شواكيش من مختلف التخصصات

[ابراهيم]

شواكيش من مختلف التخصصات

عندما تزعل البنت من الولد و تديه شاكووش

******************

كلية ا لقانون:

اسمع يا عمرو... ما تخلينى اتصرف معاك تصرف منافى للقيم الاخلاقية و ارفع عليك قضية
***********************************************

كلية العلوم الادارية:

كويس يا عمرو... تخلينى انا ادفع حق الفطور و تغشنى... لخبطلى راسى الله يلخبط راسك انشالله.
***********************************************

مدرسة العلوم الرياضية:

اسمع يا عمرو... انا اصلا" عارفة من البداية انو علاقتنا زائد خيانتك بتساولينا نتيجة سيئة للغاية و انا جد قرفانة منك بنسبة مية فى المية, لأنو نص مخى بقولى اديك كف والنص التانى بقول اديك بنية... اعمل شنو يعنى اجمعم الاتنين مع بعض يعنى ولا شنو يعنى.
**********************************************

كلية اللآداب : قسم اللغات:

البنت: كف يا عمرو عن مضايقتى و الا...

الولد عمرو: لعنة الله عليك بسبع لغات
*******************************************

كلية الهندسة الماكانيكية:

انت يا ولد فاكة من راسك صامولة ولا شنو؟
*****************************************

كلية الهندسة المدنية:

اسمع يا عمرو... انا ما دايرة اتكلم معاك... انت تمشى فى شارع و انا امشى فى شارع.
********************************************

كلية الهندسة المعمارية:

اسمع يا عمرو... ما تخلينى اديك شاكووش بالشاكوش الماسكاه بيدى اليمين و اطعنك بالبرجل الفى يدى الشمال.
**********************************************

كلية الأقتصاد و العلوم السياسية:

يا عمرو... انا و بكل صراحة, السياسة القاعد تتبعها معاى دى انا ما عاجبانى صراحة" كده... يا اما تتبع معاى استراتيجية مختلفة او نقطع العلاقة البيناتنا لأنو الموقف حا ليا" متأزم اكتر من الازم.
*********************************************

كلية العلوم: قسم الجيولوجيا:

عمرو... ياخى انت مالك قلبك زى الحجر كده... خليك زول مرن شويه ماممكن ياخى... مش الواحد والا الواحدة لمن يتكلموا معاك تثور قدامهم زى البركان.
**********************************************

كلية العلوم قسم الفيزياء:

يا عمرو... نحن علاقتنا فى بدايتها كانت ممتازة و ايجابية جدا"... لاكن فجأة ابتدينا نتطور تطور عكسى والعلاقة بقت سلبية, عشان كدة كل واحد مننا يمشى فى مسار مختلف.
********************************************

كلية الطب:

عليك الله يا عمرو ما تمرضنى الله يمرضك... ما تخلينى اقطعك بلمشرط ده و اوديك العناية المركزية.
**********************************************

كلية البيطرة:

يا حيوان... تخونى انا يا عمرو؟... طيب اصبر لى كان ما وريتك انت والنعجة المعاك يا كلب يا حمار.

**********************************************

قسم علم النفس:

يا عمرو... انا نفسياتى متنافرة منك... سيبنى براى زهجانة منك بعد الشفتو منك... سيبنى عليك الله ما تجننى و تجيب لى حالة عصبية لأنو انا ممكن اوديك فى ستين دهية.
*********************************************

قسم الأعلام و الصحافة:

عمرو... انا والله بفضحك... والله
*********************************************

قسم الفلسفة:

يا عمرو... انا بحبك... لكن بكرهك فى نفس الوقت... و انت طبعا عارف انو الحب والكراهية مستحيل يجتمعوا مع بعض... عشان كده كل واحد مننا يمشى فى طريقه.
******************************************

كلية الآداب قسم التاريخ:

عمرو... نحن علاقتنا كانت جميلة و حميدة... لكن بعد ما شفتك قاعد تخون فينى انت والبنت الأسمها سماح و دبرتوا مؤامرة ضدى... فأنا اقترح انو كل واحد مننا امشى فى طريقه و كل الطرق تؤدى الى روما.
*********************************************

كلية التربية:

