قائمة المطلوبين لمحكمة العدل الدولية

[ابراهيم]

منقول من موقع سودانيات
للكاتب د.مهدي
قائمة المطلوبين لمحكمة العدل الدولية

هذه القائمة أوردتها جريدة الوطن السعودية الصادرة اليوم الأربعاء :

قائمة المسؤولين السودانيين المحالة لـ "الجنائية "الدولية تشمل البشير ومسؤولين كباراً

الرياض: عضوان الأحمري

تسربت قائمة المسؤولين السودانيين التي تسلمتها المحكمة الجنائية الدولية، حول التحقيق الدولي لانتهاكات حقوق الإنسان في دارفور. وتصدر قائمة المتهمين:
علي عثمان محمد طه نائب الرئيس السوداني، نافع علي نافع، الفريق صلاح عبدالله غوش، الفريق عبدالله علي صافي النور، أحمد محمد هارون، علي أحمد كرتي، الطيب إبراهيم محمد خير، مطرف صديق.
ومن قادة الجنجويد:
موسى هلال موسى، حامد ضواي، عبدالله مصطفى أبوشنير، عمارة سيف، عمر بابوش، أحمد دكير، أحمد أبوكماشة، عبدالحميد موسى كاشا، عبدالرحيم محمد حسين (وزير الداخلية)، اللواء آدم حامد موسى، العميد محمد أحمد علي، محمد يوسف عبدالله (وزير الدولة للشؤون الإنسانية)، عبدالرحيم أحمد محمد، أحمد محمد هارون، عثمان يوسف كبر (حاكم ولاية شمال دارفور)، طاهر حسن عبود، محمد صالح السنوسي، محمد يوسف التليت (وزير دولة)، اللواء حسين عبدالله جبريل.
ومن أعضاء المجلس الوطني (البرلمان)
العميد عبدالواحد سيد علي سيد، والعميد محمد إبراهيم جنيستو، والرائد حسين تانجوز، والرائد عمر باعباس.
كما ضمت القائمة أشخاصاً يحتمل أن لهم دوراً عسكرياً أو سياسياً وهم:
اللواء عبدالكريم عبدالله (رئيس الاستخبارات السودانية)، اللواء عوض أبنعوف (رئيس الاستخبارات العسكرية) والرئيس السوداني عمر البشير

[الزمن المريح]

تسلم يا استاذ ابراهومة
و طيب ما الجماعة كلهم داخل اللستة يعنى الحلاليف و الجبروت الظهر دية كلوا علشان خاطر عيونهم ،،،، الله يعين ،،،

[ابومرام]

يديك العافية ابراهومة [SIZE=4] طيب الباقي منو ما الحكومة كلها ما يقولولينا دايرين حكومة السودان والموضوع انتهاء افضل من زكر الاسماء ماخلو حد ربنا يعنيا ونحن نقول قوة الله اقوة باذنه تعالى وحينتصر الاسلام وتعلو رايته باذن الله تعالى بس دعواتكم

[امير عبدالباقي]

انت عارف ياابراهيم الحكايه محبوكه من بدري ضغطو علي الحكومه علي اتفاقيه السلام وتمت وجابو القرار 1593 عشان من يوم جون قرن يمسك نائب الرئس ينفزو القرار والحكومه تكون فاضيه مافيها غيره وصاحبك يمسك الحكم ومن هنا وعيك امريكا تنهب الثروه
امريكا مجنن البترول قالو ليك هي بتعكا كده عشان عيون دارفور وناسا هم في ستين داهيه سبه يدخلو بيها السودان ليس الا

[أبوريلان]

يا أبراهيم أنا أسمى مكتووووووووووووووووب ........................... طيب !!!!!!!


من عمل مثقالة ذره خيرا يره ومن عمل مثقالة ذره شره يره

[ياسر فقيري]

أختلف مع حكومة الانقاذ نعم ‍‍‍.. وقد نكون غير راضين بالبشير وبجماعته .. ولكن أن تعين الولايات المتحدة وأذنابها رئيساً يفعل بنا ما تشاء أمريكا فهذا والله عين البلاء .. والمسألة ما مسألة جعولية ولكن المسألة أخطر بي كثير .. هناك الخطر الكامن الحقيقي إسرائيل وهدفها النيل .. الإسرائيليين يقولون .. الاستيلاء على جنوب أفريقيا يعني الاستيلاء على كل أفريقيا .. والاستيلاء على جنوب السودان يعني الاستيلاء على العالم العربي .. فما بالكم إذا استولت على كل السودان .. فعلى مصر السلام وعلى جميع الأمة العربية والإسلامية ألف سلام .. وخير لنا أن نموت عن آخرنا ولا نرى في السودان تكراراً لشريط العراق فهل نحن مدركون .. والله أكبر الله أكبر ..

