بشرى لي طلبة جامعة الجزيرة

[مزوني]

بعد التحية السلام
طبعا أخير تقرر فتح جامعة الجزيرة
ولكن مجمع الاعدادية وحنتوب يوم 5/6/2005
يعني انبسطو يا قمر الزمان واللمسة الساحرة
اما بخصوص مجمعي النشيشيبة والهلالية والحصاحيصا
اللي هم كان لهم الدور الأكبر فيإغلا ق الجامعة لسه ما نظرو في أمرهم
وتقريبا حتكون القعدة التنويرية لي الموضوع حقهم يوم 15/6/2005
وما معروف حيفتحوها ليهم متين
وربنا يكتب اللي فيه الخير لكل الطلبه
وكان الله في عونهم
وسلامتكم

[قمر الزمان]

اولا مشكوووووووووووووووووووووووووور مزوني على المعلومات
طبعا الخبر الوصلني انها يوم 4 لكن بعدين قالو لي لا ما اتحددت
الله يكون في عونا نازلين امتحان على طول :

[اللمسة الساحرة]

والله انشاء الله و عليك الله يامزوني انت متاكد من المعلومة دي بالله يا مزوني وقمر الزمان اي واحد عندو فكرة او وصلتو معلومة اكيدة اورينا مصدرا وومشكورين
ربنا يعين الاجازة معدينها كلها نت ماقرينا اي شي
ومشكوور جدا ي الغالي مزوني
والعسل قمر الزمان

[ستموني]

الاخ مزوني يا دفعه EFH
منو القال ليك كده ما تعشم الجماعه ساي انا شغال في جامعة الجزيرة الجامعة انشاء الله شهر واحد

[اللمسة الساحرة]

شهر واحد حرام عليك يا اخي قول غير كدة ، انت متاكد، ياريت اي واحد يورينا مصدر المعلومة البجيبها

[قمر الزمان]

دا شنو ؟؟؟
الجامعة شهر واحد ولا يوم 5 ؟؟؟
ويا مازن انت متاكد ؟؟؟
ويا ستموني بالجد شهر واحد ؟؟؟
يا جماعة نورونااااااااااااااااا

[مزوني]

انا الكلام السمعتو انو شهر واحد على العين والراس
لكن يا عزيزي يا ستموني
ممكن لو انت شغال في الاعدادية في ورقة معلقة برا في البوابة الشمالية
اللي هي على اتجاه الموقف العام
دي انا شفتها بي عيوني الاربعة
والله أعلم

[admin]

الاخ ابو بكر كيفك
بالنسبه للجامعه ما فى حاجه اكيده حتى الأن لكن المهم فى شهر سته سوف ينعقد اجتماع على ضوه يتم تحديد فتح الجامعة للكليات العلميه فقط يعنى مجمع الاعداديةوبعدها حنتوب النشيشيبه اما بقية الكليات التى حدث فيها الشغب مثل الحصاحيصا والهلاليه ديل المامعروف ليهم خبر (ده الشمار الشغال الايام دى) لكن كلام اكيد مافى الليله دى انا سالت دكتور محمد بس قال الاجتماع حيكون فى شهر سته وعلى ضوه بحددوا.
وشكراً

nhlahydr

[امينو]

فعلا الكلام دا صحيح لانو من مصادر موثوق فيها داخل الجامعة قالوا انها ما حا تتأخر من شهر 6 بالنسبة لي ناس الاعدادية اما النش ما خبر ليهم يعني احنا الضعنا في الرجلين يا قمر الزمان والله يكون في العون

[مزوني]

طبعا يا حلوييييييييييييييييييييييييييين
خلاص إتأكدت ان الجامعة يوم الأحد 5/6/2005
والكلام دا أمبارح والمعلومة المرة دي من الأخ ستموني
بنفسه
فلك كل الشكر والتقدير يا ستموني

[Du3ash]

يعني أكيد أكيد أكيد .... نمشي نشوف لينا قراية نقراها ...
المؤتمر خلاص انعقد ... وعلى أساسو حددو انو الجامعة يوم 5 ... ؟؟؟؟؟؟؟
يا ريت تردو لي .... قوام لاني دخلت طور الكبكبة وجرسة القراية تاني ....