انت يا عمرو بتقل ادبك على يعنى والا شنو يعنى... اربى فيك لمتين انا.
*********************************************

كلية الفنون الجميلة:

تتصور يا عمرو... انا دى اول مرة اكتشف انك انسان حقير للغاية و تصرفاتك كلها قبيحة و اطلاقا" ما عندك حس فنى تتعاملبيهو مع الناس.
*********************************************

كلية الشرطة:

اتكلم... افتح خشمك ده و قول لى العلاقة البينك و بينها بالتفصيل الممل... و متحاول تدس منى اى معلومات لأنو انا كنت مراقباك فى التمانية واربعين ساعة الفاتت.
********************************************

جامعة امدرمان الأسلامية:

الله يسامحك يا عمرو... الله يسامحك و كتر الف خيرك لخيانتك لى.
*******************************************

كلية كمبيوتر مان:

انا آسفة يا عمرو... الظاهر انو فى خلل فى حياتنا... انا ما عندى اى استعداد انى اعمل معاك رستارت و نبدء حياة جديدة... كل الممكن نعملوا اننا ننسى الفات و الكان بيناتنا ونرميه فى الزبالة... يعنى باختصار لازم تحصل عملية فرمتة و شت داون فى وقت واحد
******************************************

ويظل الشاكوش ..شاكوش

والشوكشة أنواع عديدة ، منها ما يتم الاتفاق عليه بين الاثنين لاستحالة الاستمرارية ، ومنها ما يتم بفعل هبوط اضطراري لعريس جاهز ، ومنها ما يتم بفعل أم أو أب قاهر فيمنع إبنه أو بنته من الارتباط بالطرف الآخر ، ومنها ما يحدث بسبب الفلس ، ومنها ما يحدث بسبب اكتشاف التاريخ ، ومنها ما يحدث بوجود البديل الأروع ، ومنها ما يحدث بسبب الانتقال من السماحة النص نص إلى السماحة المفاجئة للطرف الأنثوي .
كل واحد | واحدة له| لها شواكيشه | شواكيشها ، لماذا لا تحكوا لنا ؟
احكوا لنا إن كنتم مطرقة أو سندانا ، فكلاهما سواء وكلاهما توجعه الضربة .

[امير عبدالباقي]

والله يابراهيم مبالغه
لكن بتاعت كليه البيطره خرجت من النص
الله يكفيك شر الشواكيش

[خالد حمد موسى]

مشكور يارائع بكل جديدك

وحقا ابدااع والزه شي بتاعت

كليه الطب واعمل حسابك ياابراهومه

ماجيك مشرط طاير لك كل الشكر عزيزي..

[مزوني]

كاتب الرسالة الأصلية امير عبدالباقي
والله يابراهيم مبالغه
لكن بتاعت كليه البيطره خرجت من النص
الله يكفيك شر الشواكيش

[ياسر فقيري]

هههههههههههههههها والله يا إبراهيم بالغت عديل كدا ودي بالذات كانت أخطر واحدة

كلية الطب:

عليك الله يا عمرو ما تمرضنى الله يمرضك... ما تخلينى اقطعك بلمشرط ده و اوديك العناية المركزية.
**********************************************

أنا زمان سمعت غزل الكليات وأكثر حاجة كانت عاجباني هي غزل بيطري .. وأظن فيها مقطع بقول ..
المهر العاصي اللجام
وزي وزين بي صديرو عام
نتمنى من اخونا طه يسعفنا بيها كاملة إذا أمكن

[أبوريلان]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه

أبراهيم دى لافيها بكم

[Du3ash]

واشمعنى يعني شواكيش كلية الصيدلة ما قلتها ....
انا ح أقولا ليكم ...

بالمناسبة يا عمرو انت عندك مقدار خرافي من السخافة ... وانا لمن عملت معايرة بينك
وبين الناس لقيت عندك جرعة زايدة من التخلف ... والمقاييس الانت عامل مؤمن بيها دي
حيكون ليها آثار جانبية خطيرة بمرور الزمن ...

[قمر الزمان]

و وين المختبرات يا ابراهيم ؟؟؟ على العموم

انا يا عمرو .. بعد فحصي الدقيق لي علاقتنا لقيت انو فيها كثير من الطفيليات و الميكروبات اللي ممكن تزيد مع الزمن عشان كدا احسن نوقفها ...