[ابراهيم]

الأخ العزيز ... الزمن المريح
اشكرك لطيب مرورك ... الجماعة كلهم داخلين بس مفروض كان يجو من الآخر ويقولو ما عايزين الحكومة ، والحليفة دي انا ما عارف داسة وراها شنو وما معروف البحصل شنو وربنا يكون في العون

الحبيب .. أبو مرام
تسلم يا الحبيب الموقف بقى صعب الواحد بقى يفتش اسمو بين الناس وفعلاً ما خلو زول ... تحيـــــــــــاتي


العزيز ..... أمير
زي ما قلت اللعبة واضحة ومطبوخة وسياستهم بقت مكشوفة وتتالى الاحداث اصدق دليل على اللعبة السلام وجون قرنق والقرار 1593 والقصد في النهاية واضح ............. لك الشكر والتحية أمير

العزيز الغالي ....... myrelan

ما فضل غير ينزلونا اسماءنا هنا في اللستة غايتو الواحد بقى ما فاهم اي حاجة لكن بعد كدا ما فارقة اذا كان عمك الكبير ذاتو قالو دايرينو وعملوها واضحة والله ... لك الود

ود فقيري
فعلاً المسألة أكبر من أن نتخيلها فهذه التي تدعى إلى اسرائيل ترمي الى اهداف بعيدة المدى وتفكر جادة بكافة الطرق .. فرض السيطرة على العالم وليس افريقيا والسودان فحسب... ولك التحية أخي

[نيازى كشك]

كاتب الرسالة الأصلية امير عبدالباقي
انت عارف ياابراهيم الحكايه محبوكه من بدري ضغطو علي الحكومه علي اتفاقيه السلام وتمت وجابو القرار 1593 عشان من يوم جون قرن يمسك نائب الرئس ينفزو القرار والحكومه تكون فاضيه مافيها غيره وصاحبك يمسك الحكم ومن هنا وعيك امريكا تنهب الثروه
امريكا مجنن البترول قالو ليك هي بتعكا كده عشان عيون دارفور وناسا هم في ستين داهيه سبه يدخلو بيها السودان ليس الا

[خالد هاشم علي]

كاتب الرسالة الأصلية ياسر فقيري
أختلف مع حكومة الانقاذ نعم ‍‍‍.. وقد نكون غير راضين بالبشير وبجماعته .. ولكن أن تعين الولايات المتحدة وأذنابها رئيساً يفعل بنا ما تشاء أمريكا فهذا والله عين البلاء .. والمسألة ما مسألة جعولية ولكن المسألة أخطر بي كثير .. هناك الخطر الكامن الحقيقي إسرائيل وهدفها النيل .. الإسرائيليين يقولون .. الاستيلاء على جنوب أفريقيا يعني الاستيلاء على كل أفريقيا .. والاستيلاء على جنوب السودان يعني الاستيلاء على العالم العربي .. فما بالكم إذا استولت على كل السودان .. فعلى مصر السلام وعلى جميع الأمة العربية والإسلامية ألف سلام .. وخير لنا أن نموت عن آخرنا ولا نرى في السودان تكراراً لشريط العراق فهل نحن مدركون .. والله أكبر الله أكبر ..

كلام مظبوط مية المية ياود فقيري ( لا فض فوك )

[rasheed]

بدون تعليق على كل ذلك 00
يا جماعة الناس ما عاوزين الحكومة دي ولا اللي قبلها ، ولا اللي بعدها ،، يعني ديل عاوزين شنو ،، ممكن يقولوا لينا يا جماعة نحن محتاجين لبلدكم دي لمدة 100 سنة وبنجي نقعد معاكم ضيوف ونشيل خيراتكم ، نقول ليهم مرحب بيكم لأنو 00
بلادي أنا 00 بلاد ناس حنان يكرموا الضيف
يقسموا اللقمة بينا تهم
حتى الطير يجيها جعان من أطراف تقيها شبع 000 ما في مشكلة
لكن قلة الأدب والحقارة والصفاقة والظلم 00 ده اللي أحنا ما بنرضاه كان بلدنا حاكمها أبليس نفسوا ولا فرعون ولا هامان نحن نرضى بيه 00 ونموت معاه 0
لكن أنتو عاوزين مصلحتنا كيف ؟؟ بس ورونا !!! وبلاش قلة أدب معاكم 0
العراق وأفغانستان والشيشيان ما تعتبروهم خلاص أستقووكم 0
أتذكروا غردون وكتشنر وهكس باشا 00 وغيرها من فئرانكم وجرابيعكم 00
وعندكم صورة رأس غردون اللي كان مهر أمدرمان ( ورأس غردون مهر قربي) وعندكم صورة السادة القولتوا عليهم دراويش ودرشوكم درش ما بعد درش وديل اللي كانوا بسدوا المدفع براسهم ،،
عندي وطني البقضالو حاجة ما بسيبوا وأروح لخواجة
ما بهاب الموت المكشر ما بخش مدرسة المبشر عندي معهد وطني العزيز
الحسن صاقعة النجم البحمل الشهادة والنضم من الموت ما بهم 00
لا بخاف ولا بتر قدام العينينو خضر،، واحد سأل الجماعة قال ليهم مالكم على الناس ديل (السودانيين) ؟؟؟ قالوا ليه يأخ ديل حاصرناهم ما نفع كمان ضربناهم ما نفع ،، يقوموا يطلعوا البترول بتاع أولادنا بعد خمسين سنة لازم نلحقم بقرار قرارين ثلاثة قرارات
يشهد الله ما كوز لكن أمبيري فوق من أولاد 00000

