جنون الحب

[امير عبدالباقي]

بالامس ذهبت الي منطقه تبعد حوالي 250 ك م من الطائف اسمها خرمه وعند عودتي منها توقفت عند محطه بترول خارج خرمه ب 20 كيلو لتعبيه البترول والمحطه بها استراحه وفندق ودخلت الاستراحه واشتريت ماء وبعض العصير والبسكويت وبعد ان حاسبت علي المشتروات دخل الاستراحه شاب سوداني فسلمت عليه في يده وجاني احساس انه من مدني فسالته من اين انت في السودان فقال لي من مدني فقلت من اي حي فقال من حي البيان وسالني من اين فقلت له من مدني فصار الرجل يبكي فقلت له مالك قال مشتاق ليكم شديد وجلست معه غرابه الساعه يحكي لي عن مدني وزكريات الكوره عندما كان يلعب بجانبه حمامه وبهاء الدين قرضه وعندما استاذنته اصر ان اجلس فاعتزرت له لارطباتي بالعمل وركبت السياره للمقادره فصرخ لاتوقف بعد ان تحركت واحضر لي مونه تكفي لمسافه توصل السودان بالسياره فقلت لقد اخذت كفايتي وحلفت مااخذ شي فقال لي كلمه تراجعت عن حليفتي ( ده معقول مااكرمك كيف دي مدني دي مدني ) قاله وهو يصرخ ومن داخل اعماقه لقد شاهدت في عينيه حب ناس مدني لهذه المعشوقه ربنا مايحرمنا منك يامعشوقتنا

[أبوريلان]

الأخ أمير عبدالباقى

سلام كتيييييييير

والله هذه مدنى ولا غرابة فى ذلك هم كذلك فى كل مكان من بقاع الأرض تجدهم بهذه الحفاوة والبشاشة والكرم وتحسه فى كلامهم ، وفعلا أبناء مدنى تحس مدنى على جباههم ، وربنا يديم هذه الصفات على كل من شرب من ثدى الغالية مدنى . ومشكور أخى أمير لنقل هذا الحدث . وأتمنى ان تكون قدمت له الدعوة للإنضام لمنتدى مدنى .

[مزوني]

البيفارق مدني يقراها بالقلبة
" م د ن ي "
ودا حال المدينة وحال ناسها الله يديهم العافية
واحلى حاجة انو الواحد يقدر يقولها بكل فخر
ا نـــــــــــــــــــــــــــــــــــ من مدني ـــــــــــــــــــــــــــــــأ

[aborawan]

دي الحنية ودي الطيبة المعهودة بي ناس الجزيرة ككل


اها عاد يا ابوالنسب تاني كل ما تمشي خرمة خرم على المحطة دي

[ابوقيس]

انا عايز اديكم معلومه شباب

انا احتمال المدينه الوحيده في السودان

معظم اصحابي منها والمدينه الوحيده الاحببتها قبل ان اراها

لكن مدني جد بلد وجد مدينه التراث والقيم والشباب

والحديث كثير عن مدني