[ابراهيم]

افيض لكم شكراً كلكم لكن لقيتكم دبلوماسيييين كلكم يعني مافى واحد فيكم اخد شاكوش .. قلنا:

والشوكشة أنواع عديدة ، منها ما يتم الاتفاق عليه بين الاثنين لاستحالة الاستمرارية ، ومنها ما يتم بفعل هبوط اضطراري لعريس جاهز ، ومنها ما يتم بفعل أم أو أب قاهر فيمنع إبنه أو بنته من الارتباط بالطرف الآخر ، ومنها ما يحدث بسبب الفلس ، ومنها ما يحدث بسبب اكتشاف التاريخ ، ومنها ما يحدث بوجود البديل الأروع ، ومنها ما يحدث بسبب الانتقال من السماحة النص نص إلى السماحة المفاجئة للطرف الأنثوي .
كل واحد | واحدة له| لها شواكيشه | شواكيشها ، لماذا لا تحكوا لنا ؟
احكوا لنا إن كنتم مطرقة أو سندانا ، فكلاهما سواء وكلاهما توجعه الضربة .

دايرين نفتو هنا دا اعترافات يعني تورونا شكل الشواكيش جات كيف؟ والاسباب شنو؟ انا اسجل اعترافي وافتح ليكم الباب ...


أنا غايتو الشاكوش جاني من بعيد لي بعيد بعد الاغتراب الخبر جاني عبر المسنجر وقالوا لي عرسنا بعد شهر ومعزوم العرس كمان ..

السبب إنو جا عريس جاااااااااااهز ، فنان شاب مشهور اسمو ومرطب ..

[rasheed]

يا إبراهومة يا عجيب الناس خايفة مالها ما دايرة تحكي عن شواكيشا ،، أنا بفتح المزاد أقصد الرأس أقصد الشواكيش ،،
تعرف إستمرت علاقتنا مدة عامين وكنا عسل بالسمن ،، ووصلت العلاقة حد الصراحة ، وأخوك ما كضب قال ما دام ده زولي ولي سنتين معاه 00 بعده ده نخش في الغريق وكنت جادي وحياتك ، وفي يوم جميل أنشرحت وحكيت الماضي ومشيت مرتاح البال لأنو كان مؤرقني إني داسيه منها ،، أكان اليوم التاني ترسل لي المرساااااااااااااااااااااااااااال وكنت متخيل كلام حلو عشان الصراحة 000 لكن لقيت ليك الكلام مقلوب ومعكوس ومبرجل !!!!!!!! وكمان لقيت ليك الصراحة دي أحسن تختاها في الأماكن دي وما تتفلسف تاني وتحكي الماضي أحسن شيء تخليه وراك وترمي قدام وكان سألوك قول عدس ،،، فاهمين يا العزابة والماشين على الطريق أكان سألوك عن الماضي قول عدس عدس عدس ،،، هاههاهاههاهاه ،، تعرفوا يا حبايب مع أنو كان شاكوش لكن كان لذيذ ،، وأستمتعت بيه أشد المتعة لأنو كان الواحد ما أخد ليه شاكوش ما بستعدل يعني الواحد فينا زي المسمار المارق لبره شوية وطبعاً المروق ده درجات يعني ممكن يكون في حتة بس مثبته في الخشبة أو في الحيطة ،، وكمان ممكن يكون للنص وممكن يكون باقي محل الخبته بالشاكوش ،، يعني شاكوش واحد بجيب الرأس ،، لكن الله لينا من الناس المثبتين في الخشب برأس المسمار بس ،، والله ديل شواكيشم كتيرة كترة وإن شاء واحد يتحفنا بكم شاكوش كدة من النوع ده ،، ولا مؤاخذة وسلام ،، الرشيد ،، rolleyes confused:

[مــ سواح ــازن]

لكن نسيتنا نحن أو إنك عارف ناس المختبرات الطبيه
ما عندهم شواكيش ابدا
مباااااااااااااالغه يا ابراهيم
ربنا يزيدك كمال وكمال

[ياسر فقيري]

أصلو الحصل سألونا مرة عشان يعرفوا ظروفنا كيف
جات سيرة للريدة الزمان
لما الوليف لاقى الوليف
وغلبنا من سيرتك نقيف
ورمينا حبة لوم عليك
شالو الكلام جابوه ليك
الكلام جاب الكلام ..
أكثر من كدا ما في ..

