امونة

[عاشق الترحال]

العيد يا امونة من تاني عاد ....!!

اﻣﻮﻧﺔ


ﻳﺎﻭﺟﻊ ﻣﺤﻜﺮ ﻓﻲ ﺍﻟﺤﺸﻲ
ﻣﻮﻫﻂ ﻓﻲ ﺍﻟﻘﻠﻴﺐ ﺍﻟﻤﻠﻴﺎﻥ ﺍﺳﻲ
ﻣﻠﻴﺎﻥ ﺟﺮﺍﺣﺎﺕ ﻣﻠﻴﺎﻥ ﺍﺫﻱ
ﻭﺍﻣﻮﻧﺔ ﺗﺤﺴﺐ ﻓﻲ ﺍﻟﻘﺮﻳﺸﺎﺕ
ﺗﻔﺮﻕ ﻣﻌﺎﻫﺎ ﻭﻣﻦ
ﺗﺎﻧﻲ ﺗﻌﻴﺪ ﺍﻟﺤﺴﺎﺏ
ﺣﻖ ﺍﻟﻤﺪﺍﺭﺱ ﻭﺍﻟﻜﺮﺍﺭﻳﺲ
ﻭﺑﺎﻗﻲ ﺍﻗﺴﺎﻁ ﺍﻟﺮﺳﻮﻡ
ﻭﺗﺴﺪﻳﺪ ﺍﻟﺪﻳﻮﻥ
ﻭﺍﻟﻌﻴﺪ ﺩﺧﻞ
ﻭﺳﻮﻕ ﺍﻟﻠﻪ ﻧﺎﺭ
ﺍﻟﺘﻮﺏ ﻣﺎ ﺑﺘﻬﺒﺶ
ﺍﻟﺸﺒﺸﺐ ﻋﺸﺎﻥ ﺗﻤﺶ
ﺗﺰﺭﻉ ﺗﺘﻴﺮﺏ ﺗﺤﺼﺪ
ﺳﺮﺍﺏ ﺍﻻﺭﺽ ﺍﻟﻴﺒﺎﺏ
ﺑﻲ ﻛﻢ ﻭﻛﻤﻴﻦ ﻓﻠﺲ
ﻫﺪﻭﻡ ﺍﻟﺸﻔﻊ ﻳﺎ ﺍﻣﻮﻧﺔ
ﺍﺳﻌﺎﺭﻩ ﻓﻲ ﺳﺎﺑﻊ ﺳﻤﺎﺀ
ﻣﺎ ﺑﺘﺘﻬﺒﺶ
ﻭﺍﻟﺸﺎﻓﻊ ﺩﺍﻳﺮ ﻳﻤﺶ
ﻳﻔﺮﺡ ﻣﻊ ﺍﺻﺤﺎﺑﻮ
ﻣﻨﻮﺭ ﺯﻱ ﺍﻟﺸﻤﺲ
ﻏﺪﺍﺭﻩ ﺍﻟﺪﻧﻴﺎ ﻗﺎﻟﺖ
ﻟﻴﻬﻮ ﻛﺎﻥ ﺗﻤﺶ
ﺗﻔﺮﺝ ﺑﺎﻟﺠﺪﻳﺪ
ﺗﺒﺎﺭﻙ ﺍﻟﻌﻴﺪ
ﻭﻳﺎ ﺍﻣﻮﻧﺔ ﻗﻮﻣﻲ
ﺻﻠﻴﻠﻚ ﺭﻛﻌﺘﻴﻦ
ﻭﺍﺗﺮﺯﻱ ﺍﻟﻬﺪﻡ ﺍﻟﻘﺪﻳﻢ
ﺭﻗﻌﻴﻬﻮ ﺑﺎﻟﺼﺒﺮ ﺍﻟﺠﻤﻴﻞ
ﺗﻠﺒﺴﻴﻬﻮ ﻓﻲ
ﺟﻨﺎﺕ ﺍﻟﻨﻌﻴﻢ
ﻳﺎ ﺍﻣﻮﻧﺔ ﻗﻮﻣﻲ
ﻟﻮﺧﻴﻠﻚ ﻋﺠﻴﻦ
ﻋﻮﺳﻲ ﺍﻻﻣﺎﻧﻲ
ﻭﺍﺗﺮﻳﻘﻲ ﺍﻟﻴﻘﻴﻦ
ﺍﻣﻮﻧﺔ ﻣﺴﻜﻴﻨﺔ
ﺻﺎﺑﺮﻩ ﻋﻠﻲ ﺍﻟﻮﺟﻊ
ﻋﻠﻲ ﺟﻮﺭ ﺣﻜﺎﻡ ﺍﻟﺒﻠﺪ
ﺻﺎﺑﺮﻩ ﻋﻠﻲ ﺍﻟﻌﺬﺍﺏ
ﺳﺎﻓﻴﻦ ﺍﻟﺒﻠﺪ
ﻭﺍﻣﻮﻧﺔ ﺳﺎﻓﻪ ﺍﻟﺘﺮﺍﺏ
ﻣﻌﻠﻴﺶ ﻳﺎ ﺍﻣﻮﻧﺔ ﺩﻩ
ﺣﺎﻝ ﺍﻟﻮﻃﻦ
ﻻﺯﻡ ﺗﺼﺒﺮﻱ ﻋﻠﻲ
ﺍﻟﻤﺤﻦ
ﺍﻟﺠﺎﻳﺎﻧﺎ ﻓﻲ ﻫﺬﺍ ﺍﻟﺰﻣﻦ
ﺟﺎﻳﻪ ﻣﻦ ﺩﻳﻚ ﺍﻟﻘﺼﻮﺭ
ﻻﺯﻡ ﺗﻀﻤﺪﻱ ﺍﻟﺠﺮﺍﺡ
ﺑﺎﻻﻣﻞ ﻳﺎ ﻣﻜﺴﻮﺭﺓ ﺍﻟﺠﻨﺎﺡ
ﻳﺎ ﺍﻣﻮﻧﺔ ﻗﻮﻣﻲ ﻋﻠﻲ ﺍﻟﻔﻼﺡ
ﻭﺳﻂ ﺍﻟﻨﻬﺎﺭ ﺍﻟﻼﺡ
ﺍﻏﺮﺳﻲ ﺍﻟﺤﺐ ﻓﻲ ﺍﻟﺼﻐﺎﺭ
ﺍﺭﻭﻳﻬﻢ ﺻﺪﻕ ﺿﻤﻴﻬﻢ
ﺍﻣﺎﻥ ﻣﻦ ﺟﻮﺭ ﺍﻟﺰﻣﺎﻥ
ﺍﺣﺼﺪﻳﻬﻢ ﻓﺮﺡ
ﺗﺴﻌﺪ ﺍﻟﺪﻧﻴﺎ
ﻭﺗﻌﻮﺩ ﺳﻨﻴﻦ ﺍﻟﻤﺮﺡ


