( اضــــــــــــــــــاءات ) مـــع ديـــك العــــــــــدة

[صالح ابوشوارب]

.
هذه بعض نماذج من الرجال لست ادري هل هم يحملون كل هذه النيات الحسنة

أم هي الظروف التي وضعتهم في مثل هذه المواقف حتي نطلق عليهم

( ديك العـــــــــــــــــدة )

(1) كنت ماشى للحراج لشراء مكيف وفي اثناء الحوامة شفت راجل عندو

دقن وجلابية قصيرة ومن خلفه زوجته او واحدة من قريباته تلبس لبس شرعي

عباية وحجاب كامل حتي الشرابات والكفوف ولكن وسط كم هائل من الرجال

والحراج زحمة لاتستطيع ان تمر الا بطريقة الثعبان . والحقيقة زعلت شديد من

الراجل دا . وهنا تطوعت وذهبت اليه ووسوست له في اذنه ببعض الكلمات وهنا

صاحبكم جفل وقال للمرة اطلعي . اطلعي . بسرعة

(2) رجل قالت ليه زوجتو انا ماشة مع فلانه جارتنا السوق فوافق ومشت مع

جارتا وعندما رجع في المساء شاف مرتو لابسه خاتم صغير بتاع دهب وعمل

نايم ما تكرم يسأل ؟

هل عندكم ديوك للضبح ؟؟

ولا نخليهم يكسروا العــدة

عجبي

[امير عبدالباقي]

ابوشوارب ديوك العده كتار
هي فعلا حاجه تمغص لكن
ماتحرق دمك ساي خليه علي
الله تلامثال كتيره انا بعرف واحد
مرته جابت ليه كريسيدا هديه
بالمناسبه هي ماشغاله ربت منزل
اجارنا الله

[aborawan]

انتا عارف يا عمنا والله الديوك ديل من كترتم قدر ما تلف ليك بي زقاق تلقى ليك ديك بالذات النوع البتكونو مرتو شغالة ده بكون ديك بشهادة غايتو الا من رحم ربي

على قولة امير تعمل نايم وما تحرق دمك سااااي

[امينو]

وما اكثر ديوك العدة يا عمنا ابو شوارب واقبح ديك شفتو في حياتي واحنا راكبين الطائرة المدام ماشة قدامو في الممر الضيق للطيارة ومتجهة ( لمو آخذة ) للحمام وحبيبنا ماشي بي وراها وشايل شنطة المكياج !!!!!!!!!!!!!!!!!!!!!!!!!!!
عاد دا كلام يا جماعة والله حاجة تمغص ...

[القناص فوزي]

والله إنكم صادقين
وما أكثر الديوك وبالفصحى ((( الديوث )))
أعزنا الله وإياكم أن نكون منهم
وشكرأ أخ/ صالح على هذا الموضوع القيم
أخوك
القناص فوزي

[أبوريلان]

المشكلة يا أبو شوارب الديوك الفى السعودية هنا جايبين لينا سمعة سيئة شديد حتى أأئمة المساجد أصبحوا يعظوا فى ديوك العدة فى خطب الجمعة من شر دجاجهم .

تعرف يا أمير هنا فى الرياض فى ديك عدة زوجته أشترت ليه سيارة آخر موديل وجوال آخر موديل بس بشرط لما يصل البيت ويشوف ليه لا مؤاخذة أحذية أمام باب الشقة يرجع مكان ما كان وما يدخل الشقة إلا بعد خروج الضيف !!!!

ومافى داعى لذكر أمثلة أخرى .

شكرا أبو شوارب على الإضاءات المضيئة .

[خالد هاشم علي]

لا حول ولا قوة إلا بالله..



عشنا وياماحنشووووووووووووووووووووووف
ده كلام شنو ده ياأخوانا...؟؟؟؟

اللهم أحفظنا...

[القناص فوزي]

الحمدلله الذي عافانا
اللهم أحمينا وأهلنا والمسلمين أجمعين
اللهم لاتعذبنا بما فعل السفهاء منا
لاحول ولاقوة إلا بالله العلي العظيم

[صادكو]

ديك العده راح ازوج المره الثانية مرتو الاولى اتصلت بيه قالت ليه لو راجل ارجع البيت تانى الى الان ما فكر يرجع اتزوج كيف الله اعلم

[البلدوزر]

كاتب الرسالة الأصلية خالد هاشم علي
لا حول ولا قوة إلا بالله..



عشنا وياماحنشووووووووووووووووووووووف
ده كلام شنو ده ياأخوانا...؟؟؟؟

اللهم أحفظنا...

[الزبير محمد عبدالفضيل]

بسم الله الرحمن الرحيم


والسلام علي من اتبع الهدي


ياخوانا ديوك العده كثيرين ونقول الله يهديهم الي الصراط المستقيم


ولازم الواحد يكون مع زوجته صريح واضح من اول التقاء معها ويعرفها بكل


شيء حتي تكون علي درايه بهذا الرجل ولابد من الاحترام بين الزوجين


حتي تكون هنالك مكانه للرجل والاهم من ذلك مخافة الله سبحانه وتعالي


ربي زدني علما

[tahaa]

يا ســبحان الله موضوع في غاية الأهمية


والله والله والله ما اكثر ديوك العدة يا ابو شوارب أنحنا عندنا في قطر ديوك يدو لي ربك العجب ( زي ما بقولوا الواحد بيعرض زوجته عديل كده ) يعني في الكرنيش تلقى الواحدة أخر ماكياج وخُمرة ودخان وتوب حرير شفاف واللبس زي ما بقولوا كان ما فوق للركبه ما أكتر وتلاقه {{{{{ الديــــك }}}}} شايل شنطة اليد والولد في كتفه وماشي وراها حتى أصبحنا في لسان كل واحد من القيل والقال

ويا حليل زمــان وكت كانت المرأة السودانية زي ما بقولوا زي الجنيه الدهب والراجل راجل بمعنى الكلمة عينو تطاير شرار وهو الآن {{ دييييييييييك }}وأصبحت المرأة صفر على الشمال .

ولا حول ولا قوة إلا بالله العلي العظيم ...
اللهم حكِّم فينا كتابك ووفقنا للعمل به .. آمين يا رب العالمين

اللهم أحفظنا وأحفظ أمهاتنا وزوجاتنا وبناتنا وأخواتنا وأهلينا وكل المسلمين