضرب صاح انا وحبوبتي وطبعا انا مع حبوبتي عندي حكايات وحكايات ، المهم بعد ما خلصنا عملت الشاي الماخمج في السيرمس ولمن خلصت كبايتة داير تزيد تاني لانها متعودة تشرب نص تاني بعد الكباية أكان لقت ليك السيرمس فاضي وأتاريني انا عملوتو قدر كبايتين بس ، قالت الليله سويت سواة الفكي ووداختو قلت ليها كيفنو قالت لي زمان في فكي ومربي معاهو ود اختو ومرة الفكي بتعمل الحاجة قدرهم بس ولو جارتة شحددتة حبة ملاح بفوق الحيطة بتتأسف ليها وبتقول ليها والله عملتو قدر الفكي وود اختو وكملو جت عليهو ولو جاتة واحدة دايره ليها حبة سكر بتقول ليها الفكي وود اختو شربو بيهو الشاي قبل شوييييييييه يعني نهائي المره دي مابتلقي عندها شئ زائد والفكي وود اختو بقي يضربو بيهو المثل للحاجة البتكون قدرو قبدرو

[حسام التنين]

ههههههههه

حسي البوست ده الفكي و ود اختو

كيفك يارائع و كيف عامل

[ahmed algam]

ههههههه ههههههه هههههه

الحبيب عاشق الترحال
ابو الشوش

علا لكن حبوبتك دي ماادتك
كلمة كلمتين خلتك تضاير وتقوم تسوي ليها شاي
تاني بعد قصة الفكي و ود اختوا دي


تسلم ياراقي ومنتظرين بقية اامواقف والطرائف

[الملكة اسماء ( ام محمد )]

هههههههههههههههههههههههههه

اضحك الله سنك ياعاشق

[عبدالمنعم الصديق(خدرا)]

حبيبنا أشرف الشوق بحور
حسي كده انت سويت الشاي قدر الفكي ووداختو
تقبل مروري أخي العزيز وياريت اشوفك قبلما أسافر

[عاشق الترحال]

ههههههههه

حسي البوست ده الفكي و ود اختو

كيفك يارائع و كيف عامل

شنو يعني كده يافرده فاتح لينا ولا ااااااا الجميل مياخدك عننا

[ود المطامير]

هههههههههههههه

الخال فى مكان الوالد

[ياسر عمر الامين]

كويس انها ما لفتك بالحقه...

[عاشق الترحال]

ههههههه ههههههه هههههه

الحبيب عاشق الترحال
ابو الشوش

علا لكن حبوبتك دي ماادتك
كلمة كلمتين خلتك تضاير وتقوم تسوي ليها شاي
تاني بعد قصة الفكي و ود اختوا دي


تسلم ياراقي ومنتظرين بقية اامواقف والطرائف

حببيب قلبي ود علقم
ياخ والله حبوبتي دي عندي معاها حكايات وحكاايات انسي بس. .
قلت ليك اخبار الجماعه شنو.

[عاشق الترحال]

هههههههههههههههههههههههههه

اضحك الله سنك ياعاشق

الملكة دائما يارب ضاحكة ومبسوطة. .

[عاشق الترحال]

حبيبنا أشرف الشوق بحور
حسي كده انت سويت الشاي قدر الفكي ووداختو
تقبل مروري أخي العزيز وياريت اشوفك قبلما أسافر

اووووو حبيبنا ودم وريدنا ونسيبنا منعم
حقيقةة انا متلوم والله لكن امسحه لي في وشي الشين ده
ووحاة غلاوة زينوبة يوم الجمعة متغدي معاك ان شاء الله
بس كتر من ام رقيقة والخدرة وما شابه ذلك..

[عاشق الترحال]

هههههههههههههه

الخال فى مكان الوالد

يازووول انا عندي خال عسل بس معاي بس مشكلتو عرس خلاني

[عاشق الترحال]

كويس انها ما لفتك بالحقه...

ياسر حبوبتي ماعندها حقة لكن عندها امواس

[ود المطامير]

يازووول انا عندي خال عسل بس معاي بس مشكلتو عرس خلاني

هههههههههههههههههه

وحات الله أنا عندى خال أنا أكبر منو ولسه ما عرس

[عاشق الترحال]