[فدوى الحسن]

يا جماعة ما في دخان من غير نار الحكومة قتلت الأبرياء في دارفور وما في زول بقدر على الحكومة غير المجتمع الدولي ودا شيء طبيعي
أين كان قسم البشير لما كان بيضربوا دارفور بالطائرات أ ين كان قسم البشير عندما احرقوا القرى ويا ناس خلوكم حقائيين وكما تدين تدان.....

[al zeer]

السلام عليكم
واحد سودانى من ناس قريعتى راحت بتكلم من دواخى و بفضفض معاكم
ما عارف بس اسع السودان فى منعطف خطير جدا
و نتمنا كل السودانين اتكاتفوا و اجتازوا المنعطف دا من غير ايوا تدخل اجنبى
يعنى زيتنا فى بيتنا
بقولوا التاريخ بعيد نفسوا
نشوف قدامنا ليبيا و العراق و دى البحيرنى مثلين متناقضين بس لازم ناخد العبره منهم
ليبيا ابت تسلم ناسا و كانت النتيجه الحصار لاغايت ما سلموا و الناس عارف القصه
و العراق و ما ادراك ما العراق الصوره لسع امام اعيوننا تخيلوا ان الفرج مع التدخل الاجنبى و كانت فرحة العراقين يوم انهدام الصنم و حالهم اليوم يتمنون لو ان الطاقيه الظالم لو انهو موجود ولكن لو لا تفيد بشى ولا نملك غير الدعاء لهم ..
و ما عرفين المصير الانحنا فيهو
السياسه شى عجيب كضب من حقيقه ما تعرفها و الشاطر البياكل عقول الناس
و زى ما تفضلتوا انو الشغلانيه دى ما مقصود بها الناس الحاكمننا اسع بى قض النظر لو انوا حقا عملوا جرايم حرب ولا لا
المقصود هو السودان فى الفتره الاخيره النشاط الاقتصدى و الحركه التجاريه و النهضه الشايفينها فى الحياه اليوميه ما بنقراها فى الجرايد ولا بنسمع بيها بالنشعور بيها كل يوم بنشوف شى جديد فى الخرطوم وضواحيه بى عجله سريعه نسبيا عن باقى الاقاليم بس بقول لى البدايه ما داير اخش فى تفاصلها
ما دام المقصود السودان اذا الجماعه الطيبين بفتشوا ايو سبه او بالاحرى زي مشكلت الكديسه و الفار فى البحر الكديسه بتقول للفار ما تكتح , و التاريخ بعيد نفسوا و اجهزت الدمار الشامل العراقيه !!؟ خطاء فادح من مركز المخابرات الامريكيه و بس دفع كل عارقى التمن
انحنا ممكن نقول حتى ولو انو شبابنا الطيبين عملوا جرائم حرب نحاسبهم برانا

[اللمسة الساحرة]