[اللمسة الساحرة]

يامزوني قول كلام غير دة ماطمنتنا والله ،،،
انا قبل 3 ايام ضربت لي بروف محمداني وسالتو من الجامعة قال لسة مافي شي اكيد وسالتو من الاشاعة بتاعت يوم 5/6 قال مافي كلام زي دة وهو طبعا مابيخفى عليكم انو عميد مختبرات طبية.....

وانا يامزوني بترجااااااااااااااااك وبترجااااااااااااااك وبترجااااااااااك انك تمشي بكرة او في اي وقت تحب وتسال المسجلة بتاعتنا لانو انا ماعندي زول في مدني اسال لي ،،، انا عارفة نفسي سغيلة بس ارجوك لانو عندنا اجراءات سفر سغيلة جدا هنا في المملكة،،،
فارجوك امشي الجامعة بكرة واسال المسجلة انا في انتظار ردك على احر من الجمر،،،
وادييييييييييييييييييييييك الفين عافية

[مزوني]

يا جماعة الكلام دا أكيد من أول أمس
يعني يوم آخر رد لي يعني حتى ممكن تسألو ستموني
هو شغال في الجامعة وبرضو صباح"نانا"
وياللمسة الساحرة طلبك على عيني وراسي
ودي ما ثقلة ولا شي حرام عليك
فيها شنو لما وحده تطلب حاجة من أخوها الكبير
على العموم طلبك على عيني وراسي
ويا دعاش أقعدي أقري قرايتك ساي
لكن دا في حالة انك تكوني طالبه في الاعدادية أو حنتوب فقط
غير كدا لا؟

[قمر الزمان]

والله يا مازن ما عارفة اقول شنو ..
لكن اي زول اتصلت بيه في السودان حتى الناس البعرفهم الشغالين
في الجامعة قالو لي لسة ما اتحددت بالظبط متين ، لكن انها ما ح تتأخر
عن الاسبوع او الاسبوعين الاوائل من شهر ستة .. اما اليوم لسة
ما اتحدد ..
لكن بيني وبينكم احسن نبدأ نذاكر ..
وتحياتي ..

قمــ الزمان ـــــر

[اللمسة الساحرة]

بس يامزوني بالله امشي اسال ليا بكرة وتسلم يا رايع
انا مستنية ردك

[امينو]

يا ناس يا هو النشيشيبة ما داخله في الموضوع دا ولا شنو احنا خلاص نشفنا دايرين نلاقي جماعتنا وبالمرة نشوف قرايتنا ....

[مزوني]

والله يا امينو للأسف لسه
وياللمسة الساحرة معليش أنا بس في الخرطوم
لكن اوعدك يوم السبت بشوف لي أي زول من مدني اخلي يمشي الكلية ويتأكد بنفسو
من الخبر وبإذن الله حنسمع أخبار حلوة
بس انت بعد كدا أبدي في قرايتك
وبالتوفيق انشاءالله
وربنا يديكم الصحة والعافية

[همس الشوق]

حــــــــــرام عليكم قولوا كلام غير ده نحنا لسة ما استعدينا للجامعة

[ودأبكرش]

اصلح بيكم معلوماتكم
امبارح كنته احد اساتذة الجامعة وقالو
حينزلو القرار أخر شهر 5 بتين يفتحوها
1_6 او5_6
ماكد من مصادر موثوق بها

[اللمسة الساحرة]

بالغتو معانا عديل كدة
والله ماطمنتونا كلو كلو

[قمر الزمان]

كان فتحوها يوم 1 / 6 يكونو بالغو عديل كدا
الله يستر ويقدم اللي فيه الخير
امينو خليك قاعد مرتاح مالك بتفتش على الهم..

[امينو]

والله كمان يا قمر الزمان عدم الموضوع كعب شديد خصوصا في بلدنا دي

[قمر الزمان]

آى معاك انو عدم الموضوع كعب وفي السودان في اصحابنا واهلنا واي شى
بس في النهاية راجعين نقابل الكتب !!!!
ولا ما كدا يا امينو يا جاري الحيطة بالحيطة !