ﺃﺷﺮﻑ ﻣﺤﻤﺪ
/29 ﺭﻣﻀﺎﻥ1435/

[ياسر عمر الامين]

كل عام وأمونه الصابرة المصابرة بالف خير وهى تستقبل العيد بالكفاف لا تمتلك حق الهدايا لكنها تهدينا لوحة الصبر الجميل وعزة النفس الابية...أمونة رمز لشعب بلادى الكادح الذى يكابد شظف الحياة وبؤس الدنيا زاده الامانى والأمل بمستقبل ناضر...شكرا حبيبنا اشرف على هذه القصيدة الرائعة كروعتك...وكل عام وانت بالف خير يارب...

[أبا إيثار]

صديقي المرهف / أشرف

أمونة ياهو حال البلد ,, ألبستها طعمك الخاص
بأريحية دواخلك الحبلي سهلة الهضم بسيطة
المعني وحسب إيقاع البلد الصعب ,,,
الرسالة وصلت أخي عاشق الترحال كموضوع
معاصر ولكن أفقدتها بعض المعايير الفنية المتبعة
حسب فهمي المتواضع ماعرفتها بتنتمي لأي باب
أجدها حيناً للنثر أقرب وأحيانا للشعر أقرب وما بين
الإثنين بقي المعني لكن إفتقدنا جرس التطريب ,,
ياااريت تدخلها الورشة من تاني عشان تاخد حقها
البتستحقو لأنو لباسها مفروض يكون أجمل من كده ..

مودتي أيها المرهف ..

عذراً لأنك عودتنا كل قوالب الجمال كما عهدنااك أيها الجميل .

[عاشق الترحال]

كل عام وأمونه الصابرة المصابرة بالف خير وهى تستقبل العيد بالكفاف لا تمتلك حق الهدايا لكنها تهدينا لوحة الصبر الجميل وعزة النفس الابية...أمونة رمز لشعب بلادى الكادح الذى يكابد شظف الحياة وبؤس الدنيا زاده الامانى والأمل بمستقبل ناضر...شكرا حبيبنا اشرف على هذه القصيدة الرائعة كروعتك...وكل عام وانت بالف خير يارب...

وانت بالف خير يا حبيب ومعزرة والله للتأخير وزي ما قال صديقي ابا ايثار امونة ياهو حال البلد. .
تسلم كتير ومعزرة والله.

[عاشق الترحال]

صديقي المرهف / أشرف

أمونة ياهو حال البلد ,, ألبستها طعمك الخاص
بأريحية دواخلك الحبلي سهلة الهضم بسيطة
المعني وحسب إيقاع البلد الصعب ,,,
الرسالة وصلت أخي عاشق الترحال كموضوع
معاصر ولكن أفقدتها بعض المعايير الفنية المتبعة
حسب فهمي المتواضع ماعرفتها بتنتمي لأي باب
أجدها حيناً للنثر أقرب وأحيانا للشعر أقرب وما بين
الإثنين بقي المعني لكن إفتقدنا جرس التطريب ,,
ياااريت تدخلها الورشة من تاني عشان تاخد حقها
البتستحقو لأنو لباسها مفروض يكون أجمل من كده ..

مودتي أيها المرهف ..

عذراً لأنك عودتنا كل قوالب الجمال كما عهدنااك أيها الجميل .

صديقي العزيز تقبل تحياتي وعميق اسفي علي التأخير. ..
ان شاء الله سوف ندخلها الورشة ونعيد ترميمه بس انفك من زنقتي دي شوووويه كده. .
لا حاجة للإعتزار يا صديقي فلك ولكل رواد القسم الثقافي الحق في تصحيحي عندما اخطأ وايضا لكم الحق في النقد الهادف فمن خلاله نضع اقدامنا علي الطريق الصحيح..
دمت بكل الود. ..