النتائج 1 إلى 3 من 3

الموضوع: مباراة المريخ والمقاولون

     
  1. #1
    محمد عبدالله
    Guest

    مباراة المريخ والمقاولون

    يؤدي فريق المريخ يوم السبت مباراته امام المقاولون العرب المصري باستاد الجبل الاخضر . ضمن مباريات الدور الثاني لبطولة الكونفدرالية الافريقية. لقاء الذهاب انتهى بفوز المريخ 3/1 . فريق المريخ استعد جيدا بالتدريبات المتواصلة ومباراة اعدادية مع هلال الساحل. فريق المقاولون لعب مباراة دورية وصعد لدوري الاضواء المصري بعد ان كفلت له نقطة التعادل الصعود كاول فريق من الدرجة الثانية وهذا قد يعطيه دافع كبير في اللقاء المرتقب. نادي المريخ استعاد مهاجمه الخطير ديوب الذي يعول عليه برانكو كثيرا . النتيجة التي فاز بها المريخ قد تريحه كثيرا ولكن مع ذلك يجب الحذر وتحمل المسؤولية لتشريف الكورة السودانية التي صمتت طويلا .بالتوفيق للمريخ.

  2.  
  3. #2
    عضو برونزي
    Array الصورة الرمزية الزمن المريح
    تاريخ التسجيل
    Dec 2004
    الدولة
    مدنى المدنيين
    المشاركات
    855


    لا ديوب و لا يحزنون ،، فى السودان الغلب تحكيم ، و برة السودان مدربين ،، دية دائما شماعتنا لكن لمتين ،، بالله العظيم تقرى الجرائد تقول الليلة ناس المريخ و لى ناس الهلال ديل يغلبوا 15 تشوف الكورة تقول دافورى ،، و لعيبة الواحد اصلوا ما ليهو علاقة بكرة القدم ،، عتالة ولى بياعين نبق ،،

    لسع هلال مريخ يغلبوا فرق الاقاليم بالتحكيم و الكلام ديه من سنة ستين ،،،

    و الصحافة الرياضية فى السودان ما عندها علاقة بالكورة كل واحد عامل فيها صحفى و رياضى ،، عرفناكم بتاعين سياسة كل الشعب السودانى سياسى كمان كلى الشعب السودانى صحفى الله يكون فى العون ، و المزيعين الرياضيين بالله لو سكت افضل من ما يحلل ،، و يحلل شنوا كلوا حرام ،،،

    بالمناسبة نتيجة المبارة 3/صفر مع الرأفة ،،
    و الهدف الثالث هدية من لاعب عملاق فى سماء الكرة السودانية ،،





    التعديل الأخير تم بواسطة الزمن المريح ; 23-04-2005 الساعة 11:38 PM



    أبوحنيفة
  4.  
  5. #3
    نائب رئيس مجلس الادارة
    Array الصورة الرمزية روبش
    تاريخ التسجيل
    Mar 2005
    الدولة
    ودمدني - حي القبة
    المشاركات
    4,771

    الزمن المريح ..
    لك تحياتي ..
    نعمل شنو ... خلاص فاض بينا .. تشاهد التلفزيون تقول تشوف بلدك تلقى في واحد بتكلم يخليك تتلفت قدام ووراء وبعدها تحول لقناة اخرى ( فلسفة في الكلام ) ويا ريت بفهم ... مثل سعد الدين وواحد تاني شبهو كده في قناة النيل ... تجي الرياضة تلقى سيف ولا رضا مصطفى الشيخ .. وتلقاهم مستضيفين ليهم مدرب عايز خطة لنفسه .. يعني اشكال عجيبة جدا جدا اي ياهو نحن وياهو شكلنا لكن ياناس العالم اتغير الدنيا اتغيرت .. إلا نحن .. عاملين علماء في اي حاجة .. والله خلاص زهجنا .. وحقوا اللاعبين يشوفوا ليهم اي حيطة ينطوها .. والله خسارة فيهم خمسة جنيه .. ومعظمهم مفروض يوقعوا بكباية شاي تحت شجرة ..

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid