رد اللمسة نيابة عن كل الاخوات في المنتدى عن موضوع اغلاخ مزوني

[اللمسة الساحرة]

بسم الله الرحمن الرحيم
الاخ الغالي مازن ،،،
السلام عليك ورحمة الله وبركاته وعلى جميع اهالي منتدانا المشرق العامر بهذه الانامل التي تسطر الكلمات سحرا يبهر الاعين،،،
وبعد:
اولا بتشكرك جدا جدا جدا على الموضوع الاكتر من رائع ،،،
وبرضو في النهاية كل الكلام القلتو والمفاتيح الاطرقت ليها في النهاية كل دة ترجمة لمعنىالشروط الذكرتها انا في موضوعي بتاع (موصفات فتى الاحلام) فلو لحظت يااخوي مازن للمفتاح الاول القلت انو الاصغاء تجده يدخل ضمن شرطي الاول في موضوعي وهو:
1-يقدر المرأة ، وطالما انه يقدر المرأة فمعناها انو اكيد حيصغي ليها ويسمع مشاكلها ويعرف احوالها ولا شنو ياجماعة؟؟؟
اما عن ماتحدثت به بخصوص المفتاح التاني( التأييييييييييييييد) وان الزوج يكون خلف زوجته دائما فدا بالتاكيييد ترجمة صريحة للشرط الذكرتو في موضوعي وهو:
17- شخصيته قوية برا البيت فقط... وطبعا مابحتاج توضيح للعلاقة بينا وبين مفتاح التاييد الذكرتو ولا شنو ياعالم؟؟؟
اما عن الاعجاب فهذا ايضا ذكرته في موضوعي في الشرط رقم:
5- يحبها لشخصيتها،،، واكيد الحب يقتضي الاعجاب ولارايكم شنو؟؟؟
اما عن مفتاح ادفع بها لامام فدة يمكن نقول عليهو نفس كلام التايييد وانا شايفة انو مافي فرق بين المفتاحين يااستاذ مزوني" الاتنين لغرفة واحدة"...

اما عن المفتاح الاخير ( افخر بها) انا برضو اطرقت ليهو في الشروط وياريت ترجعو للشروط وتعرفو بنفسكم،، وانا شايفة انو المرأة طالما هي واثقة من نفسها وواثقة انها ناجحة مابتحتاج لفخر زوجها بها...وبس
وشكرا،،،


ملحوظة اخيرة عزيزي مزوني:
انا شايفة انو اختيارك للفظ مفاتيح في موضوعك ماسياحي وفيهو نوع من الظلم لينا احنا الجنس اللطيف لان اللفظ بيوحي انو المرأة او الزوجةحاجة صعب الوصول اليها الا بالاستعانة بمفاتيحك المذكورة اعلاه...


ويديك الف عافية اخوي مازن الاعدادية


مع تحياتي:
اختك: اللمســـــــــــــــــــــــــــــــــــــــــــــ
ــــــــــــــــــــــــــــــــــــة الساحرة

[مزوني]

وووووووووووووووووووووووووووووووووب
ياللمسة الساحرة
هاهاهاهاهاهاهاهاهاهاهاهاهاها شايفك عملت للموضوع قومة وقعده
والله العظيم ما كان القصد لكن شوية دوييييييييير وكدا
ما تبقي زولة جريسة للدرجه دي
خلي عندك حبة همة وربنا يديك الصحة والعافية

[ياسر فقيري]

تحياتي لك أختي اللمسة الساحرة على هذه الومضات الساحرة .. ولكن لي سؤال .. الأخ مازن ورانا مفاتيح قلب المرأة فما هي مفاتيح قلب الرجل من وجهة نظر الجنس اللطيف ؟؟؟؟؟؟؟؟؟
ورطة مش كدا يا ساحرة

[اللمسة الساحرة]

الاخ مزوني:
اديك الف عافية انا ماعايزة اعمل للموضوع قومة وقعدة بس عايزة اصل لي اقناعك بالشروط الاششترطها في فتى احلامي وبس وانا شايفة انك شبه اقتنعت كدة لانك مارديت علي ردي ...
ولله الحمد اخيرا اقنعتك
واديك الفين ومية عافية وتسكن الصافية





الاخ ياسر فقيري:
تحية طيبة وبعد
انا شايفة انو مفاتيح الرجل تتلخص في:
اولا: معدة الرجل، فلو قدرت اي زوجة انها تملا معدة زوجها بما لذ وطاب من الماكولات فهي اكيد حتكسب حبو واحترامو وزي ماقال المثل الطريق لقلب الرجل معدته)...
ثانيا: الابتعاد عن النقة بقدر المستطاع لان الرجل ابكره في الست الا نقتا.
والمفتاحين ديل انا شايفة انهن الاهم عشان تصل الزوجة لحب زوجها لها .وبس
ويديكم الف عافية



مع تحياتي:
اللمســـــــــــــــــــــــــــــــــــــــــــــ روان ــــــــــــــــــــــــــــة الساحرة

[مزوني]

والله يا اللمسة الساحرة انا ما قتعنت لسه
وبعدين اصل القصة زي ما قلتي "فتى أحلام"
ودا حق شرعي وما اقدر انا او غيري انو يقول في حاجة ولا شنو؟
لكن حبة دويييير وكدا نحاول نعرف اكتر وكدا
وقع ليك ولا أعيدو ليك
زي ما قلنا انها أحلام وهي طبعا مجاااااااااااااااااااااااااااااااااااااااااااانا
ههههههههههههههههههههههههههههههههههههه
وربنا يديك الصحة والعافية

[ضياء الدين احمد]

والله يا لمسه اهم حاجه انها تبعد من النقه دي اهم من ملي بطنو الاكل طاير في السماء بس اهم حاجه انها تنطم وماتكون بتاعة نقه

[ودأبكرش]

كاتب الرسالة الأصلية ضياء الدين احمد
والله يا لمسه اهم حاجه انها تبعد من النقه دي اهم من ملي بطنو الاكل طاير في السماء بس اهم حاجه انها تنطم وماتكون بتاعة نقه

[اللمسة الساحرة]

الاخ ضياء الدين & ود ابكرش

بتشكركم جدا على المرور وتسلمووو