الاخوة الافاضل..
اديكم الف عافية كفيتو ووفيتي بس عايزة ادلي بي رايي في المنحنى الخطير البمر بيهو السودان حاليا...
السبب الاساسي لما يحدث في السودان الان هو من سياسات حكومة الانقاذ_ وان لم تكن انقاذا لنا في الواقع بل اغراق_الخاطئة التي ادخلتنا ووطننا الغالي في دوامة من المشاكل لا حول لنا ولا قوة عليها_الا بالله_ فقد قامت حكومتنا الرشيدة_ اراحنا الله منها_ بتركيز كافة الخدمات في العاصمة متجاهلة بذلك بقية ولايات السودان فاصبح المواطن السوداني في باقية ولايات السودان كالعائش في القرون الاولى لا مستشفيات حديثة ولا مدارس نموذجية تضاهي في تفوقها تفوق مدارس الخرطوم نظرا لاتجاه اغلب المدرسين الى مصالحهم التي تتوفر في العاصمة المثلثة هذا بجانب قلة حصة هذه الولايات من الكهرباء والمياه وووو وهلم جرا،،،،
ثم بعد هذه السياسات الخاطئة تواصل حكومتنا الرشيدةمسلسل سياساتها الحمقاء وتكمل حلقة المسلسل الخيرة باتفاقية السلام وما ابرم فيها من تنازلات كبيرة جدا للجنوب والحركة الشعبية لا يرتضيها الانسان العاقل ،،، فكيف بخائن الامس والمتمرد الدكتور جون قرنق ان يكون نائبا للرئيس وصديقا للمواطن السوداني الذي خدع بشعارات اخوتنا ممن يتاجرون بالدين _ اجارنا الله واياكم_ كالجهاد في سبيل الله ضد الخوارج الذين اصبحو في غمضة عين اخوة لنا،،، الم ينظرو الى الالاف المؤلفة الذين ماتو في هذه الحرب.
فكيف لاتمرد اهالي دارفور بحجة التهميش وكيف لا يلي ذلك مطالبة لاهالي الشرق بحقوقهم... والسودان كله مهمش في واقع الامر... وكل ماتبع ذلك من احداث دارفور واحراق القطاطي على اهلها والجرائم التي ارتكبت بسبب بلاهة حكومتنا الرشيدة وسياساتها الحمقاء..
في الختام لا اود ان اطيل ولكم خالص شكري،،،
طبعا انا ماكوزة ولا غيرو ولا لي اي علاقة باي حزب انما دي وجهة نظري ودمتم،،،،



مع تحياتي:
اختكم: اللمســـــــــــــــــــــــــــــــــــــــــــــ ـــــــــــــة الساحرة 44

[ابراهيم]

كاتب الرسالة الأصلية فدوى الحسن
يا جماعة ما في دخان من غير نار الحكومة قتلت الأبرياء في دارفور وما في زول بقدر على الحكومة غير المجتمع الدولي ودا شيء طبيعي
أين كان قسم البشير لما كان بيضربوا دارفور بالطائرات أ ين كان قسم البشير عندما احرقوا القرى ويا ناس خلوكم حقائيين وكما تدين تدان.....

كاتب الرسالة الأصلية اللمسة الساحرة
الاخوة الافاضل..
اديكم الف عافية كفيتو ووفيتي بس عايزة ادلي بي رايي في المنحنى الخطير البمر بيهو السودان حاليا...
السبب الاساسي لما يحدث في السودان الان هو من سياسات حكومة الانقاذ_ وان لم تكن انقاذا لنا في الواقع بل اغراق_الخاطئة التي ادخلتنا ووطننا الغالي في دوامة من المشاكل لا حول لنا ولا قوة عليها_الا بالله_ فقد قامت حكومتنا الرشيدة_ اراحنا الله منها_ بتركيز كافة الخدمات في العاصمة متجاهلة بذلك بقية ولايات السودان فاصبح المواطن السوداني في باقية ولايات السودان كالعائش في القرون الاولى لا مستشفيات حديثة ولا مدارس نموذجية تضاهي في تفوقها تفوق مدارس الخرطوم نظرا لاتجاه اغلب المدرسين الى مصالحهم التي تتوفر في العاصمة المثلثة هذا بجانب قلة حصة هذه الولايات من الكهرباء والمياه وووو وهلم جرا،،،،
ثم بعد هذه السياسات الخاطئة تواصل حكومتنا الرشيدةمسلسل سياساتها الحمقاء وتكمل حلقة المسلسل الخيرة باتفاقية السلام وما ابرم فيها من تنازلات كبيرة جدا للجنوب والحركة الشعبية لا يرتضيها الانسان العاقل ،،، فكيف بخائن الامس والمتمرد الدكتور جون قرنق ان يكون نائبا للرئيس وصديقا للمواطن السوداني الذي خدع بشعارات اخوتنا ممن يتاجرون بالدين _ اجارنا الله واياكم_ كالجهاد في سبيل الله ضد الخوارج الذين اصبحو في غمضة عين اخوة لنا،،، الم ينظرو الى الالاف المؤلفة الذين ماتو في هذه الحرب.
فكيف لاتمرد اهالي دارفور بحجة التهميش وكيف لا يلي ذلك مطالبة لاهالي الشرق بحقوقهم... والسودان كله مهمش في واقع الامر... وكل ماتبع ذلك من احداث دارفور واحراق القطاطي على اهلها والجرائم التي ارتكبت بسبب بلاهة حكومتنا الرشيدة وسياساتها الحمقاء..
في الختام لا اود ان اطيل ولكم خالص شكري،،،
طبعا انا ماكوزة ولا غيرو ولا لي اي علاقة باي حزب انما دي وجهة نظري ودمتم،،،،