[ابراهيم]

كاتب الرسالة الأصلية rasheed
تعرفوا يا حبايب مع أنو كان شاكوش لكن كان لذيذ ،، وأستمتعت بيه أشد المتعة لأنو كان الواحد ما أخد ليه شاكوش ما بستعدل يعني الواحد فينا زي المسمار المارق لبره شوية وطبعاً المروق ده درجات يعني ممكن يكون في حتة بس مثبته في الخشبة أو في الحيطة ،، وكمان ممكن يكون للنص وممكن يكون باقي محل الخبته بالشاكوش ،، يعني شاكوش واحد بجيب الرأس ،، لكن الله لينا من الناس المثبتين في الخشب برأس المسمار بس ،، والله ديل شواكيشم كتيرة كترة وإن شاء واحد يتحفنا بكم شاكوش كدة من النوع ده ،، ولا مؤاخذة وسلام ،، الرشيد ،، :

يا سلام عليك يا رشيد .. اوفيت وكفيت الناس الظاهر عليها متحفزة وبعدين في ناس رهيفين وسيرة الشواكيش دي بتقلب ليهم المواجع نعتذر ليهم ...

في مثل بقول:

الرجال كالمسامير لاتزيدهم الشواكيش الاثباتاََ

وانت طبقتو صح يا رشيد

[ابراهيم]

مازن وود فقيري ما تبطلو الدبلوماسية واحكو لينا

باقي الكليات -------------------------------------------------------->

كلية طب الأسنان
لمن يحصل تسوس بالشكل ده في حياتنا يا منال...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة

كلية علوم التغذية
منال انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق
وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت
كفانا مواد حافظة يا دي



كلية هندسة الجينات
منال...انتي عارفة انو جيناتك هي السبب؟!!...ضعف المناعة العاطفي موروث في عيلتك.. أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
وكلو نواة تطلع خليته



كلية علوم الطيران
منال...يؤسفني اقول ليكي اني دقيت ليكي خروج نهائي من حياتي...اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق
انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة



كلية الموسيقى و المسرح و الدراما
اسمعيني يا منال انا بحبك مووووووووووووت ومتمني أعرسك الليلة قبل بكرة...اها نمشي نشتري الشبكة متين؟
رأيك شنو في الدور ده؟...ما انفع ممثل يا منال؟
اسمعيني يا منال...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟
هاااااا؟؟...لأ المرة دي انا جاااااااااااااااااااادي....تمثيل شنو يا دي؟
ما تفهمي ياااااااااااخ ..الا ألحن ليك كلامي ده ؟



كلية هندسة الاتصالات
بصراحة يا منال انا كنت قايلك في السلك...لاكين طلعتي موبايل بلا بطارية... انا وانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت..ومشاعرنا بقت مشوشة لأنو عواطفنا للأسف بقت لاسلكية
ياخي باختصار...حبنا طلع برة الشبكة



كلية الهندسة الزراعية
عارفة يا منال؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا



كلية علم البصريات
منال انتي عارفة اني زول عندي بعد نظر..وشايف اننا ما بننفع لبعض...اقول ليكي أنا ما قادر اكمل.. حاكتب كلامي على ورقة...ركزي معاي وحاولي تقري الحروف دي
I

H
A
T
E

U
أها غمضي العين الشمال...وافتحي اليمين...قريتيها؟ ...... كلك نظر يا منال



كلية علم الكيمياء
شوفي يا منال لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي



كلية علم الكيمياء
عارفة يا منال...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟



كلية الآداب قسم علم الآثار
منال اسمحي لي انك تحفة مزيفة...الجكس كلهم تحف عتيقه و نادرة الا انتي.. ما عندك غير فك الرموز بالطريقة التعجبك...تنقبي عن المشاكل تنقيب...وبعدين انا وانت اساسا حضاراتنا مختلفة من البداية...وافتكر حقو ندفن البيناتنا بعد ده.... هووووووووووي مالك بتعايني لي كدا...ما فهمتي؟...ليــــــــــــه أنا بتكلم لغة مسمارية ولا شنو؟...شنو لعنة الفراعنة الانا اتبليت بيها دي



