جورج إرداحي: في أي سنة كانت إتفاقية أوسلو
ود العوض : هوي انت قايلني كوفي شوب ولا هو المصيبة كوفي عنان دا .. ما تسأل زي الناس
جورج إرداحي : حبيبي هذا هو السؤال فيك اتفكر وفي عندك اتلاتي خيارات
فيك تحذف اجابتين أو تستعين بالجمهور أو تتصل بصديق
ود العوض (يفكر)طبعا بصوت عالي : الراجل الضلالي دا قايلني ديك .... أسة كن قتا ليهو نحذف اجابتين بحذفو لي الاتنين الصاح والجمهور الحاسدني على قريشاتي مااظنو بساعدني يبقى مافي حل غير نضرب لي حمد (بضم الحاء وشد الميم)
جورج إرداحي : فيك توائف إزا بدك
ود العوض : أقيف ؟!!! حيطة اتقيف فوق راسك قال اقيف قال .. اتصل لي بصديق
جورج إرداحي : بمين بدك تتصل
ود العوض : الأخ حمد محمد احمد
جورج إرداحي: شو بشتغل العامل المشترك(حمد(
ود اعوض: واللاااااي ..... ماسك محل امبدة استورز محل ناصية مشهور كدا
جورج إرداحي(بعد اجراء التصال) :الو أخ حمد معك جورج إرداحي من برنامج من سيربح المليون محطة -ام بي سي- وزميلك مشارك معنا و بدو ايك تساعدو
حمد : انت ود منو؟!!!!!!
جورج إرداحي: مش انا يا حبيبي خد معك المتسابق ومعكم اتلاتين سانية
ود العوض :حمد دا أنا ودا العوض من محطة ام بي سي
حمد : داير كم؟
ود اعوض : ياحمد ركز عليك الله دي مامحطة بنزييييين دي محطة تلفزيونية يعني انا اسة في التلفزيون في لندن
حمد :وييييييييييييييييين ياخي مشتاقين كيفك كدا الله يسلمك الله يبارك فيك الله يخليك اللي يبارك فيك والله الأولاد كلهم كويسين مافي عوجة فضل بتاع العماري قال ليك جيب ليهو معاك - فارن هايف- (أظن انو كان قاصد ريحة فاهرنهايت) وكلم لي...
ود العوض :ياخ الله يقدك مافي زمن
حمد :مافي زمن كويس أنا داير أهدي للاهل في أمبدة وللحبوبة في الكلاكلة ولي محاسن وآمنة .......
تيييييييييييييييييت انتهى الوكت وود العوض أكل نيمو
بصراحة قابلتني وانا بتصفح في النت يجوز تكون قديمة وكلكم لاقتكم بس جد عجبتني وقلت الطشها واشارك بيها ويديكم العافية
رد مع اقتباس
المفضلات