اجاركم الله انا بنسي سريع خلاص وما عارف ده بيرجع لاي سبب ، ما علينا ، في الحي الساكنين فيهو عندي صديق عندو دكان بالمساء طواااالي تلاقاني مركلس معاهو وبحلي لينا الجو بعد حداشر وفي الزمن ده الحلة بتكون سبكت تمااااااااااام والرجل انقطعت بنضرب حلتنا بي مزاج ونتونس حبة وكل زول فينا تاني بشوف مراكب ريدو وين ، لمن اجي داخل البيت حبوبتي بتقول لي جبت معاك الحاجات الوصيتك ليهن معاك ، بضرب ليك بي يدي اليمين جبهتي طاااااااخ وبقول ليها نسيت والله أكان تقول لي تعال هنا قريب الليله بشلخك وانا بقول ليها لق لقلق اكون دقوسه لو جيت حداك .
اها هسي بقت تشيلني حجر في يدي عشان ما انسي ولمن اجي راجع اخت الحجر بي جوه جم خشم الباب عشان المره الجايه ما انساهو
الليله شلت الحجر وقبل اصل الدكان لاقاني كلب شترتو بيهو واخدت قعدتي في الدكان ورجعت البيت اول ما فتحت الباب اتذكرت ليكم انو وصوني لي حاجه ولمن فكرت ليدي لقيت الحجر مافي والحمدلله لقيت ليك حبوبتي نااااااااااايمة قلعت نعلاتي وبقيت ماشي بي طرف اصابعي زي الحرامي عشان ما اصحيها وتشلخني باقي الليل ده والصباح ربك كريم الدكان بفتح بدري. .

[عاشق الترحال]

يوم كده بالليل وانا مستلقي علي الفراش في باحة منزلنا أداعب النجوم التي تتراقص امامي بخفه ونشاط بعد أن هدأ الليل الذي جعل لباسا (وجعلنا الليل لباسا) مددت يدي نحو الهاتف بعد أن وضعت السماعات علي أذناي وقمت بتشغيل أغنية عجاج البحر لاني أحب هذه الاغنية كثيرا وأحب ان استمع للراحل مصطفي سيد أحمد واذا بي انتظر مدة من الزمن دون أن أسمع شئ مما دفعني ان أمد يدي تحت الوسادة لأتفقد الهاتف ما به ساعتها وجدت مقبس السماعه غير موصل بالهاتف فضحكت علي نفسي وما جعلني لا أسمع صوت الهاتف وهو يغني إنخفاض الوصت عند الدرجة 1 مع الكتمان جرأ الوسادة. .

[عاشق الترحال]

منذ نعومة أظافري عرفت أني أحب القرأة والأطلاع وأهوي الأستماع إلي المذياع (الراديو) فكنت لا أستطيع النوم بدونة في فترة من الفترات ، كنت أسهر ليلي مستمعا لسهرات الشعر والادب وغناء الحقيبة وكنت في صغري أملك مذياعا يعمل بحجر (البطارية) ولكي لا أزعج الآخرين كنت أضع جهاز أستماع علي اذني (سماعات) وكنت لا أنام من دونها وهكذا علي هذا المنوال حتي كبرت ولم يعد بعدها يلزمني مذياع لأن بالجوال يوجد (راديو) أستخدمة كل مساء حتي أنام وأصحو الصباح فأجد مكتوب علي شاشة الهاتف (البطارية فارغة يجب إعادة شحنها ) .
بطبعي مذ أن كنت صغيرا أحب الاستماع إلي الشعر فوجدت سلواي في سهرة الاربعاء من كل أسبوع علي إذاعة البيت السوداني fm 100سهرة (سهر القوافي ) للرائع عمر محي الدين ، أتابع هذا البرنامج بحب وشغف ولا أفوت حلقة بالسهولة . أضع (السماعات ) علي أذني وأستمتع بالاستماع وما أن تنتهي الساعة الأولي من البرنامج أو نصفها او قليلا بعد النصف تجدني قد استغرقت في النوم وأصحو عند الصباح متحسرا علي ما فاتني ولكن أجد عزائي في إعادة الحلقة يوم الأحد وما أن يأتي يوم الاحد فأنسي لأستغراقي في العمل فالاحد بداية أسبوع جديد . ظللت أبحث عن حل ووجدت الحل في تسجيل الحلقة كي يتثني لي الاستماع في أي وقت أشاء وبالفعل يوم أمس الأربعاء قمت بتشغيل البرنامج وكنت أستمع إليها مع التسجيل وقبل هذا قمت بضبط المنبة لكي يصحيني الساعة 12 منتصف الليل فهذا موعد انتهاء البرنامج لكي لا يتم تسجيل البرامج الاخري من بعد انتهاء برنامج (سهر القوافي ) ، كعادتي نمت قبل ان تمضي نصف الساعة وصحوت علي صوت المنبة فأغلقت الهاتف وأكملت نومي ، بعدما فرغت من واجباتي اليوم أستلقيت علي الفراش ووضعت (السماعات ) علي أذني وبدأت الاستماع ل (سهر القوافي ) من التسجيل ولكن ما أن لبست قليلا فأستغرقت في نوم عميق دون أن أتم الاستماع .

[عاطف عولي]

أفتلوا ليك؟

[عاشق الترحال]

أفتلوا ليك؟

أوووووووووعك

[حسام التنين]

شنو يعني كده يافرده فاتح لينا ولا ااااااا الجميل مياخدك عننا

ياخ انت بعيدا عن مطاميروا ده لذيذ خلاص

تعال لينا في حزب التنين ياخ

هههههههههههه

رأيك شنو في الحنك ده ما قسم معاك

[حسام التنين]

أفتلوا ليك؟

فتوووووووووووووو

هههههه