كلية الفيزياء قسم العلوم الفلكية
اسمعي يا منال انتي ما لاحظتي انو سنتنا الضوئية مرت بسرعة؟
يا بت الحلال الشمس والقمر ما بتلاقو في سما وااااااااحدة...يعني
باختصار نجم حبنا أفل... وبعدين انا كنت قايلك مجرة مختلفة عن باقي المجرات...كنت قايل ما ليك زي في الكون...طلعتي ثقب اسود في حياتي...وانا بالشكل ده ح الف معاك مدارات الحياة من غير اي هدف
أفتكر كلامي واضح وضوح كوكب الزهرة الساعة 4 الفجر


كلية علوم البحار
اسمعي هنا ده... مركب فيهو قبطانين بغرق أديل كدة...وبعدين انتي ما ملاحظة اننا دايما ماشين عكس التيار؟...وانو أمواج الحياة بترزع في مركبنا ده يمين وشمال من غير اي سبب...انت ليه مصرة تغرقيني معاك يا منال؟... ياخي انا زهجت من المد والجزر الحاصل لي بسببك
يلا بعد ده نزلي شراعك من حياتي ...واقطعي خطافك عني
البحر ملاااااااااااااااان اسماك

[أبوريلان]

هههههههههههههههههههههههههههههههههههههههههههههههههه ههههه

والله يا أبراهيم دا كلام مرتب برتكان ولحم ضان

لكن عملتها ورشة عديييييييييييل كدا

بس برضو ما رديت على سؤالى بكرتين ؟

[ابراهيم]

ابو ريلان يا حبيبي

دى الحالة بكليوباترا

[ابراهيم]

كتب احد المشوكشين هذه الهترشة ورفض التصريح باسمه:

تراجيديا العشق والكتابات الحزينة او ما اسميه أدب الشواكيش وكل تلك الاغانى التي تتحدث عن هجر الحبيب وخيانة عهود الهوى والبكا الواضح والانبراشة الفكرية والنفسية وحكاية انو الواحد يمشى فى الشارع وهو راسم على وشو جغرافية الذهول وابتسامة الأبطال الخاسرين بشرف المبدأ .
وتلقى الواحد الحياة دى مسخت ليه وما ضايق ليها طعم زى البياكل فى نشارة خشب مهوقنى مسوس ودايما تلقى حالته زى اللوحة التشكيلية ما تفهم الحاصل شنو ؟ولو دايرو ينداح ويفرهد بس كباية جبنة تقيلة وقوليه انت مالك يازول وتلقى قدامك أعظم القصص الرومانسية وملحمة درامية متكاملة ومسرح الرجل الواحد المهم ينبرش انبراشة ما بعدها وفى النهاية يقوليك والله بعد دا لسه بحبها ومشتاق ليها ؟ يا جماعة دا كلام !المهم الرحلة التالية للبشتنة دى مرحلة الإحساس بالإبداع تلقاه فجاءة لقى رقبتو شاعر فطحل او مفكر سياسي ولا كاتب قصصي زى حالتى انا وكتير زى ولا شنو يا جماعة .....حتى أخوانا لمتزوجين تلقى الواحد الوضع ما عاجبو وتلقى يكتب فى الشعر يا ملهمة وما عارف شنو وكانو ضحي بسعادته وعرس كدا ساكت اداء واجب وهى المسكينة لسان حاله رضينا بالهم والهم ... وبعدين الشئ البزعل تلقى الواحد الليل كلو يشرب فى السجاير ويسف التمباك وشايل ورقة وقلم ومولع لمبة الحوش لى الصباح ويكتب انبعاج حبي وحكاية رفضك .. ومساحة العشق البينا ورحيل سماك وسكون ارضك ... وماعارف شنو وهى تلقها نايمة فى سابع نومة ولا بتحضر فى فيلم ولا ماسكة التلفون وهاك يا ونسة مع الجكس الجديد . دى حنية زايدة ولا عباطة ولا الحكاية شنو ؟اما ان الاون يا شباب تشدو حيلكم شوية.